3
(Mat 12:9-14; Luk 6:6-11)
1 Jesuh cu Sinakok ah a lut Žhan, kutzeng pa pakhat acunangah a om.
2 Sabbath ni ah acu pa cu damsak leng lei maw tiin amah sualhrawl dawt ah an bawhlanglang.
3 Culeh kutzeng pa cu, “Hmala ah suak hnik,” tiah a ti.
4 Cuhnukah an hemah, “Sabbath ni ah thil Žha ti maw thil Žhalo ti, mi nunnak runsuah maw, mithah a phung a ii?” tiah a ti hngai. Ihmansela daite in an om.
5 A hehharin a hrialkam a zoh hngai; an lung a khawng tuk ruangah an caah a ngaih a sia ih cu pa cu, “Na kut thlam hnik,” tiah a ti. A thlamih a kut cu a damngah Žhan.
6 Farisi-le cu an suakih, a voikhat ah Herod ih minungle rum amah siatsuah nak ding thu an phiarthup.
(Mat 12:15-21)
7 Jesuh cu a kaizulle rum Galilee rili laah an pok, culeh Galilee in mibuur pi ni a dung an zul;
8 a thil vuakmi thu dengin an zak ruangah Judea peng, Jerusalem, Idumea peng, Jordan ral khat, culeh Tai-ar leh Sidon hrialkam ih khuaram in mi tlungpi ni khaw amah cu an pha ve.
9 Mi an tlun tuk ruangah amah cilnang pang lo dingin a kaizulle cu amah caah lawng pakhat tuahsicia dingin a cah hngai;
10 icatile mi tlungpi a damsak hngai ih tiahherh ngeitu an zate ni amah tongtham ngah dingin an nor ciamco.
11 Thlarau thianglo ni amah an hmuh cangin a hmala ah an bokih, “Nang cu Pathian Tiapa na ii,” tiah an kui.
12 Ihmansela ahu a ii ti mi tiahsak lo dingah ngekngeihin thu a kaa hngai.
(Mat 10:1-4; Luk 6:12-16)
13 Culeh Jesuh cu tlaang ah kaiin a kawh dawt mi le a hemah a ko hngai ih amah cu an pha.
14 Culeh, tirhthlahle tiin khaw a kawh hngai mi hleihnih cu amah rum bualleng khat dingah, phungsim ih thlah hngai dingah,
15 cun khawsia Žhawl zonak thu ngei dingah a ril hngai.
16 A rilmi hleihnih cu: Simon (Piter tiih min a vawh mi);
17 Zebedi ih tiapa Jeim leh a naupa Johan(Khuari Tiale tican a imi Boanerges tiah min a vawh hngai mi);
18 Andru, Filip, Bartholomeo, Matthai, Thomas,
19 Alfias ih tiapa Jeim, Thadias, PhunŽan Simon leh amah Jesuh leirawitu Judas Iskariot an ii.
(Mat 12:22-32; Luk 11:14-23)
Cuhnukah inn ah a tlung;
20 culeh mibuur an tumtiak Žhan ruangah caw hman an awk tia thiam lo.
21 A innsang ni an zak tikah, amah kilkhawi dingah an pha, icatile mi ni, “A hmaw rom,” tiah an ti.
22 Jerusalem in a phami daanzirhtule ni cu, “Beelzebul ni a hrolhtiak a ik hi, khawsia bawi ih huham in khawsiale a Žhawl hngai hi tang,” tiah an ti.
23 Curuangah amah hemah ko hngai in an hemah thuŽhim rum, “Khawti in Satan ni Satan cu a Žhawl thiam thok hmen?
24 Ram pakhat cu amah le mah a Žhentiak ahcun a Žho zo lo.
25 Culeh innsang pakhat khaw amah le mah a Žhentiak ahcun a hmun kho thok lo.
26 Culeh Satan khaw amah le mah ralthoin a Žhentiak ahcun a Žho thok lo, amah ih dengnak a pha vel.
27 Midik pa ponhreng peita loin ahuhman ni a inn von bauhhratin a ngeihsiah an vong sut thiam thok lo; an ponhreen peitat hnukah ceu a inn cu an vong ruam ngah thiam thok.
28 Thungai ka tan sim hngai, sualnak leh itumang thangsiat on-aan an on-anmi khaw ngaidam an i thok;
29 a inain Thiang Thlarau thangsiat tupoh cu ngaidam a i zo dah thok lo, kumkhua nguh sualnak vuatu a ii,” tiah a ti hngai –
30 icatile, “Thlarau thianglo a ngei,” tiah an ti ta.
(Mat 12:46-50; Luk 8:19-21)
31 Cuhnukah a nu leh a naule an pha; culeh pawnla ah an diing ih vasuak ta dingin mi an simsak.
32 Mibuur ni amah ulkimin an to; culeh, “Na nu leh na naule pawnla ah an om, an tan lam,” tiah an ti.
33 Ani ni, “Ka nu leh ka naule cu ahule an i hmen?” tiah a let hngai.
34 A velkim ih a to tu le cu zoh hngai hratin, “Hinangah ka nu leh ka naule an om hin!
35 Pathian dawtzawng a vua tupoh ka nau, ka tar leh ka nu an ii,” tiah a ti hngai.