4
(Mat 13:1-23; Luk 8:4-15)
1 Jesuh cu Galilee Rili pangkam ah thuzirh a thawh Žhan. Mibuur pi ni an ulkim ruangah Rili sungih lawng pakhat sung ah lutin a to, mipi zong cu rili kam vulei parah an om.
2 ThuŽhim hmangin thu tlungpi zirh hngai a thawh ih, a thuzirhnak sungah:
3 “Ngai hnik uh! Thlaicivorhtu pakhat cu thlaici vorh dingah a tat.
4 Thlaici a vorh tikah aŽim cu lam parah an tla, culeh vapawl an suakih dengin an cu.
5 AŽim cu vulei paatnak lungpaidar parah an tla ih vulei a paat ruangah an keeu lohli.
6 Culeh ni hang tlaangin a sat hngai; hram thuk an ngeih lo ruangah an vuaicar tia.
7 AŽim cu hlingso lakah an tla ih hling hang keeu ni zeel hngai khawh an vui zo lo.
8 Thlaici pace cu vulei Žhatnak ah an tla ih an hang keeu, an hang hnemih a let sawmthum, let sawmruk leh let za khat karhin an vui,” tiah a ti hngai.
9 Cun, “Zaknak naa a ngei tupoh ni Žhate in ngai seh!” tiah a ti.
(Mat 13:10-17; Luk 8:9-10)
10 Amah ceu a om tikah hleihnih rum amah velkim ih a om bil mipawl ni thuŽhim ih tumtahnak an dil.
11 Culeh Jesuh ni, “Pathian uknak thuthuk cu nan hemah piak a ii, a inain lengla mipawl caah cu izongza thuŽhim ceu in sim an ii;
12 cuticun,
‘an zoh kau thok nain
an hmuthiam hlei thok lo,
cun an ngai kau thok nain
an tiahthiam hlei thok lo;
curuangah an lung
an thlengtiak lo leh,
ngaidam an ik thok lo
nak cu a ii,’ ” Ref 4:12 Isa 6:9-10
tiah a ti hngai.
13 Cun, “Hi thuŽhim hi nan tiahthiam lo maw? I taw ah khawti in thuŽhim hmawhhmawh cu tiahthiam tur cu!
14 Thlaicivorhtu ni thu a vorh.
15 Lam parih a tlami thlaici cu: thu an zak tikah Satan ni pha hngai lohliin an sungih vorhmi thlaici a suh hngai mi an ii.
16 Vulei paatnak ih a tlami cu hile hi an ii: thu an zak tikah lungawiin an cola lohli.
17 A inain hram ngei hlah uh khawh cangkhatte ceu an in zo; cui thu ruangah harsatnak leh hremnak a suah tikah an ngal liamlo.
18 Cun hling lakih a tlami cu: thu an za
19 nain vulei siaherhnak, ngeihsiah ih leemnak, cun thil pace hiarnak ni pha in thu cu a zelh ruangah itukhaw a suahpi zo lo tule an ii.
20 Cun vulei Žhatnak ih a tlami thlaici cu: thu an za, culeh an ponŽho ih a let sawmthum, a let sawmruk leh let za khat in a vui tule an ii,” tiah a ti hngai.
(Luk 8:16-18)
21 Jesuh ni, “Meiinn cu a tletnak donsang parah tle loin, cukong tangah, iklole ihkhun tangih siah dingah luhpi a i hmen maw?
22 Icatile phorh lo dingih thuhmi leh phuanlan lo dingmi thuthup itukhaw an om lo.
23 Zaknak na a ngei tu ni ngai seh!” tiah a ti hngai.
24 Cun, “Nan zakmi thu hi Žhate in ruat uh; nan piak zetin nan ngah thok, acu vanin tlungsawn hman piak nan i thok.
25 Icatile a ngei tule cu piak beeng i lei uh khawh, a ngei lo tule hemin cu an ngeihsun hman suh an i thok,” tiah a ti hngai.
26 “Pathian uknak timi cu himang hi a ii: mi pakhat ni vulei parah thlaici a vorh,
27 culeh zan ah mein sun ah a tho, cun thlaici cu keeu in a hanghnem, ani ni cu khawti in a ik a tiah lo.
28 Vulei ni amahte in peitleng ah a mun, cuhnukah a zik, cuhnukah a ta tiin a suahsak.
29 Thlaivui a hmin tikah, thlaikhawm a zat ruangah a thacinnote 4 29 ‘khiiu’ ti tu kan om. lattia in a tat vohvi,” tiah khaw a sim hngai.
(Mat 13:31-32; Luk 13:18-19)
30 Hitiin khaw a ti. “Pathian uknak cu itu rum kan Žhim thok? iklole itu thuŽhim kan hmang thok hmen?
31 Vulei ih vorhmi thlaici lakih a tiintlengmi mumiang ci mang a ii;
32 a inain vorh tikah cun a hanghnemih thlaikungpawl lakih a hnemtleng ah a cang, cun Žeek leh tlaang hnem pipi a ngei hngai ih acui hnahhneep lakah vapawl ni bu an seh mang hi a ii” tiin khaw a sim hngai.
33 Acumang thuŽhim tlungpi hmangin an tiahthiam ding zet in thu a sim hngai;
34 thuŽhim hmang loin thu a sim hngai lo, ihmansela a kaizulle cu an bulcein izongza a simfiang hngai.
(Mat 8:23-27; Luk 8:22-25)
35 Acui ni simla a phat tikah Jesuh ni, “Khatla ral ah va tat le hu,” tiah a ti hngai.
36 Culeh mipi an mata ih a to cianak lawng ah kaiin an tahpi. Lawng pace khaw an om.
37 Huihsiapi a tho, cun lawng sungah tilet an luh ruangah lawng cu ti ni a khah samte vel.
38 Ihmansela ani cu lawng tawla ih metnak parah a me, culeh an Žhangih a hemah, “Zirhtupa, kan thihhmat remro ding hi na poisa rau lo maw?” tiah an ti.
39 Han Žhangtia in huih cu a hriingih Rili cu, “Dai! om zirziar!” tiah a ti. Culeh huih cu a daiih izongza dai ŽhipŽhepin an om.
40 Jesuh ni a kaizulle cu, “Icaah nan hrul? Zumnak nan ngei rih rau lo maw?” tiah a ti hngai.
41 An donhar ngai in pakhat leh pakhat, “Hi pa hi ahu a i zetzo a he? Huih leh tilet ni hman a thu an ngaih hi!” tiah an ti tia.