2
(Mat 9:2-8; Luk 5:17-26)
1 Ni tlawmlio hnukah Kapernaum khua ih a kirŽhan tikah inn ah a om timi thu thansak a ii.
2 Inn sungih tlum lo leh sangka pawnla tiang hman tlongloin mi tlungpi an vongsuak; culeh thu a sim hngai.
3 Mi hrekkhat an pha ih, mi pali ni mizeng pa Jesuh hemah an zawn.
4 Mibuur pi ruangah Jesuh hem an phatpi thiamlo tikah, amah han ran ih inn cunglasan hang bauhhratin an khuarih an pen hnukah mizeng pa cu a tangthah parah mein an zon Žhum.
5 Jesuh ni an zumnak a hmuh tikah mizeng pa cu, “Ka tiapa, na sualnakpawl cu ngaidam an i rom,” tiah a ti.
6 Daanzirhtule hrekkhat acungah ah an to ih an thinlung sungin,
7 “Hi pa hi icaah ahi ti hin a ang hetur? Thangsiat aan a ik tu! Pathian pakhat dah tilo ahu ni sual a ngaidam zo hmen?” tiin thu an dil tia.
8 Anmah te cutiih thu an dil tiak cu Jesuh ni a thinlung sungin a tiah hngai lohli, culeh, “Icaah nan thinlung sungah acumang thu cu nan dil tia?
9 Mizeng pa hemah, ‘Na sualnakpawl ngaidam an i rom’ ti maw, ‘Tho la na tangthah la in vak’ ti khawmang baisawn hmen?
10 A inain Mi Tiapa ni hi vulei parah sual ngaidam zonak thu a ngei ti nan tiahnak dingah” tiah mizeng pa cu,
11 “Tho, na tangthah la in na inn ah Žiin ka tan ti,” tiah a ti.
12 Culeh thoin a tangthah a la vohvi ih an zate hmuhhngan ahcun a suakcih; curuangah an zate an donharin, “Himang thil hi hmu thah hlah hu ee!” tiah Pathian an thangŽhat.
(Mat 9:9-13; Luk 5:27-32)
13 Jesuh cu Galilee rili hrialah a tat Žhan; mibuur pi ni an pha, culeh thu a zirh hngai.
14 A vah thah ah ngunkhuai zung ah Alfias tiapa Levi toin a hmu ih, “Ma zul,” tiah a ti. Culeh a tho ih a zul.
15 Culeh Levi ih inn ah zanriah awin a to lio ah siahkhuan leh misual tlungpi khaw Jesuh leh a kaizulle rum an to khat – icatile a zultu cu tlungpi an ii.
16 Misualpawl leh siahkhuanpawl caw a awk pi hngai cu Farisi-le sungih daanzirhtule ni an hmuh tikah a kaizulle cu, “Icaah siahkhuanpawl leh misualpawl rum caw an aw khat?” tiah an ti.
17 Acucu Jesuh ni a zak tikah, “Adamsam mipawl ni sibawi an Žulnak a om lo pi; a tiak mipawl zong ni Žul-a uh e tiah. Miding ko hngai dingah iloin misualpawl ko hngai dingah ka pha hekhawh,” tiah a ti hngai.
(Mat 9:14-17; Luk 5:33-39)
18 Timihnimtu Johan ih kaizulpawl leh Farisipawl cu caw an ulh lio a ii; culeh a hemah pha in, “Icaah Johan ih kaizulpawl leh Farisi kaizulle hmawh caw an ul nain na kaizulle hmawh an ul lo?” tiah an vong ti.
19 Jesuh ni, “Nupitupa an hemih a om lio sung poh cu zarzawhtule caw ul thiam thok ah nan ruat hmen maw?
20 Nupitupa an hemin pittak mianmi a ik ni pha leh lei khawh acui ni ah ul leh lei uh.
21 “Ahuhman ni partlai hlun cu thil thaan thar in an bel lo; an bel ahcun an belnak thil thaan thar ni a hlun cu rin miarmo khawh a tleknak a rauh hlehhlo.
22 Culeh huhman ni saphawthawl hlun sungah sabit ti hriim an thun thah lo; an thun ahcun sabit ti ni saphaw cu phat lei khawh a zun thokih, sabit khaw, a thawl khaw an sung thok; cutiin iloin, sabit hriim cu saphawthawl thar sung ah thun a ii,” tiah a ti hngai.
(Mat 12; 1-8; Luk 6:1-5)
23 Sabbath ni khat cu Jesuh sangvut lo sungin a vak; culeh a kaizulle ni sangvut vui an zut pah.
24 Farisi-le ni, “Zoh hnik, na kaizulle ni sabbath ni ih vuak phung a i lo mi icaah an vua?” tiah an ti.
25 Culeh ani ni, “David leh a rualcomle ni an ŽaŽhiin caw awk ding an Žul lio ah itu an vua ti nan rel thah lo hmen maw?
26 Abiathar ih Tlangbawi Saang a ik lio ah Pathian inn sung ah lutin, tlangbawi simlo ih awk phung a i lo mi Bawi Sang awin a rualcomle a pia hngai hin,” tiah a ti hngai.
27 Cuhnukah, “Nizarh ni cu minung caah vuak a ii kovawh, minung cu nizarh ni caah vuak a i tal lo;
28 curuangah Mi Tiapa cu Sabbath ni cung hman ah Bawi a ii,” tiah a ti hngai.