8
1 Acu hnuk ihlet hlanah khuapipawl leh khuatepawl ah vah pehin, Pathian uknak thuthangŽha a simphuang. Hleihnihle cu amah rum an om,
2 thlarau thianglo ngeimi leh dam lonak phunphun in a damsakmi numi hrekkhat an om ve. Pakhat cu Magdala khuami nu tiih kawhmi Mari – a sung in khawsia pasarih Žhawlpiak a i mi nu a ii.
3 Herod sumsawkiltu Chuza ih nupi Joanna, Susanna, cun anmah ngeihsiah in Jesuh leh a kaizulle a bawn tu numi pace tlungpi khaw an om ve.
(Mat 13:1-9; Mar 4:1-9)
4 Mibuur pi an khawmtia ih, khua khat hnuk khua khat in mipawl a hem an phat tikah thuŽhim pakhat a sim hngai:
5 “Thlaicivorhtu pakhat cu a thlaici vorh dingin a tat suak, culeh a vorh tikah aŽim cu lam parah an tla ih khawh teih an ii, cun vapawl ni khaw dengin an cu.
6 AŽim cu khur patnak lungpaidar parah an tla; culeh vulei hnuum a sam ruangah an vuaicar Žhan.
7 AŽim cu hling lakah an tla, culeh hling ni han hnempi in an zeel remro.
8 AŽim cu khur Žhatnak ah an tla, culeh a hanghnem tikah a let za khat an hang vui,” tiah a ti. Ahi thu a sim uh tikah, “Zaknak na a ngei tu ahu ni khaw ngai seh,” tiah a au.
(Mat 13:10-17; Mar 4:10-12)
9 Cutikah a kaizulle ni ahi thuŽhim ih sullam itu a ik an dil.
10 Jesuh ni, “Pathian uknak ih thuthuk tiahnak ding cu nan hemah piak a i rom hin; a inain mipacepawl hemah cu thuŽhim in sim a ii, cuticun:
‘Zoh nakauin an hmuthiam hlei thok lo,
cun ngai nakauin an tiahthiam hlei thok lo,’
tiah a ti.
(Mat 13:18-23; Mar 4:13-20)
11 “Hihi thuŽhim ih sullam cu a ii: Thlaici cu Pathian thu a ii.
12 Lam parih a tlami cu: thu an zak hnukah an zumih run an ik lonak dingah Satan ni pha hngai in an thinlung sung in cui thu a suh hngai mi le an ii.
13 Lung parih a tlami cu: thu an zak tikah lungawiin a cosang tule an ii. A inain hile hi hram cu an ngei lo; caangkhat sung ceu an zumih hniksaknak caan ah an ngal.
14 Hling lakih a tlami cu: thu an za nain an lam tah thah ah nunnak ih siaherhnak, lennak leh nomnak ni a zelhngah ruangih an vui a picang lo tule an ii.
15 A inain khur Žha ih a tlami cu: thu an zak tikah thinlung tluang leh Žha in an ponŽho, cun thinsauih tuarnak rum a nung tule an ii,” tiah a ti.
(Mar 4:21-25)
16 “Ahuhman ni meiinn tlet hnukah cukong khumin, iklole ihkhun tangah khaw an sia lo, a vong lut tule ni a tle hmu dingah donsang parah an toh.
17 Icatile phuan lo dingih thuhmi ituhman a om lo, cun tiahngah lo ding mi leh langlo dingmi itu thil thup khaw a om lo.
18 Curuangah khawti in thu nan ngai ti Žhate in ruattia uh, icatile a ngeitu cu piak beeng i lei uh khawh; cun a ngei lo tu hemin cu ngei mangih an ruahtiakmi hman suh an i thok,” tiah a ti.
(Mat 12:46-50; Mar 3:31-35)
19 Cuhnukah Jesuh cu a nu leh a naule ni an pha, ihmansela mibuur ruangah amah hem ngai cu an phat ngah thiam lo.
20 Culeh “Na nu leh na naule pawnla ah an ding, tan tuah an daw,” tiah mi ni an sim.
21 Ihmansela, “Ka nu leh ka naule cu Pathian thu zain a vua tule an ii kovawh,” tiah a ti hngai.
(Mat 8:23-27; Mar 4:35-41)
22 Ni khat ah Jesuh cu a kaizulle rum lawng sung ah an lut, culeh, “Rili khatla ral ah tat he hu,” tiah a ti hngai. Curuangah an poksuak,
23 culeh lawng kawin an tah lio ah Jesuh cu a me. Huihsiapi ni rili cu a hnur, culeh lawng cu tii ni a khah ih thinphangin an om.
24 A hemah tatin an Žhangih, “Bawipa, Bawipa, kan thi, kan hma thok hi,” tiah an hek. Culeh a han Žhangtia ih huih leh tilet cu a hriing hngai; an dai ih thawngthaang om loin a dai zikzik.
25 Jesuh ni, “Nan zumnak teh khawnangah a he?” tiah a ti hngai. An hrulih an don a har, culeh pakhat leh pakhat, “Hi pa hi ahu a i zetzo a he? Huih leh tii hman thu pia hngai khawh a thu an ngaih hi?” tiah an ti tia.
(Mat 8:28-9:1; Mar 5:1-20)
26 Cuhnukah Galilee khatla ral ih a ommi Gerasene-mipawl ih ram an pha.
27 Khur a teih caangte khuasungmi pakhat, thlarau thianglo hrolhtiaknak pa ni Jesuh cu a tuak. Icatile caan saupi partlai sinhru loin a om, culeh inn hluum loin thlaan ah a om.
28 Jesuh a hmuh tikah a hmaka ah bokin, a aw ngeihnak in, “Kei rum itu kan pehpontia, Jesuh, Cungnungtleng Pathian Tiapa? Ma hrem hlah law tiah naktiah ka tan dil,” tiah a au.
29 Icatile Jesuh ni thlarau thianglo cu acu pa sung in suak dingah thu a pia ta rom. (Icatile thlarau thianglo ni a pon ŽiuŽeu; a kiltu siain, thir cikcin leh kehreng in Žawn a ii, ihmansela an Žawnnak cu a ekhmal hngai ih, khawsia ni hramlak ah a mawng bil.)
30 Curuangah Jesuh ni, “Na min ahu a ii?” tiah a dil. Ani ni, “Legion”note 8:30 Legion simfiangnak cu Mar 5:9 ah zoh. tiah a sawn; icatile khawsia tlungpi ni an hrolhtia.
31 Khawsiale ni Jesuh cu khur thukpi ah kirsak hngai lo dingin naktiah an dil.
32 Acunang tlang kap ah vokrual pi an bual; culeh khawsiale ni Jesuh cu vokrual sung ah luhsak hngai dingin an dil. Curuangah luh khawhnak thu a pia hngai.
33 Cutikah khawsiale cu acu pa sung cun suakin vokrual sung ah an lut, culeh vokrual cu kiilkam sangpi in tili sung ah an peetih dengin an pil.
34 Vokkhalle ni thilcangmi an hmuh tikah, an zuangih an khua leh ram ah acucu an sim.
35 Cutikah itu a cang ti zoh dingah mipawl an vong pha. Jesuh hem an phat tikah a sung in khawsia ih a suahtakmi pa cu Jesuh ke hramah toin, partlai sinthlaitia leh tiimvaarte in an hmu. Culeh an Žih.
36 Khawsia hrolhtiaknak pa khawti in damsak a ik a hmu tule ni cui thu cu an simla.
37 Cutikah Gerasene ram hrialkam ih mi hmawhhmawh ni Jesuh cu anmah mata hngai dingin an dil ciamco; icatile an hrul ngaite. Curuangah lawng sungah lutin a kirŽhan.
38 A sung in khawsiale ih suahtakmi pa ni Jesuh hem i dingah a ngeen; ihmansela Jesuh ni,
39 “Na inn ah kirŽhan la, cun Pathian ni itluk thil a tan ti piak ti simthan,” tiah tiin a thlah mianmi. Curuangah a tat mianmi ih Jesuh ni a ca-ih itu thil a ti piak zia khua sung hlawhin a simthan.
(Mat 9:18-26; Mar 5:21-43)
40 Jesuh a kirŽhan tikah, mibuur ni amah an dolawm, icatile an zate ni amah an hngak.
41 Acu vete in Jairas timi pa sinakok ih hruaitu pakhat a pha. Jesuh ke hramah bokin a inn ih pha dingin a dil,
42 icatile tianu pakhat te a ngei, kum hleihnih tluk a ii ih a thisam. Jesuh cu a tah tikah mibuur ni an nor hiamho.
43 acunang ahcun kum hleihnih sung thisuak a tuar minu a om; a ngeihsiah zate sibawile hemah a hmang remro nain ahuhman ni an damsak zo lo.
44 Jesuh dungla in a pha ih a angkitual zim a tham, culeh a thisuak cu avoikhatah a kaang lohli.
45 Cutikah Jesuh ni, “Ahu ni a ma tham?” tiah a dil hngai. An zate ni an pheh vek tikah, Piter ni, “Zirhtupa, mibuur ni tan kulhin an tan nor hekhawh,” tiah a ti.
46 Ihmansela Jesuh ni, “Pakhatkhat ni ama tham kau; icatile ka sung in huham a suak ti ka tiahthiam,” tiah a ti.
47 Minu ni thuhtiak a ngah lo ti a hmuh tikah, dok-aw thahin a pha; culeh Jesuh hmakaah bokin, mi zate omhnganah ituruangah Jesuh a thamih khawti in a dam lohli ti a simthan.
48 Jesuh ni, “Ka tianu, na zumnak ni a tan damsak rom; nangamte in tat law,” tiah a ti.
49 A aan lio fangah sinakok uktupa ih inn in mi pakhat a pha ih, “Na tianu cu a thii; zirhtupa hi hnaihnok duh ti hlah,” tiah a ti.
50 Curuangah Jesuh ni acucu a zak tikah, “Hrul hlah maw. A zum ceu zum la, cun na tianu cu a dam kau thok,” tiah a let.
51 Sinakok uktupa ih inn a phat tikah, Piter, Johan leh Jeim, tepang nu ih nulepa simlo ahu hman a hemih luh a sen hngai lo.
52 Mi hmawhhmawh ni acu nu te cu an Žah, an kuirak; ihmansela Jesuh ni, “Òap hlah uh; icatile ani cu a thi le he lo, a me hekhawh,” tiah a ti.
53 Culeh a thi ti an tiah kau ruangah an nihsan.
54 Jesuh ni cu nu cu a kut zon tlaiin, ‘Nute, hang tho!” tiah a ti.
55 A thlarau a kirŽhanih a hang tho lohli. Cutikah Jesuh ni awkŽha pakhatkhat a barh sak hngai.
56 A nulepa cu an don a har kau; ihmansela thilcangmi cu ahuhman sim lo dingin thu a kaa hngai.