22
(Mat 26:1-5; Mar 14:1-2, 10-11; Joh 11:45-53)
1 Atu cu Lontak timi Colnu phulhlo Sang puai a nai vel.
2 Tlangbawi upapawl leh daanzirhtupawl ni Jesuh thah nak ding lam an hrawl, icatile mipi an Žih.
3 Cutikah hleihnih lakih pakhat a i mi, Iskariot timi Judas sung ah Satan a lut;
4 a tat mianmi ih tlangbawi upapawl leh biakinn kiltu upapawl rum an hemah Jesuh khawti in a leiroih hngai thiam thok thu an rontia.
5 An lung a awi ngaiih tangka piak ding an na a tla.
6 Curuangah a lungkimin mibur omhngan lo ah Jesuh a leiroih hngai nak ding caanŽha hrawl a thawh.
(Mat 26:17-19)
7 Cuhnukah Lontak tusuan in raihrik ni, Colnu phulhlo Sang puai ni cu a pha vel.
8 Curuangah Jesuh ni Piter leh Johan cu, “Tat leicu khawh kan caah awk ding Lontak puai caw zaal uh,” tiah tiin a thlah hngai.
9 Anmimi ni, “A cu caah khawnang ah man zalhsak daw ci?” tiah an dil.
10 Ngai uh, khuapi sung nan luh tikah ti um a puttia mi pa ni a tan tuakla hngai thok; a luhnak inn ah zul uh la
11 inn ngeitu cu, “Zirhtupa ni, ‘Ka kaizulle rum Lontak Puai caw kan awknak thok khualpa khaan teh khawnang ah a ii? tiah a tan dil’ ti uh.
12 Inn cung ah thomciami khaan hnempi a tan hmuh hngai thok. Acunang ah kan caah zaal uh,” tiah a ti hngai.
13 Curuangah an tatih a sim hngaimi mangin izongza an hmu; culeh Lontak puai caw cu an zaal.
(Mat 26:20-30; Mar 14:17-26; Joh 13:21-30)
14 Caan a phat tikah, cabuai ah caw a uum, culeh tirhthlahle ni an um bawn.
15 Jesuh ni, “Ka in hlanah hi Lontak puai caw hi nanmah rum awk khat ka daw ngaite;
16 icatile Pathian uknak sungih a kimngah hlansung cu ka awk ngah ti thok lo ti ka tan sim hngai,” tiah a ti.
17 Cuhnukah hai cu a la, cun lungawithu a sim hnukah, “Hi hi la uh la nanmah lakah zemtia uh;
18 icatile atu in cu Pathian uknak a phat hlansung sabit vuang ih suakmi cu ka ding ti thok lo,” tiah a ti.
19 Cuhnukah sang hlom khat a la, culeh lungawithu a sim hnukah seuin a pia hngai ih, “Hi hi ka punsa, nan caah piakmi a ii. Kamah tiahringringnak ah hmang bil uh,” tiah a ti.
20 Zanriah an awk hnukah hai khaw a cumang cun a tiih, “Nan caah thletmi hi hai hi ka thisan sungih thukam thar a ii.
21 A inain zo hman uh, a ma leirawitu cu ka hemah caw a um ve hi!
22 Icatile Mi Tiapa cu laihrelcia mangin a tat kau thok, a inain a leirawi tu cu a hmaka a pit!” tiah a ti.
23 Cutikah pakhat leh pakhat, acu ti thok tu cu ahu tleng hilei a ik tiin an dil tia.
24 Anmah lakah ahu tleng hi mi nasatleng i thok nala timi altiaknak a suak.
25 Ihmansela, “Zentail siangpahrangpawl ni cu mi an bawihnawh; culeh anmah cungih thungeitule cu Žhatnakvuatule tiih kawh an ii.
26 A inain nangmi hemah cu acu mang a i thok lo hena khawh; a i thok sawn cu, nan lakih a upatleng cu nan nautatleng mang a cang thok, cun hruaitu cu miriantu mang a i thok.
27 Cabuai ih caw uumtu maw, caw bartu ahu hnemsawn hmen uh? Cabuai ih caw uumtu a i lo maw? A inain kei cu nan lakah riantu pakhat in ka om.
28 “Nangmi cu ka harsat lio ah ka hrialih ma dinpitu nan ii,
29 culeh ka Pa ni ka hemah uknak a ma piak mangin kei ni nan hemah ka tan pia hngai,
30 cuticun ka uknak sungih ka cabuai ah nan aw in nan ding kho thok, cun toŽhiang ah toin Israel hrin hleihnih parah thu nan Žhen thok.
(Mat 26:31-35; Mar 14:27-31; Joh 13:36-38)
31 “Simon, Simon, ngaihman! Satan ni cawhii khei mangin nan zate tan khei hngai ding thu a ngah rom,
32 a inain na zumnak tlolh lo dingah na caah thla ka cam; culeh ka sanla ah mertiak ngah taw ci ah na unaule tha pia hngai lei ci,” tiah a ti.
33 Culeh Simon ni, “Bawipa, thawnginn leh thihnak ah namah rum tat khat dingin ka ringtia!” tiah a ti.
34 Jesuh ni, “Ka tan sim, Piter, a ma tiah hi voi thum tiang na pheh hlansung cu nihinni ah ar a khuang thok lo,” tiah a ti.
35 Jesuh ni, “Tangka dip, songkhoi, kedaap iseh, keng loin ka tan thlah suak hngai tikah khin itu tal sambau cu im?” tiah a ti hngai. “Ituhman sambau hlah,” tiah an ti.
36 Jesuh ni, “A inain atu cu tangka dip a ngei tu ni kentia seh, cun songkhoi ngei tu ni khaw kentia ve seh. Culeh ralreen ngei lo tu cu a angki pawnthuah zuarin ralreen pakhat lei seh.
37 Icatile hi Lai Thianghlim, ‘Culeh amah cu daanngeilo lakih siarcih a ii’ ti hi ka parah a kimngah thok’; culeh a ngaingai ah kamah thuhla nganmi cu a kimngah rero ti ka tan sim hngai,” tiah a ti hngai.
38 Anmimi ni, “Bawipa, zohhnik, ralreen pahnih an om hi,” tiah an ti. “Acucu a zaa kau,” tiah a sawn hngai.
(Mat 26:36-46; Mar 14:32-42; Joh 18:1)
39 Jesuh cu a suakih, a vah keel mangin Oliv Tlang ah a tat; culeh a kaizulle ni an zul.
40 A hmun a phat tikah, “Tukforhnak sungih nan luh lonak dingah thlacam uh,” tiah a ti hngai.
41 Cuhnukah anmah hemin lunghnawh ban hlet tluk ah a thliartia ih, khukbilin,
42 “Pa aw, na dawtzawng a ik ahcun hi hai hi ka hemin ma thawn piak hram; a inain ka dawtzawng iloin na dawtzawng vuak i kau seh,” tiah thla a cam. [
43 Cutikah vancung in vanmi pakhat Jesuh hemah a langih tha a pia.
44 A thinharnak in thintak hlehhloin thla a camih a thlaan cu thi tor hnempipi mang cangin vulei parah an tor.]
45 A thlacamnak in a hang thawh tikah a kaizulle hemah a tatih, an ngaihsiat ruangah melioin a hmu hngai,
46 culeh, “Icaah nan me? Hang tho lei cu khawh, tukforhnak sungih nan luh lonak dingah thlacam tuhmen uh,” tiah a ti hngai.
(Mat 26:47-56; Mar 14:43-52; Joh 18:1-11)
47 A an rero rih lio ah mibuur khat an pha dukdi; hleihnihle lakih pakhat Judas timi pa ni hmai a hruai hngai. Jesuh cu hnam dingin a pan;
48 ihmansela Jesuh ni, “Judas, hnamnak in maw Mi Tiapa cu na leirawi sawh lei?” tiah a ti.
49 A hrialkam ih om mipawl ni thilcangmi an hmuh tikah, “Bawipa, reen in set le hu im?” tiah an dil.
50 Cutikah anmah lakih mi pakhat ni tlangbawi saang ih sal pakhat a thawi ih a vorhla na Žotkau a set.
51 Ihmansela Jesuh ni, “Ahihi ti ti hlah,” tiah a ti. Culeh a na thamin a damsak.
52 Cuhnukah Jesuh ni amah pon dingih a pha tu tlangbawi upale, biakinn kiltu upapawl leh upale hemah, “Rokhmang i ningla mang reen leh talvawng rum ma pon dingah nan pha maw?
53 Nanmahpawl rum nicangte biakinn sungih ka om ah ka parah kut nan thlah ta tal lo? A inain ahi cu nan caan, culeh khuamawt huham ih uk caan ik ni hmawh!” tiah a ti hngai.
(Mat 26:69-75; Mar 14:66-72; Joh 18:15-18, 25-27)
54 Cutikah amah cu ponin an hruai mianmiih tlangbawi saang ih inn ah an phatpi. Piter ni cu lamhla nawn in a zul.
55 Tual laisim ah meipual an tumngah tikah an ai khat, Piter khaw an lakah a to.
56 Cutikah hemom-lengtia pakhat ni meitle ah Piter cu a hmu ih darkauin a zoh, culeh, “Hi pa hi khaw Jesuh rum a bualleng ta mi a ii,” tiah a ti.
57 Ihmansela a pheh ih, “Minu, amah cu ka tiah lo,” tiah a ti.
58 A cuhnuk duau ah mipace pakhat ni Piter cu a hmu ih, “Nang khaw an lakih pakhat na i ve,” tiah a ti. Ihmansela Piter ni, “Mipa, ka i lo,” tiah a ti.
59 Cuhnuk nazi pakhat hla tlukah mipace pakhat ni, “Hi pa khaw Jesuh rum bualleng ta mi a i hrimhrim; icatile amah hi Galilee mi a ii,” tiah a ti reuri.
60 Ihmansela Piter ni, “Mipa, itu thu na ang rero ti ka tiah lo ee!” tiah a ti. Acui caan fangte, a an rero lio ah ar a khuang.
61 Bawipa ni mertia in Piter cu a zoh. Cutikah Piter ni Bawipa ih aan, a hemih, “Nihinni ar khuan hlanah voi thum a ma pheh thok,” a timi khi a vonmangŽhan.
62 Culeh a suakih a Žap kheeikho.
(Mat 26:67-68; Mar 14:65)
63 Jesuh pontule ni amah cu hmuhsit leh thawi an thawh;
64 a mit puan in an hupih, “A tan vel tu ahu a ii? Cang hnik!” tiah an ti berbo.
65 Jesuh cu a phunphun in an nautat berbo.
(Mat 26:57-68; Mar 14:61-64; Joh 18:12-14, 19-24)
66 Khua a hang van tikah, mipi upale khawmtiaknak – tlangbawi upapawl leh daanzirhtupawl an bur hnih hmunkhatah an khawmtia, culeh Jesuh cu an Sanhedrin hemah an hruai.
67 “Messiah i na taw ci ah man sim,” tiah an ti. “Tan sim hngai ning la nan zum thok lo pi;
68 cun thu tan dil hngai ningla le nan let thok lo.
69 A inain atu in Mi Tiapa cu Pathian Cungnung vorhla san ah a to thok,” tiah a sawn hngai.
70 An zate ni, “A ik le, nang cu Pathian Tiapa na ii he tu hmen?” tiah an dil. Ani ni, “Ka ik cu nanmah ih ti a ii,” tiah a sawn hngai.
71 Cutikah anmimi ni, “Thudinpitu itu Žul beeng na kau hu? Amah ih hmurka roriin kan za rom hih!” tiah an ti.