21
(Mar 12:41-44)
1 Khua a zohih milianpawl ni an hlupawl biakinn tangka kuang sung ah sangin a hmu hngai;
2 nuhmei farah pakhat ni daar ngun pahnih a san khaw a hmu.
3 “Thungai in ka tan sim hngai, hi nuhmei farah hi ni an zate van tlungsawn a sang;
4 icatile an zate ni cu an ngeih hlei sungin an thobuur, a inain ani cu a farah nakin nunnak ih a rin ding zate in a sang,” tiah a ti.
(Mat 24:1-2; Mar 13:1-2)
5 Mi hrekkhat ni biakinn cu lung mawimawi leh Pathian hemih piakmi laksawngpawl rum thom a ik thu an an rero tikah Jesuh ni,
6 “Hi nan hmuhmi thilpawl hi, lung thuattia loin mattak a ik ni a pha leh thok; a zate beeu an i thok,” tiah a ti.
(Mat 24:3-14; Mar 13:3-13)
7 Jesuh cu, “Zirhtupa, acucu khawcangah hilei a ik, cun acucu a cang vel thok ti hmuhsaknak itu hilei a ik?” tiah an dil.
8 Culeh, Jesuh ni, “Hruaisualmi nan ik lonak ding ralring uh; icatile mitlungpi cu ka min kengin an pha thokih, ‘Kei hi amah cu ka ii’ tiin leh, ‘Caan a nai vel!’ tiah an ti thok. An dung zulh duh hlah uh.
9 “Raldohtiak leh ralthawh thupawl za taw cu ah hrulin om hlah uh; icatile hi thilpawl hi an cang peita thok, a inain a dengnak ni a zul lohli thok lo,” tiah a ti.
10 Cuhnukah, “Miphun khat leh phun khat, ram khat leh ram khat ral an dotia thok;
11 linghnit pipi an om thok, cun hmun cece ah mangŽam leh pulh an tlung thok; culeh vancung ah hrulŽha thilcang thok simtu leh hmuhsaknak nasa an om thok.
12 A inain hi hmawhhmawh an can hlanah, tan ponin an tan hrem thok; sinakok leh thawnginn ah an tan ap thok; culeh ka min ruangah siangpahrangpawl leh uktupawl hmaiah an tan phatpi thok.
13 Ahi ni ka thuhla sim nak ding caanŽha a tan pia hngai thok.
14 Curuangah an tan puhmawhnakpawl khawti in nan leh thok thu ah dontia cia hlah uh;
15 icatile nan thu-altu ahuhman ni an tuar zo lo ding leh an alkalh khawh lo dingmi anka leh tinnak ka tan pia hngai thok.
16 Nulepa leh unaupawl, sungkhatpawl leh rualpipawl hman ih leirawi nan i thok; culeh mi hrekkhat le cu an tan that thok.
17 Ka min ruangah mi zate ih huat nan i thok.
18 A inain nan sam ta khat hman a hmalak thok lo.
19 Nan inkhawhnak thawngin nan nunkhua nan ngah thok.
(Mat 24:15-28; Mar 13:14-23)
20 “Jerusalem cu ralkaple ni an kulh nan hmuh tikah, a Žionak a nai vel ti tiah uh.
21 Cutikah Judea peng ih a om tu cu tlang laah zuang uh, cun khuapi sungih a om tu ni khuapi cu mata uh, cun khuapi pawnla hramlak ih om tu cu lut hlah uh;
22 icatile hipawl hi ngaanmi hmawhhmawh a kimngahnak phuleisamnak nipawl an ii.
23 Acui nikhuapawl ah naupaipawl leh nausuan hnawitulhlio ngei tupawl caah an hmaka a pit. Icatile vulei parah harsatnak hnempi leh, hi mipawl parah Pathian thinsiatnak a om thok;
24 ral reen in an thi thokih ram hmawhhmawh ah ralponmi dinhmun in an hruaita thok; culeh Jerusalem cu Zentail-mipawl ni an caan a kim hlansung an cilnang thok.
(Mat 24:29-31; Mar 13:24-24)
25 “Ni, thlapa leh arsipawl parah hmuhsaknak an om thok, cun vulei par rampawl lakah rili leh tisuarpawl huk ruangih buainak timi harsatnak a om thok.
26 Mipawl cu hrulnak ruang leh vulei cungih a pha dingmi harsatnak ruangah an dal thok, icatile vancung huhampawl hnin an i thok.
27 Cutikah ‘Mi Tiapa cu meici sungin’ huham leh a nasami sunparnak rum a phat an hmu thok.
28 Hi thilpawl can taw an thawh tikah diingin nan lu tung uh, icatile nan tlannak cu a nai hreuhhro,” tiah a ti hngai.
(Mat 24:21-35; Mar 13:28-31)
29 Cuhnukah thuŽhim pakhat a sim hngai: “Theikung leh thingkung hmawhhmawh zoh hnik uh;
30 an hnah a cerh ve te in Žhal caan a nai ti cu nanmahte nan hmuin nan tiah kau.
31 Acu mang ve in, hi thilpawl an can nan hmuh tikah Pathian uknak a nai ti cu nan tiah.
32 Thungai in ka tan sim hngai, hi thilpawl an canngah remro hlansung cu hi san hi a liam thok lo.
33 Van leh vulei cu an hmun thok lo, a inain ka ankapawl hi cu an hmun thok.
(Mat 24:36-44; Mar 13:32-37)
34 “Nan thinlung hi nomtlawinak, riitnak leh hih nunnak ca-ih dontiaknakpawl ni tan zo hngai lo dingah, cun cui Ni ni ringpangloah
35 thang mangin tan awk lo dingah hualhumtia uh. Icatile acucu vulei parih a om tu hmawhhmawh hemah a pha thok.
36 Khawcang ah khaw tiimvaar in om uh, a cang thokmi hi thilpawl zate luat dingin thazaang nan ngeih nak ding, cun Mi Tiapa hmaiih nan din khawhnak ding thlacam ringring uh,” tiah a ti hngai.
37 Nicangin Biakinn sungah thu a zirh hngai berbo, cun zan ahcun suakin Oliv tiih kawhmi Tlang parah a caam bil.
38 Culeh mi hmawhhmawh cu biakinn sungah Jesuh ih thusim ngai dingin mawpan an hang tho bil.