23
(Mat 27:1-2, 11-14; Mar 15:1-5; Joh 18:28-38)
1 Cuhnukah upa thurelkhawm cu a bupi in an pokih Jesuh cu Pilat hmaiah an hruai.
2 Amah sualpuh thawhin, “Hi pa hi kan miphun a tahpisual, Khumpi hemih ngunkhuai piak a man kham, cun amah le mah Messiah, siangpahrang tiah a ti tia ti kan hmuh ngah,” tiah an ti.
3 Cutikah Pilat ni Jesuh cu, “Nang hi Judah Siangpahrang cu na ii maw?” tiah a dil. Jesuh ni, “Acutiin na ti hin,” tiah a sawn.
4 Cutikah Pilat ni Tlangbawi upapawl leh mibuur cu, “Hi pa sualpuh nak ding thuhram itu tal ka hmu lo,” tiah a ti hngai.
5 Ihmansela, “Amah ni Galilee in a thawh ih hi hmun tiang, Judea peng hmawh hlawhin, a thuzirhnak thawngin mipi a tokhngerh hngai,” tiah angreuri in an ti.
6 Pilat ni acucu a zak tikah Galilee mi a ik leh ik lo a dil hngai.
7 Culeh Jesuh cu Herod ih uknak ram sungmi a ik a tiahngah tikah, Jerusalem khua sungih Herod amah rori a om lio ah Jesuh cu a hemah a thlah.
8 Herod ni Jesuh a hmuh tikah a ngetia ngaite, icatile Jesuh thu a zata romih amah hmuh a dawtnak a hlapi vel, hmuhsaknak a vuak hmuh thok khaw a ruahsan thah.
9 Herod ni hla ngaite thu a dil, ihmansela Jesuh ni a let lo.
10 Tlangbawi upapawl leh daanzirhtule ni a hrialah dingin tiakpi in sual an puh.
11 Herod hman ni a ralkaple rum Jesuh cu nihsairawnnak leh hmuhsitnak in an ti; cuhnukah angkitual mawi ngai khawhsakin Pilat hemah a kuat Žhan.
12 A cu ni ah Herod leh Pilat cu pakhat leh pakhat rualpi ah an cang; acu hlan cu ral an ita.
(Mat 27:15-26; Mar 15:6-15; Joh 18:38b-19:16a)
13 Cutikah Pilat ni tlangbawi upale, hruaitupawl leh mipi ko khat hngai in,
14 “Hi pa hi mipi tahpisual tu pakhat in ka hem nan phatpi; nan hmuhhnganah hin thu ka kherhlai ih amah sual nan puhmipawl pakhat hman hi pa ni a sual ti ka hmu lo.
15 Herod ni khaw a hmu lo, icatile kan hemah a thah Žhan. A ngaingai ahcun ani ni thihnak tlak sualnak ituhman a vua lo.
16 Curuangah vel sak hngai lang khawh ka thlah thok,” tiah a ti hngai. (\v 17 Puai san ah thawngtla pakhat a suah piak hngai bil.)note 23:17 hi Kutnganbu aŽim ahcun atiin 19 hnukih sia an om.
18 Cutikah an zate ni, “Hi pa hi cu thi kau seh! Barabbas tu man thlah piak!” tiah an ti. (\v 19 Barabbas cu khuapi sungih a cangtami ralthawhnak leh mithah ruangah thawng ih thlak a ii.)
20 Pilat ni Jesuh thlah dawt ah thu a sim hngai Žhan;
21 ihmansela, “Thinglamtah ah khengtar, amah cu thinglamtah ah khengtar,” tiah an au reuri.
22 Pilat ni, “Icaah hmen? itu thil Žhalo a vua ah? Thah dingih thuŽhen piak ding caah thuhram itu tal ka hmu lo; curuangah vel sak hngai lang khawh ka thlah thok,” tiah a ti hngai.
23 Ihmansela Jesuh cu thinglamtah ah khengtar ih thah ding a ii tiah hek riangroin an dil; culeh an aw ni a hretngah.
24 Curuangah Pilat ni an dilmi cu piak i dingah thu a sat.
25 An dilmi pa, ralthawhsak leh mithah ruangih thawngthlak mipa cu a thlah, culeh Jesuh cu an dawtpasang ih ti dingin a ap hngai.
(Mat 27:32-44; Mar 15:21-32; Joh 19:16b-24)
26 An tahpi mianmi thah ah Sairin khuami Simon, khuate la in a phami pa cu an ponla, culeh thinglamtah cu a parah an suanih Jesuh ih dungin an put sak.
27 Mi tlungpi ni amah cu an zul, acupawl lakah an Žang cumtia in a Žap rero tu numi le an om.
28 Ihmansela Jesuh ni mertia in, “Jerusalem tianule hngai, kei ma Žah loin nanmah leh nan tiale caah Žap uh.
29 Icatile, ‘Mi cing, naupai dahlo mipawl, cun hnawiti mi tul dahlo tupawl cu mi thluasuak an ii’ an timi nipawl an pha teuti thok.
30 Cutikah tlangpawl hemah, ‘Man tlaknon uh’ tiin, culeh mualpawl hemah, ‘Man khum uh’ tiah an ti leh thok.
31 Thing a hrin lio ih hiti an ti ahcun, a rawt tikah itu cang lei hmen?” tiah a ti hngai.
32 Thah tlak misualle a imi a pacele pahnih khaw Jesuh rum thah khat dingah an hruai.
33 Luruh timi hmun an phat tikah acunangah Jesuh cu thah tlak misualle rum, pakhat a vorhla ah, pakhat a kehla ah, tiin thinglamtah ah an khengtar. [\v 34 Cutikah Jesuh ni, “Ka Pa, ngaidam hngai law, icatile itu an vuak khaw an tiahtia lo,” tiah a ti. Culeh a partlai zemtia dingah tlinhngal an dawk.]
35 Culeh mipi ni a hrialah diingin an zoh langlang; ihmansela hruaitule ni cu sirsatin, “Mi pacepawl hmawh a rung hngai hin’ Pathian ih Messiah, a rilmi i na taw ah, amah le mah rungtia se la hete in!” tiah an ti.
36 Ralkaple ni khaw an hmuhsit, a hemah pha in sabit ti ahaangmi an tul,
37 culeh, “Judah Siangpahrang na ik ahcun namah leh namah rungtia tuhmen!” tiah an ti.
38 A lu cung ah, “Hi hi Judah Siangpahrang a ii,” tiih laitarmi khaw a om.
39 Acunangih thlaimi thahtlak-misualle lakih pakhat ni Jesuh cu sirsatin, “Nang hi Messiah na i lo hmen maw? Namah le namah rungtia la, cun keimi khaw man rung!” tiah a ti.
40 Ihmansela misual pace pa ni cu a hringŽon ih, “Pathian na hrul lo maw? Sual thuŽhennak a sakhatmi tangah na om hi!
41 Keimi cu a ngaingai ah hmaante in sualthuŽhen kan ii, icatile kan thiltimi caah kan ngah ding tlak kan ngah kau, a inain hi pa hi cu thilsual ituhman a vua lo,” tiah a ti.
42 Cuhnukah, “Jesuh, na uknak sung na luh tikah ma ciingringring lei ci maw,” tiah a ti.
43 Jesuh ni, “Thungai in ka tan sim, nihinni ah kei rum Paradise ah na om thok,” tiah a ti.
(Mat 27:45-56; Mar 15:33-41; Joh 19:25-30)
44 Sunbir hrawng a ii; culeh sunhnuk nazi pathum tiang cui ram punpuluk ah sunkhuamaw a tlung,
45 ni a tlan lo lio a ii; cun Biakinn puanzaar cu pahnih ah a tlek.
46 Cutikah Jesuh cu tiakpi in a au ih, “Ka Pa, na kut sung ah ka thlarau ka tan ap,” tiah a ti. Acu cu a aan uh in a thaw a deng.
47 Ralkapzabawi ni thilcangmi a hmuh tikah, Pathian a thangŽhatih, “Hi pa hi cu sualnak ngei lomi a i hrimhrim,” tiah a ti.
48 Culeh mipi zohnuam zoh dingah acunangih a suak khawm tu mibuurpawl an zate ni thilcangmi an hmuh tikah, an Žang cumtia in an Žiin.
49 Ihmansela Galilee peng in amah zultu numi le telin, Jesuh ih mitiahthiamle cu lamhla nawn ah dingin hi thilpawl hi an zoh langlang.
(Mat 27:57-61; Mar 15:42-47; Joh 19:38-42)
50 Josef timi miŽha leh miding, tlangsuak sungtel a inain
51 an khuakhang leh tehcah lungkimpi hngai lo tu a om. Amah cu Judahpawl ih khua Arimathea in a pha, Pathian uknak lakhlah ngai in a hngak berbo tu a ii.
52 Ahi pa ni Pilat hemah tatin Jesuh ih ruak cu a dil.
53 Cuhnukah ruak cu a Žhum, sianglaraang puan in a zawl, cun ahuhman vui thah rih lonak lungkermi thlaan sungah cun a vui.
54 Tuahtimtiak nii a ii ih, sabbath nii a thawh vel.
55 Galilee in Jesuh rum a pha tu numi le ni Josef cu an zul, culeh thlaan leh Jesuh ruak khawtiih vui a ik cu an hmu.
56 Cuhnukah an kir, cun rimhmui leh thathau an zaal. Sabbath ni ahcun thukhaam mangin an cawl-om.