20
(Mat 21:23-27; Mar 11:27-33)
1 Nikhat cu biakinn sungah mipi thu a zirh hngai leh thuthangŽha a sim hngai lio ah, tlangbawi upapawl leh daanzirhtupawl cu upale rum an pha,
2 culeh, “Itu thungeihnak in hi thilpawl hi na vua hngai? Hi thungeihnak tan pia tu hi ahu a ii? ti man sim hnik,” tiah an ti.
3 Jesuh ni, “Thu ka tan dil hngai ve thok, cun ma sim uh:
4 Johan ih timihnimnak hi vancung in maw a phat, iklole minung hemin a thawh?” tiah a let hngai.
5 Pakhat leh pakhat rontia in, “‘Vancung in’ ti hu la le, ani ni ‘Icaah nan zum lo hmen?’ a ti thok.
6 ‘Minung hemin a thawh’ ti hula mi hmawhhmawh ni lung in a man phon thok; icatile Johan cu profet pakhat a ik an fiang,” tiah an ti.
7 Curuangah khawnang in a phat an tiah lo thu an let.
8 Cutikah Jesuh ni, “Kei khaw itu thungeihnak in hi thilpawl ka vua hngai rero ti kan tan sim hngai ve thok lo,” tiah a ti hngai.
(Mat 21:33-46; Mar 12:1-12)
9 Mipi cu hi thuŽhim hi sim hngai a thawh, “Pakhat pa cu sabit duum vua in hlawhsetmi le hemah a sawn hngai, culeh caan hlapi sung ram pace ah a tat.
10 Sabit lawh a zat tikah sabit duum in a suakmi a covo a piala taw uh e tia a sal pakhat cu a hlawhsetmi le hemah a thlah; a inain hlawhsetmi le ni an velih a kutrom in an thlah mianmi.
11 Acu hnukah sal pace a thlah; acu pa khaw an velih an hmuhsit, cun kutrom in an thlah mianmi.
12 Culeh a pathumnak pa a thlah rih; acu pa khaw maabaihin an zam.
13 Cutikah sabit duum ngeitu ni, ‘Itu ka ti thok he hmen? Ka tiapa dawtngaimi ka thlah thok, ani cu an upat men mah na’ tiah a ti.
14 A inain hlawhsetmi le ni an hmuh tikah, anmah lakah rontia in, ‘Hi pa hi rocotu a ii; that le hu khawh rorah cu kan ta a i thok’ tiah an ti.
15 Curuangah sabit duum pawnla ah zam hratin an that. Sabit duum ngeitu ni itu ti hngai thok na?
16 Pha lei khawh hlawhsetmi le cu that hngai in sabit duum cu mipace a pia hngai thok,” tiah a ti. Ahihi an zak tikah, “Acuti cu i hram hlah seh,” tiah an ti.
17 Jesuh ni a zoh hngai ih,
“‘Innsatule ih hnonmi
lung cu innkil ih
lung ah a cang,’
18 Acui lung parih a tla tupoh an kuaizan remro thok; cun a tlaknonmi cu a rialmaan thok, tiih nganmi hi a sullam itu i hmen?” tiah a ti.
19 Daanzirhtupawl leh tlangbawi upapawl ni hi thuŽhim hi anmah a simsan hngai ti an tiahthiam tikah, a cui caan rori ah a parih kut thlah an daw, ihmansela mipi an Žih.
(Mat 22:15-22; Mar 12:13-17)
20 Curuangah amah an bawh langlangih, a simmi in amah thang ah awkih thuŽhentu leh mangki ih thungeihnak ah phatpi kho dingin, tluangtlam saktia mi thlingthlatule cu Jesuh hemah an thlah hngai.
21 Acule ni Jesuh cu, “Zirhtupa, na simmi leh na zirhmi in nang hi na hman, cun ahu ih thudawt khaw na zul lo, Pathian dawtzawng hi a iknak mangin na zirh, ti kan tiah.
22 Khumpi hemih ngunkhuai piak hi kan caah a phung ii maw i hlah?” tiah an dil.
23 Ihmansela an depdetnak a hmu ih,
24 “Nan denarii deem khat ma hmuh hnik uh, ahu ih min leh lu a cuang hmen?” tiah a ti hngai. Anmimi ni, “Khumpi ih,” an ti.
25 Jesuh ni, “Acu i taw ah, Khumpi cu khumpibawi ih thilpawl pia uh la, cun Pathian cu Pathian ih thilpawl pia uh,” tiah a ti hngai.
26 Culeh mipi omhnganah cun Jesuh cu a aanmi in an awk thiamlo; a thulehnak ni an don a har aw hngai ih daite in an om.
(Mat 22:23-33; Mar 12:18-27)
27 ThawhŽhannak a om lo tiah a ti tu Sadusile hrekkhat Jesuh hem an pha,
28 culeh, “Zirhtupa, Moses ni: pakhat pa cu a upa a thi ih, a nupi a mata nain tianau a mattak lo ahcun, acu pa ni a mo nuhmei cu pii lei khawh, a upa caah tianau a ngeih piak thok, tiah lai a man nganta.
29 Unau pasarih an om ta; upatleng ni nu a pi, cun tiangeiloin a thi;
30 cutikah a pahnihnak,
31 cun a pathumnak ni an pi, culeh acu mangin an pasarih cu tiangeiloin an thi.
32 Netatleng ah acu nu khaw a thi ve.
33 Curuangah, thawhŽhannak ah numinu cu ahu ih nupi tleng i lei maw? Icatile an pasarih ni an pi vek,” tiah an ti.
34 Jesuh ni, “Hi san mi cu nu pi in pumah an ngei;
35 a inain cui san ah iseh, mithi thawhŽhannak ah iseh hmun co tlakih ruahmipawl cu nu pi in pumah an ngei thok lo.
36 A ngaingai ahcun an thi thiam ti lo, icatile thawhŽhannak tiale an ik ruangah vanmipawl leh Pathian tiale mang an ii.
37 Mithi thawhsak an ik thu ah Moses amah rori ni, Bawipa cu Abraham ih Pathian, Isaak ih Pathian, cun Jakob ih Pathian tiah a tinak, hluaibuah thu sungah a hmuh rom.
38 Pathian cu mithile ih Pathian a i lopi, minungle ih Pathian a ii hekhawh; icatile Amah ahcun an zate in an nung kau,” tiah a ti hngai.
39 Cutikah daanzirhtule hrekkhat ni, “Zirhtupa, na sim Žha ngai,” tiah an sawn.
40 Icatile thu pace dil an ngam ti lo.
(Mat 22:41-46; Mar 12:35-37)
\v 41 Cuhnukah Jesuh ni, “Messiah cu David Tiapa a ii tiah khawti in an ti thiam?
42 Icatile David amah rori ni Saam Laibu sungah,
‘Bawipa ni ka Bawipa hemah,
Na ralle na keteih ih
ka vuak hngai hlansung
43 ka vorhla ah to,’
tiah a ti hin.
44 David ni amah cu acutiin Bawipa tiah a kawh ahcun; khawti in hmen a tiapa a ik thiam?” tiah a ti hngai.
(Mat 23:1-7; Mar 12:38-40)
45 Mi zapi zakhngan ah a kaizulle cu,
46 “Angki tualpi rum vakih, dawr hmun ah upatnak rum domi ik, cun sinakok ah tonak Žhatleng leh cawdohpuai ih upatnak hmun tipawl ngah a dawtu daanzirhtule hi ralring uh.
47 Nuhmei inn rokin an ngeihsiah an dinghmuar, cun lan dawt ah saupipi in thla an cam. Anmah hi sualthuŽhennak ngekdeuh an tuak thok,” tiah a ti.