19
1 Jesuh cu Jeriko khua ah a lutih khua sung tanin a vak miarmo.
2 Acunang ah Zakia timi pa a om; amah cu siahkhuan upatleng leh milian a ii.
3 Jesuh cu ahu a ii ti hmuh ngah a khaitia, ihmansela amah cu mi tungniam a ik ruangah mipi ni an pheenih a hmu thiam lo.
4 Jesuh cu cui lam zulin a vah thok ruangah Zakia cu mipi hmala ah zuang liin Jesuh hmu dingah thei kung par a kai.
5 Jesuh acunang hmun a phat tikah cungla han zoin, “Zakia, zong Žum vakvak, icatile nihinni na inn ah ka tan tlung thok,” tiah a ti.
6 Curuangah a Žum caalih Jesuh cu a inn ah lungawite in a tlunsak.
7 Acucu a hmu tu hmawhhmawh ni phunruin, “Misual pakhat ih inn ah khualpa i dingin a tat rom hi!” tiah an ti.
8 Zakia cu diingin Bawipa cu, “Zohhman, Bawipa, ka thilngeihmi ih hrek cu mifarah ka pia hngai thok; cun thil pakhatkhat ah ahu maw ka deu ta i taw ah a let li tlungsawn in ka rul thok,” tiah a ti.
9 Cutikah Jesuh ni, “Amah khaw Abraham ih tiapa a ik ve ruangah, runnak cu nihinni hi inn ah a pha rom.
10 Icatile Mi Tiapa cu a hmami hrawl ding leh rung dingah a pha,” tiah a ti.
(Mat 25:14-30)
11 Hi thu an ngaih thah ah, amah cu Jerusalem a hnaih vel ruangah leh Pathian uknak cu pha lohli thokin an ruah ruangah, Jesuh ni thuŽhim pakhat sim a peh.
12 Curuangah, “Mi reng saang pakhat cu siangpahrang iknak a lattiak hnukih kirŽhan dingin ram hlapi ah a tat.
13 A tah hlanah a salle pahra a ko hngai ih, sui tangka deem khatnote 19:13 Denarii za khat rum a ruang. vek a pia hngai ih, ‘Ka kirŽhan hlansung hi rum hi sumlet uh’ tiah a ti hngai.
14 A inain a ram sung mipawl ni an hua ih a dung in ai-awh thlahin, ‘Hi pa ih man uk cu kan daw lo,’ tiah an ti.
15 Siangpahrang iknak a co hnukah a kirŽhan-ih, tangka a piak tak hngai mi salle pahra khi, an sumlehnak in itu an miatmi a om ti tiah ngah dingah a hemah a ko hngai.
16 Peitatleng pa ni hmaiah suakin, ‘Bawipa, na tangka ni dem hra a miat a suah’’ tiah a ti.
17 A bawipa ni, ‘TiŽha ci ee, sal Žha! Thil tinte ah rinsantlak na ik ruangah khuapi pahra uk ding Žuanvo la law’ tiah a ti.
18 A pahnihnak pha in, ‘Na tangka ni dem nga a miat a suah’ tiah a ti.
19 A bawipa ni, ‘Nang cu khuapi panga uk hngai law’ tiah a ti.
20 Cuhnukah a pace ni pha in, ‘Bawipa, hinangah hi na tangka cu a om. Puanthaan in ka tuun riureu,
21 icatile nang cu mi tifekfek na ik ruangah ka tan Žih; na thuncia lomi khaw lat Žhan na hmang ih, na tuh lomi khaw rih na hmang,’ tiah a ti.
22 A bawipa ni, ‘Na aanfang roriin namah thu ka tan Žhen thok, nang sal Žhalo! Mi tifekfek ka ik, ka thuncia lomi laŽhanin, ka tuh lomi ka rip ti cu na tiah ii im?
23 Icaah ka tangka cu tangka khawlnak zung ah na sia lo hmen? Cutiin isela ka kir tikah a pungkarh ka ngah kho tena thok’ tiah a ti.
24 A hrialkamih diing tupawl cu, ‘A tangka cu sutin dem hra ngei tu pa pia uh’ a ti hngai.
25 (Culeh anmimi ni, “Bawipa, ani tangka deem hra a ngei kovawh! tiah an ti.)
26 ‘Ka tan sim hngai, a ngei tu hmawhhmawh hemah tlungsin piak an i thok; a inain ituhman a ngei lo tu hemin cu an ngeihmi hman suh mianmi an i thok.
27 A inain an siangpahrang dingah ama daw lo tu hi ka ralpawl zong cu hinangah pitain ka hmuhhngan ah that uh’ a ti,” tiah a ti.
(Mat 21:1-11; Mar 11:1-11; Joh 12:12-19)
28 Hi thu a sim hnukah Jesuh cu an hmala in Jerusalem laah a kai.
29 Oliv Tlang timi hmun ih Bethfeis leh Bethani khua hrial a phat tikah a kaizulle pahnih thlah hngai in,
30 “Nan hmala ih khua ah tat uh la, nan luh ah cittiak thah rih lomi laakno saammi nan hmu thok. A hri phoih lei cu khawh hinangah dawkta uh.
31 Mi pakhatkhat ni, ‘Icaah a hri nan phoih?’ tiah a tan dil hngai ahcun, ‘Bawipa ni a Žul’ ti men uh,” tiah a ti hngai.
32 Curuangah a thlahmi le cu an pok ih a sim hngai mang cun an hmu.
33 Laakno cu a hri an phoih rero lio ah a ngeitule ni, ‘Icaah laakno cu a hri nan phoih rero?’ tiah an dil.
34 Anmimi ni, “Bawipa ni a Žul,” tiah an ti.
35 Cuhnukah Jesuh hemah an dawkta; culeh laakno parah an angkithuahtual an thah hnukah Jesuh an cittiak sak.
36 Laakno citia ih a vahnak tluan ah, mipawl ni lam parah an angkithuahtual an thaap cuamco.
37 Oliv Tlang in lam zong bing nak zawn a hnaih vel ah, a zultu mibuur zapi ni donharŽhapawl an hmuhmi caah thanuamngai in aw dakpi rum Pathian thangŽhatin,
38 “Bawipa ih min in a
pha tu Siangpahrang cu
thluasuak hram seh!
Van ah daihnak om sela,
culeh van a sangtleng ah
sunparnak om hram seh,”
tiah an ti.
39 Mibuur lakih Farisi-le hrekkhat ni, “Zirhtupa, na dungzulle hi awlsak hngai,” tiah an ti.
40 Jesuh ni, “Ka tan sim hngai, hile hi daite ih an om ahcun lungpawl an au thok,” tiah a sawn hngai.
41 Khualipi hrial a pha ih a hmuh tikah, a Žah ih,
42 “Nang hrimhrim hi maw, remnak suahsaktu thilpawl nihinni ah tiahthiam ta ci la maw! A inain atu cu na hmuh lo dingin thuh an ii.
43 A ngaingai ahcun, na ralpawl ni na velkim kahsam saai in an tan kulih a kaakip in an tan von phihtak nii a pha leh thok.
44 Namah leh na sungih na tiale rum vulei ah an tan cilnang thok, culeh Pathian ih a tan halh caan na tiahthiam lo ruangah na sungah lungpawl thuattia in an zuah thok lo,” tiah a ti.
(Mat. 1:12-17; Mar 11:15-19; Joh 2:12-25)
45 Cuhnukah Jesuh cu Biakinn ah lutin acunang ih thilzuartule a Žhawl hngai;
46 culeh,
“‘Ka inn cu thlacamnak
inn a i thok’ tiin ngan a ii;
a inain nangmi ni cu
rokhmangle ih lungkuak ah
nan cansak hi,”
tiah a ti hngai.
47 Nicangin biakinn sungah cun thu a zirh rero. Tlangbawi upale, daanzirhtule, cun mipi hruaitule ni amah thah daan ding an hrawl berbo,
48 ihmansela an ti khawhmi ituhman an hmu thiam lo, icatile mi zapi cu an thuzakmi ni a leem hngai.