1 Cuhnukah Jesuh ni a kaizulle cu, “Milian pakhat a omta ih thiltawlreltu pakhat a ngei. Thiltawlreltu ni a thilri hmakhmaungai in a hmantlawi thu a bawipa cu sim a ii. 2 Curuangah acu pa cu a ko ih, ‘Na thuhla ka zakmi cu itu ii maw? Na thiltawlrel daan cazin ma pia, ka thiltawlreltu na i zo ti thok lo’ tiah a ti. 3 Cutikah thiltawlreltu ni amah le mah, ‘Itu ti lang maw? Ka bawipa ni le ka rianŽuan in ma dawi vel thok. Khur saai kho dingin le ka dik lo, kutdongih mi dil le ka ningzak Žung. 4 Itu Žuan thok ka ruatcattia rom, cuti cun thiltawlreltu iknak in dawisuah ka ik tikah mi ni an inn ah ama cosang hngai thok’ tiah a ti tia. 5 Curuangah a bawipa leibatule pakhat hnuk pakhat ko hngai in, peitatleng cu, ‘Ka bawipa ii zet ba ci maw?’ tiah a dil. 6 Acu pa ni, ‘Oliv thathau pung za khat’ tiah a ti. Thiltawlreltu ni acu pa hemah, ‘Na cazin la, to rang lei ci khawh sawmnga ah vua’ tiah a ti. 7 Cuhnukah a pace cu, ‘Nang teh ii zet ba ci maw?’ tiah a dil. Ani ni, ‘Sangvut rel za khat’ tiah a ti. Acu pa cu, ‘Na cazin la la sawmriat ah vua’ tiah a ti. 8 Culeh a bawipa ni hi thiltawlreltu mitluanghmanlo pa hi hrokhrawl-ngai in thil a ti ruangah a porh; icatile ceunak tianaupawl vanin hi san mipawl hi anmah san thiltinak ahcun an tingdeuh. 9 Cun ka tan sim hngai, a tluanghman lomi sumsaw hmangin rualpi vuaktia uh, icatile an tan dengtak tikah anmah ni kumkhua inn ah an tan cosang thok. 10 “Thil tlawmte ih rinsan a tlak tupoh tlungpi ah khaw rinsan a tlak; cun thil tlawmte ah a tluanghmaanlo tupoh a tlungpi ah khaw a tluanghmaan lo. 11 A tluanghmaan lomi sumsaw parih rinsantlak nan ik taak lo ahcun, lennak hmaan ngaingai cu ahu ni tan kilsak lei uh e tia? 12 Cun, mi pace ih ta a i mi parah rinsantlak nan ik taak lo ahcun, ahu ni nanmah ta cu tan pia lei uh? 13 Sal pakhat ni bawi pahnih a rian zo lo; icatile pakhat cu hua lei khawh pakhat cu a daw thok, iklole pakhat parah tlaihsan lei khawh pakhat cu a nautat thok. Pathian leh sumsaw nan rian khat zo lo,” tiah a ti.

14 Tangka dawtu Farisi-le ni hi thu an za remro ih amah an nihsan. 15 Curuangah, “Nangmi cu mipacepawl hmuhhngan ih mah le mah miding ti tia tupawl nan ii; a inain Pathian ni nan thinlung a tiah hngai; icatile minung ni an sunsak ngai mi cu Pathian hmuh ahcun ningtirhŽha a ii. 16 “Daanthu leh profetpawl cu Johan phat hlansung hmuar an ngei; acui thok in cu Pathian uknak thuthangŽha simthan a ii, culeh micang ni thazaang hmangin luh an zuamtia. 17 A inain Daanthu nganmi lai sungih thai khat te hmat thok vanin cu van leh vulei an liamtiak thok a baisawn. 18 “A nupi ma hratin mi pace a pi tu ahukhaw nuriimsual a vua, cun a pumah ih matmi nu a pi tupoh nuriimsual an vua.

19 Sandup leh vo taneem partlai sinthlaiin micang tangka tor pipi dengin caw mi do tu milian pakhat a om ta. 20 A kotka ahcun Lazaras a min a i mi, mi farah pa, masia in a khatmi, 21 milian pa ih cabuai in a tlami cawlek rum a ŽaŽhit khahtiak a daw lianglo tu a om; uicopawl hman ni pha in a ma an liak bil. 22 Mi farah pa cu a thi ih Abraham Žang ah om dingin vanmile ni an han cawi mianmi. Milian pa khaw a thi ve ih vui a ii. 23 Mithikhua ih hrem tuarnak hmun in khua han zoh na ah hlapi ah Abraham cu a hrialih Lazaras rum a han hmu hngai. 24 ‘Ka Pa Abraham, veel ma ngeih hram, Lazaras cu a kutzung zimte in ti tongin ka lei zon daihsak dingah thlah hram; icatile hi meihlio sungah hin ka ingteme ‘intem’ hi ‘inhrutia’ ti tu kan om; tuar har tuk tican a ii. tuk’ tiah a hek. 25 A inain Abraham ni, ‘Ka tia, na nun lio ah nang cu na thilŽhapawl na congah romih acumang in Lazaras khaw thilŽhalo a congah rom ti cingkeng la; a inain atu ahcun ani cu hinangah hnemtuakin a omih nang cu intem in na om. 26 Ahi hmawh hleiah, nang leh keimi lalak ah horkuam pi siah a ii ih, hinang in na hem la ih vah a dawtu khaw an vak kho lo, cun acunang cun kan hem la ahu pakhat hman ni an tan kho lo,’ tiah a ti. 27 Milian pa ni, ‘A ik ah, ka pa, Lazaras cu ka pa ih inn ah thlah hram dingah ka tan dil, 28 icatile pami unau panga ka ngei hngai ralrin pia hngai lei khawh, cuticun hi intemsaknak hmun ah a pha ve hlah taw uh’ tiah a ti. 29 Abraham ni, ‘Moses leh Profetpawl an ngei hngai hin; cupawl ih thu cangngai uh sela hete in’ tiah a sawn. 30 Ani ni, ‘A i lo, ka pa Abraham, mithi lakin pakhatkhat an hemih a tah ahcun an sual an rim thok hena’ tiah a ti. 31 Abraham ni, ‘Moses leh profetpawl thu an cangngaih lo ahcun, mithi lakin a hang tho mi pakhatkhat ni hman an thinlung fiang kau an vuak ngah cuang thok lo pi’ tiah a ti,” tiin a sim hngai.