1 Siahkhuanpawl leh misualpawl ni Jesuh cu a thusim ngai dingah an hnaih. 2 Culeh Farisipawl leh daanzirhtupawl cu phunruin, “Hi pa hi misualpawl cosang hngai in an hemah caw a aw,” tiah an ti. 3 Curuangah hi thuŽhim hi a sim hngai: 4 “Nan lakah ahu tleng ii maw, tuu za khat ngeiin pakhat ni hmata sela, sawmkua leh pakua cu hramlak ah matain a hmami cu a hmuh hlansung hrawl dingah a tat lo tu? 5 A hmuh ngah tikah a liang parah puin a lung a awi. 6 Culeh inn a tlun tikah a rualpipawl leh innkiangpawl kokhawm hngai in, ‘Ma lungawipi uh, icatile ka tuu hma ka hmu Žhan rom’ tiah a ti hngai. 7 Acu mangin, ka tan sim hngai, vancung ahcun sualrim Žul lomi midingfel sawmkua leh pakua vanin a sual a rim tu misual pakhat parah lungawinak tamsawn a om thok.

8 “Iklole itumang numi i na, tangka sa pahra ngeiin pakhat a hmah tikah meiinn vangin, inn phiakin, a hmuh hlansung a hrawl lo tu nu? 9 A hmuh ngah tikah a rualpipawl leh a innkiangpawl kokhawm hngai in, ‘Ma lungawipi uh, icatile ka hmah mi ka tangka sa ka hmu rom’ tiah a ti hngai. 10 Acu mangin, sualrim tu misual pakhat parah, Pathian ih vanmipawl hmaiah lungawinak a om.”

11 Cuhnukah Jesuh ni, “Tiapa pahnih ngei tu pakhat pa a om ta. 12 Nautasawn pa ni a pa hemah, ‘Ka pa, rothil ka co thokmi vo ma pia,’ tiah a ti. 13 Ni tlawmte hnukah tiapa nautapa cu a ngeih hmawh khawm hngai in ram hla ah khual a tlawn, culeh acunangah a ngeih hmawh cu hmakhmaungai in a hmang remro tlawi. 14 Izongza dengin a hman ngah tikah acui ram hlawhin mangŽam rauhpi a tlung, culeh sambau in a om thawh. 15 Curuangah acui ram ih mi pakhat hemah hlawhsetin Žuan hlawh dingah a tat, acu pa ni a lo ah vok khaaltu dingin a thlah. 16 Vokle ih awkmi bete heng rum lungawite in riahkhaltiak a daw; a inain ahu ni le ihman pia hlah uh. 17 Amah le mah a tiahtiak tikah, ‘Ka pa ih hlawhsetmi le i zet sawh ni caw awk Žha daih leh ahlei tiang an ngei; a inain hinangah kei hmawh ŽaŽhiin ka thi vel thok hi! 18 Tho lang khawh, ka pa hemah tatin, “Ka pa, Pathian dokalhin leh na hmaiah ka sual rom; 19 kei cu na tia tiih kawh dingah ka tlak ti lo; na hlawhsetmi pakhat mangin ma vua tia ka ti thok,” tiah a ti. 20 Curuangah a pokih a pa hemah cun a tat. A inain lam hlapi ih a ik lio in a pa ni a hmu ih phusahihnak in a khat; a zuangih bua-in a hnam. 21 Cutikah a tiapa ni a pa cu, ‘Ka pa, Pathian leh namah hmaiah ka sual rom; na tia tiih kawh awk ka tlak ti lo,” tiah a ti. 22 A inain a pa ni a salle cu, ‘Khuirangin angkitual Žhatleng la in khawh sak uh; zunghruk a kutzung ah hruksak uh la, a ke ah kedaap daap uh. 23 Culeh thaukau cawmmi cawpeno ponin that uh, cun puai in aih le hu; 24 icatile hi ka tiapa hi a thi ta nain a nung Žhan; a hma ta nain hmuh Žhan a ii!’ tiah a ti. Culeh aih an thawh. 25 “A u pa cu lo ah a ii; a tlungih inn a phat sam ah awnmawi leh laam thawngthaang a za. 26 Sal pakhat a ko ih itu a cang ti a dil. 27 Acu pa ni, ‘Na naupa tlung khawh, him leh dam in a tlun caah na pa ni thaukau cawmmi cawpeno a thah’ tiah a let. 28 Cutikah a heh a harih inn sung ah a luh duh lo. A pa ni vasuakin a leem. 29 A inain a pa cu, ‘Ngaihman! Kum a hi hlet sung liangluang sal pakhat mangin na caah rian ka Žuan, cun na thupiak cangngailoin khaw ka om dah lo; acu hman ka rualpile rum nomtiak nak dingah me no pakhat khaw a ma pia dah lo. 30 A inain hi na tiapa, na ngeihsiahpawl numizuartiale rum a phil remro tu cu a tlun Žhan tikah thaukau cawmmi cawpeno na thah!’ tiah a ti. 31 Cutikah a pa ni, ‘Ka tiapa, nang cu ka hemah na om berbo ih, ka ngeihmi hmawhhmawh hi namah ih an ii hekhawh. 32 A inain kan aih leh kan lungawi Žulnak cu, hi na naupa hi a thi ta nain a nung Žhan; a hma ta nain hmuh Žhan a ik rom ruangah a ii,’ ” tiah a ti.