17
(Mat 18:6-9; Mar 9:42-48)
1 Jesuh ni a kaizulle cu, “Tuasik ding suahsaktu thilomdanpawl cu an pha teuti thok, a inain a suahsaktu cu a hmaka a pit!
2 Hi tepang tete lakih pakhatkhat nan taubahsak van cu nan hngawng ah cawrialnak lungpi tan thlaih hratin rili sungih namthlak nan ik ahcun nan caah a Žhasawn thok.
3 Kilkhawitia uh! Kaizul pace pakhat sual taw ah a sual tu cu hringŽon, cun a sual rim taw ah na ngaidam thok.
4 Culeh acu pa siksik ni ni khat ah voi sarih na parah a sualih na hemah voi sarih kirŽhanin, ‘Ka sual ka rim’ a ti ahcun na ngaidam thok,” tiah a ti hngai. NP
5 Tirhthlahle ni Bawipa cu, “Kan zumnak man karhsak law,” tiah an ti.
6 Bawipa ni, “Mumiang cii taa khat tia zumnak nan ngeih ahcun hi pucaw kung hemah, ‘Phongtia in rili sung ah lingtia’ tiah nan ti zo thokih nan thu an tan cangngai thok.
7 “Nanmah lakah: nan sal a lothlawhnak in maw, hramlak ih a tuu khalhnak in maw, a tlung pek cu, ‘Hinang ah pha vakvak la caw uum hruak’ a ti tu thok ahu hilei cu?
8 ‘Caw ma zalh piak la, na taiŽeem puan Žeemtia in ka awkdin sunghmawh ma zokhen; dungah na awkdin tia leh lei’ nan ti sawn thok lo maw?
9 Thupiak mangih a Žuan ruangah sal cu nan lawm dah hmen maw?
10 Curuangah nangmi khaw, Žuansakmi hmawhhmawh nan Žuan uh tikah, ‘Keimi cu santlailo salle kan ii; kan Žuan ding mawimi ceu kan Žuan’ ti uh,” tiah a ti hngai.
11 Jerusalem ih a tah lio ah Samaria leh Galilee peng karlak palpah in a vak.
12 Khuate pakhat a luh ah mipharle pahra ni an pan. Lam hla nawn ah diingin,
13 an au ih, “Jesuh, bawipa, vel man ngeih hram!” tiah an ti.
14 A hmuh hngai tikah, “Tlangbawile hemah hmuhtia uh,” tiah a ti hngai. Culeh an tah lio ah thiansak an ii.
15 Cutikah an lakih pakhat cu damsak a ik a hmuhtiak tikah kirŽhanin, aw dakpi in Pathian a thangŽhat.
16 Jesuh ke hramah bokin a lawm. Acu pa cu Samaria miphun a ii.
17 Cutikah Jesuh ni, “Mi pahra thiansak nan i lo maw? A pace pakua la teh khawnangah an he?
18 Hi miphun pace pa simlo kirin Pathian thangŽhattu ding ahu tal hmuh an i lo maw?” tiah a ti.
19 Cuhnukah acu pa cu, “Tho la namah lam cu tat kau; na zumnak ni a tan damsak rom,” tiah a ti.
(Mat 24:23-28, 37-41)
20 Voikhat cu Farisi-le ni Pathian uknak khawcangih a phat thok Jesuh an dil ih ani ni, “Pathian uknak timi cu mit ih hmuhthiammi thilpawl rum a pha thok lo;
21 cun, ‘Zohhman, hinangah a ii!’ iklole, ‘Khinang ih cu!’ tiin khaw an ti thok lo. Icatile a taktak in cu, Pathian uknak cu nan lakah a om hekhawh” tiah a ti. NP
22 Cuhnukah a kaizulle cu, “Mi Tiapa a kirŽhan ni nan hmuh dawt caan an pha leh thok, a inain acu cu nan hmu thok lo.
23 ‘Zohhman, khinang ih cu!’ iklole, ‘Zohhman, hinang ih hi!’ tiah an tan ti leh thok. Tat hlah uh, a zulh khaitia in khaw pok hlah uh.
24 Icatile nimtla kaau ni van khatla san in khatla san tiang a tlet mangin Mi Tiapa khaw a nikhua ahcun a i ve thok.
25 A inain intem ding tlungpi in peita lei khawh cun hi san mipawl ih hnon a i thok.
26 Noah san ih a ik tak mangin Mi Tiapa ih nikhua ah khaw a i ve thok.
27 Lawng sungih Noah a luh hlansung cu an aw, an dingih, nu an piih pumah an ngei, culeh tinik a pha ih an zate a siatsuah hngai.
28 Cumangcun, Lot ih san lio ah khaw a ii: aw leh dingin, zuar leh lei in, tuh le sa in an om,
29 a inain Lot ni Sodom a mattak nii ahcun vancung in katmei zong zu in, a siatsuah hngai remro.
30 Mi Tiapa a lan nii ah khaw acu mang cun i leh lei.
31 Acui nii ahcun, inn parah omin, inn sungih thil lat ding a ngeitu ahuhman Žumin a la hngai thok lo; cun lo ih a om tu ahuhman a tlung Žhan thok lo.
32 Lot ih nupi khi cingkeng uh.
33 An nunnak himsak a khaitia tupawl cu an sung thok, a inain an nunnak a sung tupawl ni cu an himsak thok.
34 Ka tan sim hngai, cui zan ah mi pahnih ihkhun khat ah an me thok; pakhat cu lat i lei khawh pakhat cu mattak a i thok.
35 Sum ruantiaf ‘ruantia’ hmandan pace simnak cu Mat 24:41 ah zoh. numi pahnih om lei uh khawh, pakhat cu lat a i thokih pakhat cu mattak a i thok.
36 Pami pahnih lo ah an om thokih pakhat cu lat i lei khawh pakhat cu mattak a i thok.”
37 Cutikah, “Khawnangah, Bawipa?” tiah amah an dil. Ani ni, “Ruak omnak hmun ah langtapawl an khawmtia thok,” tiah a ti hngai.