14
1 Òum khat cu Farisi-le hruaitu pakhat ih inn ah sabbath nii ah caw zawh dingih a tah tikah a hrialte in an bawhlanglang.
2 Cutikah a hmala ah mitiakthling pakhat pa a om.
3 Culeh Jesuh ni daanthiampawl leh Farisipawl cu, “Sabbath nii ah hin mi damsak phung i maw i hlah?” tiah a dil hngai.
4 Ihmansela an dai ŽhipŽhep. Curuangah Jesuh ni acu pa cu a pita ih a damsak, cun a thlah mianmi.
5 Cuhnukah, “Nanmah lakih mi pakhatkhat a tia maw a cawpe maw sabbath nii ah tikhur sungah tla hnik sela suah loin om thok na cu im?” tiah a ti hngai.
6 Acucu an let zo lo.
7 Sawmmipawl ni upa tonakpawl an ril ti a hmuhngah tikah:
8 “Mi pakhat ni mopuai ih a tan sawm tikah tonak Žhatleng ah to hlah, na inntek ni namah vanin thupi sawn pakhatkhat a sawm pang ahcun;
9 nan pahnih an tan sawmtu inntek pha in, ‘Na tonak amah pial law,’ a tan ti kho, cutikah mualphoin tonak niamtleng ih toin na thawh a Žul thok.
10 Ihmansela sawm na ik tikah tonak niamtleng ah to la, cuti cun na inntek a phat tikah, ‘Ka rual, a sangdeuh ah thawn tia’ a tan ti kho men; cutikah namah rum caw a um khat tu zate omhngan ah sunloih na i thok.
11 Icatile mah le mah a hlirsang tia tupoh cu Žhum i lei uh khawh, cun mah le mah a tangdor tupoh cu hlirsan an i thok,” timi thuŽhim pakhat a sim hngai.
12 Amah a sawm tu hemah khaw, “Suncaw maw, zanriah maw na doh tikah, na rualpile maw, na unaule maw, na sungkhatpawl maw, iklole na innkiang milianpawl timang sawm hngai hlah, tan sawm Žhan ve pangin rulh Žhan i lei-a ci.
13 Acu vanin cu cawdoh na vuak tikah mi rafah, mikimlo, kutke zeng, cun mitcaw tipawl sawm hngai.
14 An tan rulh thok lo ruangah thluasuahmi na i thok; icatile midingfelle thawhŽhan tikah rulh na i leh thok,” tiah a sim.
(Mat 22:1-14)
15 Zanriah zawhtule lakih pakhat ni ahihi a zak tikah Jesuh cu, “Pathian uknak sungah caw a aw thok tu cu mithluasuak a ii,” tiah a ti.
16 Cutikah Jesuh ni, “Mi pakhat ni zanriah dohnak pipa a vua ih mi tlungpi a sawm hngai.
17 Zanriah awk caan ahcun sawm mipawl cu, ‘Suak vel uh; izongza tiari a i vel’ tiah sim hngai dingah a sal a thlah.
18 A inain an zate ni sakhatin an phehrel vek. A peitatleng ni, ‘Lo ram ka lei romih va tatin ka zo taak a Žul; ka poi ka ti hi ma cosang hram’ tiah a ti.
19 Mipace ni, ‘Caw kaap nga ka lei hngai ih ka zirh hngai thok; poi ka ti hi ma cosang hram’ tiah a ti.
20 A pace ni, ‘Nu ka pi pekte ih curuangah ka suak thiam thok lo’ a ti.
21 Curuangah sal cu kirŽhanin cui thu cu a bawipa a sim Žhan. Cutikah innngeitu ni a hehharin a sal hemah, ‘Tat vakvak lei ci khawh zalam leh inn karlak lampawl ih mifarah, mikimlo, mitcaw leh kutkezeng tipawl hruaita hngai,’ tiah a ti.
22 Culeh a sal ni, ‘Bawipa, na thupiak cu vuak a i rom, a inain khaan a lawng rih’ tiah a ti.
23 Cutikah a bawipa ni a sal cu, zalam leh inn lalak lampawl ah tat lei ci khawh ka inn a khah nak dingah mipawl va hnek hngai.
24 Icatile ka tan sim, sawmmi ahu hman ka zanriah an teh ngah thok lo,” tiah a ti.
(Mat 10:34-39)
25 Mibuur pipi cu Jesuh rum khual an tlawn khat; culeh anmah san la hoiin,
26 “Ka hem ma pha hratin a pa leh nu, nupi leh tiale, ule naule, cun tarnule, a ii, amah ih nunnak rori hman, a hua lo tupoh ka kaizul a i zo lo.
27 Ahuhman mah ih thinglamtah puin ama zul lo tu cu ka kaizul a i zo lo.
28 Icatile nanmah lakah inn sangpi sak a khaitia tu ni, uk dingih a daih zet a ngeih leh ngeih lo tiah dawt ah to peitain a deng ding mi a ruatdam lo maw?
29 Culocu a hram a thawh ngah laklawh ih a uh zo lo ahcun a hmu tu hmawhhmawh ni nihsanin,
30 ‘Hi pa cu inn sak thawh hratin a uk zo tal lo’ tiah an ti thok hekhawh.
31 Iklole siangpahrang pace rum ral dohtiak khai hratin, ralkap thawng kul rum amah a vong do tu ding khi ralkap thawng hra rum a dohlak zo thok leh thok lo to peitain a ruat lo tu thok cu itumang siangpahrang i na?
32 A doh zo lo ahcun, siangpahrang pace lam hlapi ih a ik rih lio ah remthu relsak hngai dingin ai-awh a thlah thok.
33 Curuangah, nangmi ahu khaw nan ngeihsiah zate nan mattak lo ahcun ka kaizul nan cang zo lo.
(Mat 5:13; Mar 9:50)
34 “Cite cu a Žha; a inain a alnak a deng ahcun, khawti in a alnak cu omsakŽhan a i thiam thok?
35 Khur Žhatsaknak caah iseh, nawn pengmi caah iseh san a tlai lo; an zam tlawi men. Zaknak na a ngei tu ni ngai seh!” tiah a ti hngai.