13
1 Acu liofang te ah an thisan leh an raihriknak Pilat ni a cawhrawi piak hngai mi Galilee peng mipawl ih thu Jesuh a simtu mi hrekkhat acunangah an om.
2 Jesuh ni, “Hi Galilee-mipawl ahitiin an tuar ruangah Galilee mipace hmawhhmawh vanin an sualsawn tiah nan ruat maw?
3 Ihlah, ka tan sim hngai; nan sualrim hlah taw cu ah anmah mangin nan thi remro thok.
4 Iklole Siloam hmun ih donhleisang ni a min non hngai ih a thi mi minung hleiriat teh Jerusalem ih a ommi mipace hmawhhmawh vanin an sualsawn tiah nan ruat maw?
5 Ihlah, ka tan sim hngai; nan sual nan rim lo ahcun anmah mangin nan thi remro thok,” tiah a ti hngai.
6 Cuhnukah hi thuŽhim hi a sim hngai: “Mi pakhat ni a sabit dum ah thei kung pakhat a ling; a vuang hrawl dingih a phat tikah pun khat hman a hmu lo.
7 Curuangah dumŽuantu cu, ‘Zohhman! Kum thum sung hi thei kung hi a vuang hrawlah ka pha bil, a inain ituhman ka hmu rih lo. Hau tia! Icaah leiram a luah tlawi rero thok?’ tiah a ti.
8 DumŽuantu ni, ‘Ka bawipa, a velkim khursaai-in nawn ka burh hlansung, kum khat cu om rih kau seh.
9 A khumvoi a vuan ahcun a Žha; vuang hlah taw ah na hau zo kau,’ ” tiah a ti.
10 Sabbath ni ah Jesuh cu sinakok pakhat ah thu a zirh rero.
11 Culeh acunangah thlarau sia pakhat ni kum hleiriat sung a keeng a kulhsakmi nu pakhat a suaklang. A kuum reuri ih dangte in a diing thiam lo.
12 Jesuh ni a hmu, culeh koin, “Minu, na titiak in luatsak na ii,” tiah a ti.
13 Acu nu parih a kut a suan tikah, acu nu cu dangin a diing lohli ih Pathian a thangŽhat.
14 Ihmansela sinakok uktu cu Jesuh ni sabbath nii ah mi a damsak ruangah a heh a har ih, mibuur cu, “RianŽuan nak ding nii ni ruk a om; sabbath nii ah iloin cui niipawl ah pha in damsak ii la hete in,” tiah a ti berbo.
15 Ihmansela Bawipa ni a letih, “Nangmi mitisaktiapawl! Nanmah vek teh, sabbath nii ah nan cawpe maw nan laak an cawkuang in a hri nan phoih ih ti tul dingah nan hruai lo hmen maw?
16 Hi nu, Abraham ih tianu, Satan ni kum hleiriat sung liangluang a ŽemŽawnmi hi, hi a ŽemŽawnnak hin sabbath nii ah thlahphoih a mawi lo hmen maw?” tiah a ti.
17 Hihi a sim tikah amah dokalhtule cu mualphosak an ii; culeh mibuur zate tu cu a vuakmi donharŽha thilpawl ah an lung a awi.
(Mat 13:31-32)
18 Curuangah, “Pathian uknak cu itu mang a ii? Itu rum ka tahŽhim thok he hmen?
19 Mi pakhat ni la in duum ih a tuhmi mumiang cii mang a ii; a hanghnem ih thinkung ah a cang, culeh vapawl ni a tlaang Žeekpawl lakah bu an sep,” tiah a ti.
(Mat 13:33)
20 Cun, “Pathian uknak cu itu rum ka tahŽhim thok?
21 Numi pakhat ni sangvut duncia rel thum sungah colnu tlawmte ceu a phulh nain acucu ni sangvut zate a hmawnsak mang a ii,” tiah a sim Žhan.
(Mat 7:13-14)
22 Jesuh cu Jerusalem la ih a tah thah ah khuapi leh khuate pakhat hnuk pakhat palpahin thu a zirh.
23 Mi pakhat ni, “Bawipa, a tlawmte ceu run an i thok maw?” tiah a dil. Jesuh ni,
24 “Sangka bi in luh zuamtia uh; icatile a tlungpi ni an zuamtia thok nain an lut zo thok lo, tiah ka tan sim hngai.
25 Inntek ni hang thoin sangka a khar hnuk cu, pawnla ah diingin sangka nan kiing ih, ‘Bawipa, sangka man hon hram’ nan ti tikah, an tan lehnak ah, ‘Khawnang in nan phat ka tan tiah hngai lo’ an tan ti thok.
26 Cutikah nangmi ni, ‘Nanmah rum kan aw kan ding khatih, zalam ah teh thu a man zirh ta hin’ tiah nan ti thok.
27 A inain ani ni, ‘Khawnang in nan phat ka tan tiah hngai lo ee; ka hemin vak mianmi uh, nangmi thilŽhalotitu hmawhhmawh’ tiah a ti thok.
28 Abraham, Isaak, Jakob leh profet hmawhhmawh Pathian uknak sungah hmuin, culeh nanmah rori tu cu pawnla ih hei zam nan ik tikah nan Žap thokih nan hacang nan rial thok.
29 Cutikah mipawl cu nisuahnak leh nilawhnak, sak leh thlang in an pha thokih, Pathian uknak sungah an to thok.
30 A ngaingai ah, a peitatleng a i tu ding mihrekkhat cu a netatleng an ii, cun netatleng i tu ding mihrekkhat cu a peitatleng an ii,” tiah a ti hngai.
(Mat 23:37-39)
31 Acui caan lio te ah Farisi-le hrekkhat pha in Jesuh cu, “Hinang hin vak mianmi, icatile Herod ni tan thah a daw,” tiah an ti.
32 Jesuh ni, ‘Tat uh la acui sase cu sim uh, ‘Ngaihman, nihinni leh zingla ah khawsiale Žhawl hngai in mitiak ka damsak, cun ani thumnak ah ka rianŽuan ka uk thok.
33 A inain nihinni, zingla leh tip cu ka lam ka tat rih kau thok, icatile profet pakhat cu Jerusalem hnar pawnih thah tuah ding a cang kho lo’ tiah a ti.
34 Cun, Jerusalem, Jerusalem, profetpawl that hngai tu leh a hemih thlahmi le lung in a phon hngai tu khuapi! Arpinu ni a suanle a thla tangih a huh hngai mangin na tiale khawm hngai ding i tluk ka daw ŽiuŽeu, nain ama sen lo.
35 Zo hman, na inn cu na hemah mattak a ii. Cun ka tan sim, ‘Bawipa ih min in a pha tu cu mi thluasuak a ii’ na ti caan a phat hlansung ama hmu ti thok lo,” tiah a ti.