1 A vah rero thah ah a suahkeh in a mit a caw mipa a hmu. 2 A kaizulle ni, “Rabbi, hi pa a mitcaw in a suah hi, amah maw, iklole a nulepa, ahu an sual?” tiah an dil. 3 Jesuh ni, “Hi pa khaw iseh, a nulepa iseh an sual lo; mitcaw in a suah nak cu amah sungah Pathian rianŽuan a lan nak dingah a ii. 4 Sunla a ik sung cu ama thlahtu ih rian ka Žuan awk a ii; ahuhman ih rianŽuan khawhlo nak zan a pha leh thok. 5 Vuleipi ih ka om sung poh cu vuleipi ih ceunak ka ii,” tiah a sawn hngai. 6 Ahiti a ti hnukah khur parah cil saakin cil rum nawnthlawk a vua ih pakhat pa ih mit parah nawnthlawk cu maanin, 7 “Tat la Siloam tili ah Žawl tia,” tiah a ti. (Siloam ti cu “Thlah” tinak a ii.) Cutikah tatin a Žawltia ih khuahmukho in a kirŽhan. 8 Innkiangpawl leh hihlan ih kutdong in a hmuta tupawl ni, “Hi pa hi tohrat in kutdongih mi dil bil tu khi a i lo hmen maw?” tiah an ti. 9 Mi hrekkhat ni, “Amah hi a i kau,” tiah an ti. Mipacepawl ni cu, “Ihlah e, amah mang mipakhat a ii,” tiah an ti. Amah ni cu, “Kei hi acu pa cu ka ii,” tiah a ti berbo. 10 Ihmansela amah cu, “I taw ah khawti in na mit an vaangd ‘mit vaang’ ti hi ‘mit au’ ti tu kan om. Žhan hmen?” tiah an dil reuri. 11 Ani ni, “Jesuh timi pa ni nawnthlawk vuain, ka mit ama maanih, ‘Siloam ah tat la Žawltia’ a ma ti. Cutikah tatin Žawltia ing khawh khua ka hmu,” tiah a let hngai. 12 Anmimi ni, “Amah teh khawnang ah a hi?” tiah an ti. Ani ni, “Ka tiah lo,” tiah a ti hngai.

13 Mitcaw ta pa cu Farisi-le hemah an tahpi. 14 Jesuh ni nawnthlawk vuain a mit a vaansak cu Sabbath ni a ii. 15 Cutikah Farisi-le ni khaw amah cu khawti in khua a hmuh thu an dil thawh. Ani ni, “Ka mit nawnthlawk a ma maan. Cuhnukah ka Žawltia ih atu hi khua ka hmu a i kau,” tiah a ti hngai. 16 Farisi-le a hrekkhat ni, “Hi pa hi Pathian hemin a phami a i lo, icatile sabbath a ul lo,” an ti. Ihmansela a pacele ni cu, “Khawti in misual a i mi ni cu a cumang hmuhsaknakpawl cu a vua hngai kho thok hmen?” tiah an ti. Culeh Žhentiaknak a thlak hngai. 17 Curuangah mitcawpa cu, “Na mit a tan vaansak hikhawh, amah thu ah itu sim ding na ngei?” tiah an ti Žhan. Ani ni, “Ani cu profet pakhat a ii,” tiah a ti. 18 Judah thungeitule ni cu khua a hmu Žhan tu pa ih a nulepa koin, 19 “Hihi nan tiapa, mitcaw in a suak nan ti cu a ii maw? Khawti in a ik atu khua a hmuh?” tiah an dil hlansung cu mitcaw a ita ih khua a hmu leh ti an zum duh lo. 20 A nulepa ni, “Hihi kan tiapa a ik leh mitcaw in a suah cu kan tiah kau; 21 a inain khawti in atu khua a hmuh cu tiah hlah hu ee, cun ahu ni a mit a vaan sak ti khaw tiah hlah hu ee. Amah dil uh la; a upa vel kovawh. Amah caah cu amah ni sim lei tu,” tiah an sawn. 22 A nulepa ni a hiti an ti cu Judah thungeitule an Žih ruangah a ii; icatile Judah thungeitule ni Jesuh cu Messiah a ii tiah a phuang tupoh cu sinakok in Žhawl i dingah an na a tla cia rom. 23 Curuangah a nulepa ni, “A upa vel kovawh; amah dil uh,” an tinak a ii. 24 Curuangah mitcaw ta pa cu a voi hnihnak ko Žhanin, “Pathian sunparsak. Hipahi misual a ik kan tiah,” tiah an ti. 25 Ani ni, “Misual a ik le ik lo cu ka tiah lo. Ka mit a caw ta nain atu khua ka hmu ti pakhat zong cu ka tiah,” tiah a sawn hngai. 26 Anmimi ni, “Itu a tan ti? Khawti in na mit a tan vaan sak?” tiah an ti. 27 Ani ni, “Ka tan sim hngai rom kau hin, nan ngaih duh tal lo. Icaah hmen zak Žhan cu nan dawt? A kaizulle can nan daw ve hngen?” tiah a sawn hngai. 28 Cutikah amah cu nautatin, “Nang belte a kaizul na ii, a inain keimi cu Moses kaizul kan ii, 29 Pathian ni Moses hemih thu a sim cu kan tiah, nain hi pa zong cu khawnang in a phat kan tiah tal lo,” tiah an ti. 30 Acu pa ni, “Hinang ah kovawh thil donharŽha cu! Nangmi ni le khawnang in a phat tiah hlah cu, ani ni hmawh ka mit ma vaan sak ee. 31 Pathian ni misualpawl cu an thu a ngai hngai lo, a inain amah a bia ih a dawtzawng a zul tu cu an thu a ngai hngai ti cu kan tiah. 32 Mi pakhatkhat ni mitcaw in a suakmi a mit a vaansak ti hi vulei hramthawh pek in zak a i thah lo. 33 Hi pa hi Pathian hemin i hlah sela ituhman ti zo thok hlah,” tiah a sawn hngai. 34 Anmimi ni, “A nang sualnak sungih suak leh sual berbo ni maw thu man zirh na khaihtiak?” tiah an sawn. Culeh sinakok in an Žhawl.

35 Jesuh ni acu pa an Žhawl ti a za ih, amah a hmuh ngah tikah, “Mi Tiapa zum cim?” tiah a ti. 36 Ani ni, “Amah cu ahu a ii? Amah ka zum khawhnak dingah ma sim la!” tiah a sawn. 37 Jesuh ni, “Amah cu na hmu rom kau, namah rum a biatia rero tu hi a ii,” tiah a ti. 38 Ani ni, “Bawipa, ka zum,” tiah a ti. Culeh amah cu a bia. 39 Jesuh ni, “Khuahmulo tu ni khua an hmuh nak ding leh khuahmu tu cu mitcaw an cannak dingah hi vuleipi ah hin thuŽhen dingin ka pha,” tiah a ti. 40 A hrialih Farisi-le hrekkhat ni acucu an za ih, “Keimi cu mitcaw i na kau hu im?” tiah an ti. 41 Jesuh ni, “Mitcaw ii uh la cu sualnak nan ngei thok lo. A inain atu cu, ‘Khua kan hmu’ ti hngai nihmawh, nan sualnak a hmun,” tiah a ti hngai.