12 Jesuh ni Farisi-le bia hngai Žhanin, “Kei hi vuleipi ih ceunak ka ii. Ama zul tupoh khuamaw lakah an vak dah thok lo, nun ceunak tu an ngei thok,” tiah a ti. 13 Cutikah Farisi-le ni, “Nang hmawh namah ih thuhla namah ni na angtia kovawh, na aanmi a hmaan lo,” tiah an ti. 14 Jesuh ni, “Kamah ih thuhla kamah can ih ka aan hmanah ka aanmi cu a hmaan kau, icatile khawnang in ka pha ih khawnang ah ka tah thok ka tiah. A inain nangmi ni cu khawnang in ka phat leh khawnang ah ka tah thok nan tiah lo. 15 Nangmi ni cu minung thisa daan te in thu nan Žhen; kei cu ahuhman thu ka Žhen lo. 16 A inain thu ka Žhen hman ah, ka thuŽhen cu a hmaan; icatile thuŽhentu cu kei ceu ka i lo, kei leh a ma thlahtu Pa kan ii. 17 Nan Daan sungah, ‘mi pahnih ih thutiahpimi cu a hmaan’ tiah ngan a ii. 18 Kei ni kamah can-ah ka thu ka dinpi, cun a ma thlahtu Pa ni ka can-ah ka thu a ang,” tiah a sawn hngai. 19 Cutikah anmimi ni, “Khaw hi na Pa cu?” tiah an ti. Jesuh ni, “Nangmi hmawh kei ama tiah hngai taktai lo pi, ka Pa khaw nan tiah lo. Kei ma tiah u la cu ka Pa khaw tiah hngen tur cu,” tiah a ti hngai. 20 Hi aankapawl hi biakinn ahlu kuang siahnak hmun ih thu a zirh lio ah a ang hngai, ihmansela amah ih tikcu a phat rih lo ruangah ahuhman ni an pon lo.

21 An hemah, “Kei cu ka tat mianmi thokih, nangmi ni ama hrawl hngai thok. A inain nan sualnak nan thihpi thok. Ka tah nak thok cu nangmi nan pha kholo,” tiah a ti hngai Žhan. 22 Cutikah Judah mibuur pi ni, “A that tia thok hetur im? Acucu, ‘Ka tah nak thok cu nangmi nan pha kholo’ a ti dawtsanmi maw a ik?” tiah an ti. 23 Jesuh ni, “Nangmi cu tangla mi nan ii ih, kei cu cungla mi ka ii, nangmi cu hi vuleipi ih ta nan ii, kei cu hi vuleipi ih ta ka i lo. 24 Nan sualnak nan thihpi thok ka tan ti hngai khi, icatile Kei ka ik ama zum hngai lo ahcun nan sualnak nan thihpi kau thok,” tiah a ti hngai. 25 Anmimi ni amah cu, “Ahu na ii?” tiah an ti. Jesuh ni, “Ahramthawh in ka tan sim hngai mi khi ka ii. 26 Nan thuhla aan awk tampi leh sualthu tan Žhen hngai awk tampi ka ngei; a inain a ma thlahtu cu a hmaan ih, a hemin ka zakmi cu hi vuleipi ah ka than,” tiah a ti hngai. 27 Pa ih thu a sim hngai rero ti an tiah thiam lo. 28 Curuangah Jesuh ni, “Mi Tiapa nan han thlai tikah Kei ka ik leh, kamah ih thu in ituhman ka ti lo, Pa ni ama zirh mangin hipawl ka ang hngai, ti tiah leh lei cu. 29 Culeh a ma thlahtu ni ama ompi; a lunghmuinak ka vuak ringring ruangah kamah ceu a ma mata lo,” tiah a ti. 30 Hipawl a sim ahhin mitlungpi ni amah cu an zum.

31 Cutikah Jesuh ni amah a zumtu Judahpawl cu, “Ka thu mangih nan ompeh ahcun, ka kaizulle taktak nan ii; 32 culeh thutak nan tiah thokih, thutak ni a tan luatsak hngai thok,” tiah a ti hngai. 33 Anmimi ni, “Keimi cu Abraham ih hrinsarle ii hu khawh ahu ih sal hman ka i thah lo pi. ‘Luat sak nan i thok’ na ti cu itu na tican a ii?” tiah an sawn. 34 Jesuh ni, “Thungaite in ka tan sim hngai, sualnak a vua tupoh cu sual ih sal a ii. 35 Sal cu innsang ah omnak riingreeng a ngei lo; tiapa zong cu acunangah hmun a ngei kumkhua. 36 Curuangah Tiapa ni tan luat sak hngai taw ah nan luat ngaingai thok. 37 Abraham ih hrinsarle nan ik cu ka tiah kau; a inain nan sungah ka thu caah hmun om hlah khawh ma thah nak thok caanŽha nan hrawl. 38 Kei cu ka Pa hemih ka hmuhmi ka than; nangmi cu nan pa hem in nan zakmi mangin nan vua,” tiah a sawn hngai.

39 Anmimi ni, “Abraham kan pa a ii hekhawh,” tiah an sawn. Jesuh ni, “Abraham ih tiale ii uh la cu, Abraham ih vuakmi vua hngen tur cu. 40 A inain atu cu Pathian hemin ka zakmi thutak a tan sim hngai tu pa kei hmawh ma thah khai cu ee. Abraham ih vuakmi cu acucu a i tal lo. 41 Nangmi hmawh nan pa ih vuakmi nan vua pan kovawh,” tiah a ti hngai. Anmimi ni, “Keimi hmawh zultiac ziltia ti khaw kan om. kan i lo pi, Pa pakhat cu kan ngei, cucu amah Pathian a ii,” tiah an ti. 42 Jesuh ni, “Pathian nan Pa ii sela cu ma daw hngen tur cu, icatile Pathian hemin ka pha ih atu hinangah ka om. Kamah ih thu in ka pha lo, amah ni ama thlah. 43 Ituruangah ka simmi nan tiahthiam lo? Ka thu nan cosan lo ruangah a ii. 44 Nangmi cu nan pa khawsia hemin ii cu khawh nan pa ih dawtzawng vuak nan daw. Amah sungah thutak a om lo ruangah ani cu a pekte in mi that a ii ih thutak ah a diing lo. Thulo a puah tikah amah ih iknak mangin a ang, icatile ani cu thulo sim pa leh thulopawl ih pa a ii. 45 A inain kei cu thutak ka sim ruangah ama zum hngai lo. 46 Nan lakih ahu tleng a ii ka sualnak fiangte in a lansak kho tu? Thutak ka sim ah, ituruangah ama zum hngai lo? 47 Pathian hemin a i tupoh ni cu Pathian ih aan an ngai. Nangmi nan ngaih lonak a ruang cu Pathian hemin nan ik lo ruangah a ii,” tiah a ti hngai. 48 Judahpawl ni, “Samaria-mi na ii ih khawsia na ngei kan tan ti cu hmaan hu maw?” tiah an sawn. 49 Jesuh ni, “Khawsia ka ngei lo; ka Pa tu ka upat, nangmi ni cu ama upat hngai lo. 50 Kamah ih sunlawinak ka hrawl lo; a hrawltu pakhat a omih amah cu thuŽhentu a ii. 51 Thungaite in ka tan sim hngai, ka thu a zul tupoh cu thihnak a tuak dah thok lo,” tiah a sawn hngai. 52 Judahpawl ni, “Atu cu khawsia na ngeih kan tiah. Abraham cu a thi, profetpawl khaw an thi; a inain nang ni cu, ‘Ka thu a zul tupoh cu thihnak a tuak dah thok lo’ na ti. 53 Nang cu kan pa Abraham mithi van na nasasawn ah maw? Profetpawl le an thih ve ah. Ahu e na ti tia hmen?” tiah an ti. 54 Jesuh ni, “Kamah ka sunparsak tiak ahcun ka sunparnak cu ihman a i lo. Ama sunparsak tu cu ka Pa a ii, ani cu, ‘Amah hi kan Pathian a ii’ tiah 55 nan tiah na loin nan timi cu a ii. a inain kei ni cu tiah hngen ing. Amah ka tiah lo ti thok ningla le nangmi mangin thulopuahtu ka i thok. A inain amah ka tiah ih a thu ka zul. 56 Nan puhram Abraham cu ka phat a hmuh thok lakhlahin a lung a awi; a hmu ih a ngetia,” tiah a sawn hngai. 57 Judahpawl ni, “A nang kum sawmnga hman ti rih lo ni Abraham cu na hmu rom hmen maw?” tiah an ti. 58 Jesuh ni, “Thungaite in ka tan sim hngai Abraham a omtak hlanah Kei Ka ii,” tiah a ti hngai. 59 Curuangah amah phon nak ding lung an sar, ihmansela Jesuh cu a thuptia ih biakinn in a suak mianmi.