1 “Thungaite in ka tan sim hngai, tuhruang sung ah kotka in lut loin lam ce in a kai tu ahumaw cu mitir leh rokhmang an ii. 2 Kotka in a lut tu zong cu tuupawl a khaaltu a ii. 3 Kotka kiltu ni kotka a honla, cun tuupawl ni a aw zain amah an pha. A tuule cu an min in a ko hngai ih pawnla ah a hruai hngai. 4 A tuule pawnla ih a suah hngai hnukah an hmala ah a tat, culeh tuupawl ni a aw an tiah thiam ruangah amah cu an zul. 5 Mi pace ih dung cu an zul thok lo, a aw an tiahthiam lo ruanah a hemin an zuang hoi thok,” tiah a ti hngai. 6 Jesuh ni hi thuŽhim hi anmah a sim hngai, ihmansela an hemih a simmi cu itu a ik an tiahthiam lo. 7 Curuangah Jesuh ni, “Thungaite in ka tan sim hngai, Kei hi tuupawl caah kotka ka ii. 8 Kamah hlanih a pha tu an zate mitirpawl leh rokhmangle an ii; a inain tuupawl ni cu an aw an ngai lo. 9 Kei cu kotka ka ii. Kamah in a lut tupoh cu a him thokih, sumpile sumhnam thlahnak ta ram tican hringhno an hmuhngah thok. 10 Mitir cu ru ding, that ding leh siatsuah ding ceu ah a pha, kei tu cu nun an ngeih ih, lungtluaingai in an ngeih nak dingah ka pha. 11 “Kei cu tukhal Žha ka ii. Tukhal Žha ni cu tuupawl caah a nunnak a liam. 12 Setcopmi, tukhal a i lo leh tuu a ngei lo tu ni cu sase an suah a hmuh hngai ah tuupawl mata hngai in a zuang mianmi, sase ni thiarta hngai in a parcaksak hngai. 13 Setcopmi a zuan mianmi cu tuupawl a siaherh hngai lo ruangah a ii. 14-15 Kei cu tukhal Žha ka ii. Pa ni ama tiah ih, kei ni Pa ka tiah mangin, ka tuule cu ka tiah hngai ih anmimi ni kei ama tiah hngai ve. Culeh tuupawl caah ka nunnak ka liam. 16 Hi tukawmf hruangih kulmi tican ih ta a i lo mi tuupawl ka ngei hngai. Anmah ka luhpi hngai ve thok, cun ka aw an ngai thok; cuti cun turun pakhat, tukhal pakhat in an om thok. 17 Kei cu ka nunnak latngah Žhan dingih ka liam ruangah Pa ni a ma daw. 18 Ahu hman ni ka nunnak a ma sut hngai lo, kamah ih lungpok in ka liam. Liam khawhnak huham ka ngei, cun latngah Žhan khawhnak huham ka ngei. Hi thupiak hi ka Pa hemin ka ngah rom,” tiah a ti. 19 Ahi thupawl ruangah Judahpawl cu an Žhentia Žhan. 20 Anmah lakih mitlungpi ni, “Ani cu khawsia a ngei, a hmaw. Icaah a thu cu nan ngaih duh?” tiah an ti. 21 Mipacele ni, “Hipawl cu khawsia ngeimi ih anka tal an i lo. Khawsia ni mitcaw a mit a vaansak kho hmen maw?” tiah an ti.

22 Isik khuk, Jerusalem ah Hanukkah note 10:22 Biakinn Thian ih ApŽhannak puai, Fiansaknak ah zoh. puai a om lio fang a ii ih, 23 Jesuh cu Biakinn sung Solomon ih vanthlau ah a vak rero. 24 Curuangah Judahpawl a velkimah khawmtia in, “Ihlet sawh laklawh in man ma lei ci? Messiah i taw ci ah fiangte in man sim lawlaw,” tiah an ti. 25 Jesuh ni, “Ka tan sim hngai rom kau hin, nan zum tal lo. Ka Pa ih min in ka vuakmi pawl hi ni kamah a ma diinpi hngai; 26 a inain ka tuupawl nan ik lo ruangah nan zum lo pi. 27 Ka tuu ni cu ka aw an za. Ka tiah hngai ih a ma zul hngai. 28 Kumkhua nunnak ka pia hngai ih an rawkral dah thok lo. Ahuhman ni ka kut sungin an thurngah thok lo. 29 Ka Pa ih ama piakmi cu thilpace hmawh vanin a pipasawn ih huhman ni ka Pa ih kut in an thur ngah kho thok lo. 30 Pa leh kei cu pakhat kan ii,” tiah a sawn hngai. 31 Judahpawl ni amah phon nak ding lung an sar sei. 32 Jesuh ni, “Pa hemin thilŽha Žuan mi tlungpi ka tan hmuh hngai rom. Khawmang tleng caah a ii nangmi ni lung in a ma phon hngai thok cu?” tiah a ti hngai. 33 Judahpawl ni, “Lung in kan tan phon thok cu thil Žha vuak caah a i lo pi, minung i nakauin namah le mah Pathian ah na vuak tiakmi, Pathian thangsiat ruangah a ii hekhawh,” tiah an sawn. 34 Jesuh ni, “Nan Daan sungah, ‘pathianle nan ii ka tan ti hngai’ tiah nganin a om lo hmen maw? 35 Pathian thu an hemih a pha mi le cu ‘pathianle’ tiih kawh an ik ahcun – Lai Thianghlim le phiat thiam i hlah – 36 ‘Kei cu Pathian Tiapa ka ii’ ka ti ruangah, Pathian ni thianhlimsakin vuleipi ah a thlahmi pa cu Pathian a thangsiat tiah nan ti thiam hmen maw? 37 Ka Pa ih rian ka Žuan lo i taw ah ma zum duh hlah uh. 38 A inain ka Žuan hngai ahcun, kamah ama zum hngai lo hmanah, ka thil timi tal cu zum uh. Cucu, Pa cu kamah sungah a om ih kei ka Pa sungah ka om ti nan tiahthiam nak dingah a ii,” tiah a sawn hngai. 39 Cutikah amah pon sei an khaitia, ihmansela an kut sungin a luat ngah. 40 Johan ni tuandeuh lio ih ti ah mi a hnim tak hngai nak Jordan khat la ral ah a vak mianmi sei, culeh acunangah a taang tadah. 41 Mitlungpi ni amah an pha, culeh, “Johan ni hmuhsaknak ituhman a vua lo, ihmansela hi pa ih thuhla Johan ih simmi zongza cu a hmaan,” tiah an ti. 42 Culeh mitlungpi ni acunangah amah cu an zum.