1 Ka aat duau hi ma in hram uh la ka daw. Ma in kau uh! 2 Pumah pakhat, Khrih hemah lenghrim thiang mangih tan ap hngai dingah ka tan ham hngai rom ruangah Pathian ih mihaal phun mihaalnak nan parah ka ngei. 3 Ihmansela rulpi ni Eve cu a depdetnak in a deuh mangin, Khrih hemah tluang leh thiang ih punpiak ding nan ruahnakpawl lampang ih hruaisual ik ding cu ka phang. 4 Icatile mi pakhatkhat pha in kan simthan mi i lo, Jesuh pace a simthan ahcun, iklole nan comi rum a pacemi thlarau nan co ahcun, iklole nan cosanmi thuthangŽha rum a pacemi thuthangŽha nan cosan ahcun, acui thu nan awi-eem hliarhlo. 5 Ahi cungcuang tirhthlahle vanin ka tenausawn hrimhrim lo tiah ka ruat. 6 Thusim cu a hlawhtlalo ka i kho men, thutiahnakla ah zong cu ka i lo. A ngaingai ahcun a lam kip leh thil zate ahhin ahihi nan hemah kan fiangsak rom kau. 7 Hlirsan nan iknak dingah kamah cu ka Žhumniamtia ih Pathian ih thuthangŽha cu a man la loin nan hemih ka simthan ruangah sualnak ka vua ta a ii maw? 8 Nanmah tan rian hngai dingah pawlpi pace cu an hemin bonnak ka cosannak thawngin ka rok hngai. 9 Cun nanmah rum ka omih ka sambau ahkhin ahuhman phurh rit ka thlaih lo, icatile ka Žulsamnak cu Masidonia peng in a pha tu ka rualpile ni ama bawn hngai. Curuangah itu lam in khaw nangmi phurhrit tan thlaih hngai ka suptia ih ka suptiak pehzulh thok. 10 Khrih ih thutak ka sungih a om mangin, a hiti ih ka porhtiaknak hi Akhaia peng ah daihsak a i lei lo. 11 Ituruangah hmen? Ka tan dawt hngai lo ruangah maw? Ka tan daw hngai ti cu Pathian ni a tiah kau! 12 An porhtiak mi thu ah kanmah tluk an ik mi ih tiah ding caanŽha ngah a daw tupawl an caanŽha phelh piak hngai dingin ka thilti mi hi ka ti pehzulh rih kau thok. 13 Icatile acumang miporhtiale cu tirhthlahdeupawl, mideuhraumi rianŽuantule, anmah leh anmah Khrih ih tirhthlahle mangin hmelthlengtiak hmang an ii. 14 Donhar awk cu a om lo e! Satan hman ni ceunak vanmi mangin a hmel thlengtia in. 15 Curuangah a rianŽuantule ni anmah leh anmah dingfelnak rianŽuantule ruangin an hmel an thlengtiak ve cu donharŽha a i lo. An netnak cu an thiltimipawl rum a caangtia mi a i leh thok.

16 Ka nolh; ahuhman ni miaa tiin ma ruat hlah seh; nangmi ni ama ruah hngai zong ahcun, tlawmte tal ka porhtiak khawh ve nak dingah miaa pakhat dinhmun in ma cosang kau uh. 17 Zumtia ngaiih ka lunglum tiaknak ka simmi hi Bawipa ih thungeihnak in a i lo, miaa pakhat dinhmun in zong ka sim. 18 Mi tlungpi ni minung tahdan in an porhtiak ruangah, kei khaw ka porhtia ve thok. 19 Icatile, nangmi cu miting nan ii hepan, miaale lungawite in nan in. 20 Icatile mi pakhatkhat ni sal ih a tan vuak hngai tikah iseh, a tan dinhmuar hngai ah iseh, a tan miat tlawi hngai tikah iseh, nan hmai a tan ben hngai tikah iseh nan in kau. 21 Keimi cu acumang ti dingah cun kan ŽawnŽai tuk kovawh ti ih sim ding hi ka ning a zak! Ihmansela ahu ni maw porhtiak a ngam nak itupoh ah, miaa pakhat dinhmun in ka sim – acucu ka porhtiaknak ngam ve kau. 22 Hebru-mi an ii maw? Kei khaw ka i kau. Israelpawl an ii maw? Kei khaw ka i kau. Abraham ih hrinsarle an ii maw? Kei khaw ka i kau. 23 Khrih ih rianŽuantu an ii maw? Mihmaw pakhat mangin ka ang rero – ka Žuan a khung punpah, voi tlungsawn thawngthlak, siarhanglo thawinak, culeh thisam ŽiuŽeu iknak in kamah hi a Žhasawnmi rianŽuantu ka ii. 24 Judahpawl hemin Žum nga pun voi 39 thawi ka tuak. 25 Voi thum cu teileng in thawi ka tuar. Voi khat lungphon ka tuak. Voi thum tangphawlawng siat ka tuak; sun khat leh zan khat cu rili ah ama tlik miarmo; 26 khual ka tlon viangvo ah tipi ih ŽihŽha, rokhmang ŽihŽha, ka phunpile hemin ŽihŽha, Zentail-mipawl hemin ŽihŽha, khuapi sungah ŽihŽha, ramcar ah ŽihŽha, rili ah ŽihŽha, ahman lomi unaupawl hemin ŽihŽha, 27 zanzai leh harsain, zan tlungpi meloin, ŽaŽhit leh tihal, caw lo ih om ŽiuŽeu; isik leh takpalawng in kan om. 28 Cun thilpacepawl hleiah pawlpi zate ca-ih ka thinharnak ruangah nicang nornak tangah ka om. 29 Ahu a ŽawnŽai ih kei ŽawnŽai loin ka om? Ahu tua a sik ah ka thin ma kaangaw loin ka om? 30 Porhtia ding ka ik ahcun ka ŽonŽaihnak lansaktu thilpawl ah ka porhtia thok. 31 Bawi Jesuh ih Pa leh Pathian (a kumkhua in thluasuak seh) ni thu ka puah lo ti a tiah kau. 32 Damaskas khua sungah siangpahrang Areta kuttang ih mangki ni kamah pon dingah khuapi cu a kilsak hngai, 33 ihmansela bawr sungah ma khapin, pawnla ah kulhdawl awng in ama zon Žhum hngai ih, a kut sungin ka luat.