1 Òhathnemnak ngah ding ituhman a omlo nain ka porhtiak rih a Žul kau sawh. a inain atucu Bawipa ih lansaknakpawl leh thupphuanpawl thu ka sim rih thok. 2 Ahi hlan kum hleili lio ah Khrih sungih mi pakhat cu a thuah thumnak vancung ah latso a ita – a ruangpun in a ik leh a ruangpun leeng in a ik cu ka tiah lo, Pathian ni a tiah. 3 Culeh acu pa cu ruangpun in a ik leh ruangpun leeng in a ik ka tiah lo, Pathian ni a tiah – 4 Paradise ah han cawi a ii ih sim khawh lomi thilpawl leh sim sen lomi thilpawl a za hngai. 5 Acu pa can-ai ah ka porhtia thok, kan ŽonŽaihnakpawl simlo kamah thu ah zong cu ka porhtia thok lo. 6 Ihmansela porhtiak ka dawt ahcun, miaa ka i thok lo, icatile thuhmaan sim ka i thok. Ihmansela ahuhman ni ka sungih a hmuhmi leh ka hemin a zak mi van uaksawn in ama ruah lonak dingah ka suptia. 7 Ka hmuh mi phuanlannakpawl liangluang ruangah zumtiak tuk ma daw dingah ama hrem – kut thak hnawtnak ih ma hmangtu dingah Satan ih thuphurtu, tiksa sungih hling cu piak ka ii. 8 Acucu ka hemin lat piak mianmi dingah voi thum a hi thu ah Bawipa ka ngeen. 9 Ihmansela ani ni, “Ka veel cu na caah a daih kau, icatile huham timi cu ŽonŽaihnak ahhin tlamtlinsak a ii” tiah a ma ti. Cuti i taw ah, Khrih ih huham ka sungah om dingin ka ŽonŽaihnak hi lungawi hlehhlo in ka porhtia thok. 10 Cuticun, ŽonŽaihnakpawl, hremnakpawl leh poipangpawl ahhin Khrih ruangah ka lungkimin ka om; icatile ka ŽonŽaih tikpohah ka dikcak.

11 Miaa ka ik tu hi! Nanmah ni hranhramin ma iksak hluan cuin. Icatile itu ka ik lo hmanah ahi – acuangcemi tirhthlahle vanin ka tenausawn hrimhrim lo ruangah, a ngaingai ahcun nanmah hi a ma simŽha tu ding mawi nan ii. 12 Tirhthlah taktak pakhat lansaknakpawl – hmuhsaknakpawl leh donharŽhapawl leh rianŽuan pipa cu nan lakah thinsaunak in Žuan an ita. 13 Kamah rori ni phurhrit ka tan thlaih ta hngai lo timi simlo ah, ataangmi pawlpile tlukin mithmaiŽha ka tan piak hngai lonak itu zawn in a ii? Acui ka palhnak cu ma ngaidam kau uh! 14 Atu hi nan hemah a voi thumnak tan tlawn hngai dingin ka mantia. Nan thilpawl iloin nanmah tu ka dawtmi nan ik ruangah nan caah phurhrit ka i thok lo; icatile tiale ni nulepapawl caah an khawlkhawm piak awk a i lo ih nulepapawl tu ni tiale caah an khawlkhawm piak awk a ii. 15 Ka ngeihmi iseh kamah hi iseh nan caah lungawi cuang in ka hmang thok, kamah khaw nan caah lungawi cuang in hman i ve lang. Ka tan dawt hngai deuh ahcun, dawt ka i deuh lo thok hmen maw? 16 Phurhrit ka tan thlaih hngai lo, ti kau le hu. Amah zong belte, nangmi ni cu kei hi mi-depde ii leh tan deuhtia hngai in nan sim. 17 Nan hemih ka thlah hngai mi pakhatkhat hmangin ka tan miatnak hngai maw? 18 Titas tat dingin ka torhih, kan unaupa cu amah rum ka thlah cih. Titas ni a tan miatnak hngai hmen maw? Keimi ni teh acui lungput rum sakhatin kan nungcang kau lo maw? Acui kekal mang siksik kan kal lo maw? 19 Kamah leh kanmah hi nan hmaiah otia rero in a man ruat dekdi herawn? Pathian dinhmun in kan ang rero hekhawh. Ka dawtngaimi le hngai, kan thiltimi izongza hi nanmah sakŽho nak ding caah a ii. 20 Icatile ka phat tikah ka saduhthah mang iloin tan hmuh hngai ding leh nan saduhthah mang iloin ma hmuh hngai ding ka phang. Bawhtiaknak, nahsuahnak, hehharnak, mahzawnruahnak rawntiak, katam, mah porhtiaknak, culeh hnaihnawhnak om pang lei khawh ti ka phang. 21 Ka phat Žhan tikah ka Pathian ni nan hmaiah ningzah ma huahsakin ahlanih a sual tu leh an thianhlim lonak, numipami iknak ziaza Žhat lonak leh an hman takmi thlahthlamtiaknak tipawl in a rim lo tule parah ka lungzuur, ka ngaih sia lei khawh ti ka phang.