1 Nanmah rum hmaiton tiak ah nem Žung, lamhla in hmawh Žhawng Žung, a ma ti hngaimi, kei Paul kamah rori ni Khrih ih thinnemnak leh nunnemnak thawngin ka tan ngeen hngai. 2 Nan hemih ka om tikah, minung tahnak mangin an tekcak tiah a man ruattu pawl hemah dokalh hngai ding ka ngamnak thawngin ralŽhatnak ka lansak lonak dingah ka tan dil hngai. 3 Angaingai ahcun minung ii in kan nungcang kau nain minung tahdan mangin ral kan do lo. 4 Icatile kan raldohnak hriamhreipawl cu minung ih ta menmen an i lo, ruhkul siatsuah dingah Pathian huham a ngeimi tu an ii. Thu-alnakpawl leh 5 Pathian thutiahnak ralsan in an han suahpi mi dawnkhartu kan siatsuah ih, Khrih ih thu cangngai dingah ruahnak cangte sal ah kan pon hngai. 6 Nan thuzulhnak a kimngah tikah thuzulh cang hrem dingah kan tiaritia. 7 Nan mithmuh ih ommi cu zoh tu hmen uh. Khrih ih ta nan ik nan lunglumtiak ahcun, Khrih ih ta nan ik mangin keimi khaw kan i ve, ti hin phirphuaktia uh. 8 Atu hi, nanmah tan zon thlekbauh dingah iloin tan sakŽho nak dingah Bawipa ni a man piakmi kan thungeihnak hi ka porhtiak tuk duau hman ah ka zahpi lei lo. 9 Ka laikuat hin nanmah tan Žhihhawh hngai khaitia rero mang ti cu ka daw ve ce lo. 10 Icatile, “A laikuat cu an riing an hraang kau, a minung cu a ŽawnŽai ih a thusim khaw nautatŽha a ii,” tiah a ma ti hngai. 11 Kan omlo tikih laikuat in kan simmi cu kan om tikah kan ti ve kau thok ti hi acumang minungle ni tiahthiam uh seh. 12 Anmah leh anmah a simŽhatia tu mi hrekkhat rum kanmah leh kanmah phun khat ih sia tia dingah iseh, Žhimtia dingah iseh, kan ngam lo. Ihmansela, anmah leh anmah cu pakhat leh pakhat in an tah tia ih pakhat leh pakhat rum an Žhim tiak tikah, ruahnak Žha an ngeih lo an lan sak. 13 Keimi zongbelte cu, riteek lonin cu kan porhtia thok lo, nanmah cencen phat ding a ik hmanah, Pathian ih man Žuansakmi loram sungah zong cu ka porhtia berbo kau thok. 14 Icatile nan hem kan phat ban tikah kan riteek lonin ahlei ih kekal kan i lo; kanmah hi Khrih ih thuthangŽha rum nan hemah peitlengih a pha riahro tu kan ii. 15 Riteekpawl lonin kan porhtia lo, acucu mipacepawl ih Žuan retheih ciami ah tinak a ii; ihmansela kan ruahsanmi cu nan zumnak a karh mangin nan lakih kan tehcahnak ramri khaw nasangai in khauh a i taw tinak a ii. 16 Acucu mipace ih Žuanciami parah porhtia loin, nanmah lonih ommi rampawl ah thuthangŽha kan simthan khawhnak dingah a ii. 17 “A porhtia tu cu Bawipa ah porhtia seh.” 18 Icatile anmah leh anmah a simŽhatia tupawl cu lungkimpimi an i lo, Bawipa ih simŽhat mi pawl zong cu lungkimpimi an ii.