24
1 Ni nga hnukah Tlangbawi Saang Ananias cu upale hrekkhat leh Tertullas timi aanpiaktu sih-ni rum an pha ih, Paul an puhmawhnak thu cu Mangkipa hemah an suahpi.
2 Paul an kawhngah tikah Tertullas ni sual an puhnak sim hram a thawh ih, “Upatmi Mangkibawipa, Namah ruangah caan saupi remdaite in kan om, cun na hmuhcia thiamnak ruangah remŽhatnakpawl hi miphun caah vuak an ii.
3 Ahihi a konglam cang leh hmungcangah lungawinak sangtleng rum kan cosang.
4 A inain, tan tlaihhrem beeng lo dingin, na mi naktiahthiam keel mangin tawiliote man ngai hram dingah ka tan dil.
5 Hi pa hi mi hnaihnok ngai tu, vuleicung hmawh ih ommi Judahpawl tekcaang dingih toktu, Nazareth bu hruaitutleng a ii ti kan tiah ngah.
6 Biakinn hnomtamsak ding hman a khaitia ih acuruangah a ii kan pon. Culeh kan Daan mangin amah thuŽhen kan khaitia.
7 A inain ralbawitleng Lisias ni kan kut sung in thazaang rum zaangtai in a suah.
8 Namah rori ni na hliakhlainak thawngin amah kan puhmawhnak rum a pehtlaimi izongza amah hemin na tiah ngah kho kau thok,” tiah a ti.
9 Judahpawl ni khaw acucu a hmaan tiah an tinak thawngin Paul sualpuhnak ah an telve.
10 Mangkipa ni ang dingin a tehthawi tikah Paul ni,
“Kum tlungpi sung hi ram parah thuŽhentu na Žuan ka tiah ih, lungawite in ka Žantia thok.
11 Jerusalem ah Pathian bia dingih ka soh cu ni hleihnih luan a i lo ti na tiah ngah kho kau.
12 Biakinn sungah mi pakhatkhat rum thu-altia in maw, iklole sinakok ah iseh, khuapi sung hmawh ah iseh, mibuur tokhrolhin ama hmu hngai thok lo.
13 Atu kamah sualpuhnakpawl na hem an phatpimi hi a i taktak ti an lansak zo cuang lo.
14 A inain, pawlŽeek tiah an kawhmi Lampi zulin, a man hringsartule ih Pathian ka bia ih, Daan ih timi iklole profetpawl ih laibu sungih nganmi izongza mangin ka zum.
15 Anmah rori ni khaw an pon ve mi ruahsannak mangin – miding leh midinglo an pahnih thawhŽhannak a om thok – tiin Pathian hemah ruahsannak ka ngei.
16 Curuangah Pathian leh mi hmawhhmawh hemah phuhrintiaknaknote 24:16 ‘Ngiatiaknak’ ti tu kan om ngeilote in om ringring dingah a Žhatleng in ka zuamtia.
17 Kum izet maw hnukah ka miphun caah bonnak pia ding leh raihri dingah ka pha.
18 Acu ka vuak rero lio ah biakinn sungah, mibuur leh hnaihnawhnak omloin thiansuahnak ka uk ti a ma hmu hngai.
19 A inain Asia ram in Judahpawl hrekkhat an omih, kamah ralsannak itumaw an ngeih ahcun, sualpuhnak sim dingin na hmaiah hinangah hin om ding an mawi.
20 Iklole hinangih hilepawl om hi ni Sanhedrin upa hmai ih ka din tak ahkhin
21 ka au suahmi aantluan pakhat, ‘Mithi thawhŽhan ruahsan thu ah a ii nihinni nan hmaiih hliakhlai ka tuah’ timi simlo ah thihtlak sualnak itu an hmu ti sim uh seh,” tiah a let.
22 Ihmansela Felix cu Lampi thuhla Žhate ih zaksak a ik ruangah an thurelnak cu, “Ralbawipa Lisias zong pha taw ah na thu tan Žhenpiak leh lang,” tiin a thawn.
23 Cuhnukah ralkapzabawi cu Paul thawng ah sia rih in, zalennak caangfang ngeihsak ding leh, a rualpile ahumaw ih a Žulpoimi an zokhen dawnkham lo dingah thu a pia.
24 Ni tlung nawn hnukah Felix cu a nupi Judah minu Drusilla rum an pha, culeh Paul a cah ih, Khrih Jesuh zumnak thu rum pehtlaitiami a sim cu an ngai.
25 Culeh thulairelnak, mah uknehtiaknak, cun a phathokmi thuŽhennak thupawl a sim tikah Felix cu a thin a phangih, “Atufang cu vak mianmi rih; caanŽha ngei taw ing ah tan cah leh lang,” tiah a ti.
26 Paul ni tangka pia thokin a ruahsan ruangah atu leh atu cah viangvoin thu a thluk.
27 Kum hnih a liam hnukah, Felix cu Porsias Festas ni a rianŽuan a sawng. Judahpawl ih mithmaiŽha co dawt ah Felix ni Paul cu thawng sungah a mata.