1 Festas cu acui ramŽhen a phatngah ni thum hnukah Sisaria in Jerusalem ah a so, 2 acunangah tlangbawi upapawl leh Judah hruaitule ni Paul sual an puhnak thu an sim. 3 Paul Žan loin anmah mithmaiŽha piak hngai nakah Jerusalem ih thawn sak dingin azu an khan. Angaingai ahcun lamlak ah bawhthupin that dingah khua an khang rero. 4 Festas ni, Paul cu Sisaria ah siah a ii ih amah khaw ihlet hlanah acunangah tah a khaihtiak thu a sim hngai ih, 5 Curuangah, “Nanmah lakih thungeitule kei rum tatin, acu pa cu palhnak a ngeih ahcun sual puh tuhmen uh seh,” tiah a ti. 6 An lakih ni riat maw ni hra maw hrawng a caam hnukah Sisaria la ah a tat, a zingla ah thuŽhennak ah a tocih ih Paul phatpi dingah thu a pia hngai. 7 Paul a phat tikah Jerusalem in a hang Žum mi Judahpawl ni an ulkim, a ik taktak zia an simfiang thiam lomi sualnak nasa tlungpi an puh. 8 Paul ni a Žantiaknak ah, “Judahpawl ih Daan kalhin iseh, biakinn kalhin iseh, Khumpi kalhin iseh, itulam in khaw thilsual ka vua lo hepang khaw,” tiah a ti. 9 Ihmansela Festas ni Judahpawl parah mithmaiŽha piak hngai dawt ah Paul cu, “Hi sualpuhnakpawl thu ahhin Jerusalem ah tatin kamah hmaiih hliakhlai tuah daw na cim?” tiah a dil. 10 Paul ni, “Khumpi ih thuŽhen piak i dingin azu ka khannote 25:10 Lai daan leh Lai aan in cu ‘lu pu’ kan ti; acucu hliakhlai ka tuar ding mawi a ii. Judahpawl parah itu thilsual hman ka vuak lo cu na tiah tuk kau. 11 Ka palh ih thi ding tlak itumaw ka ti ahcun, thih luat ding cu ka khaitia lo. A inain sual ama puh hngaimi ahhin ituhman a om lo ahcun, ahuhman ni na hemah ama phatpi hngai thiam thok lo, Khumpi hemah azu ka khan rom,” tiah a ti. 12 Cutikah Festas ni Sanhedrin upale rum an tuahtiak hnukah, “Khumpi hemah azu na khan kovawh, Khumpi hemah na tat hngen thok,” tiah a ti.

13 Ni tuakcaang a liam hnukah Siangpahrang Agrippa leh a nupi Bernis cu Festas do dingin Sisaria ah an tat. 14 Acunangah ni tlungpi an om ruangah Festas ni Paul ih thuhla cu siangpahrang Agrippa hmaiah a suahpiih, “Hinangah hin Felix ni thawng sungah a mattakmi pa a om. 15 Jerusalem ih ka om lio ah tlangbawi upapawl leh Judah upale ni a thuhla ma zaksakin thi dingih thuŽhen piak dingah ama torh hngai. 16 Rom-mipawl ih phunglam ahcun mi pakhat hi amah sualpuhtule rum hmaitonin tuaktia ih an sualpuhnakpawl thu ah Žantiaknak caanŽha piak hlanah cun an kutih ap a i lo tiah ka sim hngai. 17 Curuangah hinangih an tuahtiak tikah caan dengsak tlawi loin a zingla ah thuŽhennak hmun ih ka toŽhiang ah toin acu pa cu hruaita dingah thu ka pia hngai. 18 Sualpuhtule an hang din tikah, ka rinmi sualnak pipa itu pakhat hman an puh lo. 19 An biaknak thu leh, Jesuh thu – a thi nain Paul ni anung a timi ah thucintiak lonak an ngei tlangtli. 20 Hi thupawl hi a zingzoi nak ding tiah rau hlah ing khawh, amah cu Jerusalem ah tatin hi sualpuhnakpawl thu ah hliakhlai ik ding a dawt leh dawt lo ka dil. 21 A inain Paul ni Khumpi ih thuŽhen piak i dingin leh amah khaw acu hlansung thawng sungih kil i rih dingin a dil tikah Khumpi hemih ka thlah khawh hlansung thawng sungih kil i dingah thu ka pia,” tiah a ti. 22 Siangpahrang Agrippa ni Festas cu, “Kamah rori ni acu pa ih thusim zak ka daw,” tiah a ti. Festas ni, “Zingla ah za leh lei ci,” tiah a ti.

23 Curuangah a zingla ah Agrippa leh a nupi Bernis cu thupingai in an pha ih thungainak khaanpi sungah ralbawipawl leh khuapi sungih a thupi mipawl rum an lut. Cutikah Festas ni thu a pia ih Paul cu an phatpi. 24 Culeh Festas ni, “Siangpahrang Agrippa leh hinangah kanmah rum a om mipawl hngai, Jerusalem leh hinang a hmun hnih ah Judahmi an zate ni nung rih ding a mawi ti lo tiah au in ama dil hngai mi pa hi nan hmu. 25 A inain thihnak tlak itu a ti khaw ka hmu lo; culeh Khumpi ni a thuŽhen piak dingin azu a khan tikah thlah dingin ka ruatcat. 26 A inain Khumpi hemah a thuhla ngan awk itu fiangfai ka ngei lo. Curuangah amah hi nan zate hmaiah, ahleice in Siangpahrang Agrippa, na hmaiah ka phatpi, cuticun amah kan hliakhlai hnukah itumaw ngan awk ngei le ning la. 27 Icatile thawngtla pakhat amah sual an puhnak ngan felmi omloin thlah cu ama moih lo,” tiah a ti.