SHAKAWN KUNGDAWN 43
(Shakawn Kungdawn 42 a matut)
1 O Karai Kasang e, ngai hpe mara n kap ai wa ngu nna tsun shana ya e;
n kam n sham ai masha ni kaw na nye a maw mawn ai lam hpe makawp maga ya e.
Masu magaw ai ni hte n hkru n shawp ai masha ni a lata kaw nna ngai hpe hkrang
shaw la e!
2 Nang gaw ngai hpe makawp maga ai wa rai nga ndai;
ngai hpe hpa majaw nang kau da nga n ta?
Nye a gumlau hpyen ni a gumshem ai hta ngai hpa majaw
nni nkri hpe matut hkam sha ra nga a ta?
3 Na a nhtoi hte na a teng man ai lam hpe jaw dat rit,
dai gaw ngai hpe woi lakawn mat wa nna;
na a chyoi pra ai Ziun Bum hte nang shanu nga ai Nawku Htingnu de woi wa u ga.
4 Shaloi, Karai Kasang e, na a tawn hkungri de ngai sa wa lu na ring ngai;
nang gaw nye a kabu gara ai chyeju hka hpawk rai nga ndai.
O Karai Kasang e, nye a Karai Kasang e,
nye a tingse hpe dum ai hte nang hpe ngai mahkawn shakawn nga na nngai.
5 Ngai hpa majaw nde wa myit n pyaw nga nngai kun?
Ngai hpa majaw nde wa ru tsang hkrum nga nngai kun?
Ngai gaw Karai Kasang hta myit mada nga let,
nye a hkye la Madu hte nye a Karai Kasang hpe
kalang mi bai ngai shakawn na ring ngai.