5
1 Dinghta ga hta anhte nga nga ai sum nta ngu ai hkum hkrang gaw hten run
mat wa ai shaloi, sumsing lamu e
Karai Kasang anhte nga na matu
shi nan galaw ya ai htani htana grin
nga na ra ai nta anhte lu ga ai hpe
anhte chye nga ga ai.
2 Ya dai sum hta anhte rawng nga yang, sumsing lamu na nta hpe anhte dagraw
la lu na nachying n dawt nga ga ai
majaw, anhte madai let nga nga ga ai.
3 Shing rai dagraw la ngut jang anhte gaw hkum hkrang n lu ai ni tai mat
na n rai.
4 Ndai dinghta sum hta naw nga ai shaloi gun hpai ai lit e dip gamyet ai hpe
hkam sha ai myit hte madai nga ga ai.
Shingrai madai ai lam gaw anhte a
dinghta hkum hkrang hpe gun kabai kau
mayu ga ai majaw n rai, si mat chye ai
hpe htani htana asak hkrung ai
de galai mat na matu sumsing lamu
na hkum hkrang hpe anhte dagraw la
mayu ai majaw rai nga ai.
5 Dai galai mat na lam hpe anhte a matu lajang ai wa chyawm gaw Karai Kasang
rai nga ai. Shi gaw anhte hkam la na
rai nga ai chyeju nlang hte a matu
hkam dahka galaw ya ai hku nna shi
anhte hpe wenyi jaw mani ai.
6 Dai re ai majaw anhte gaw galoi mung nden marai hte hpring nga ga ai. Ndai
dinghta hkum hkrang nta hta sha naw
anga nga dingsa gaw Karai Kasang a
nta hte tsan gang nga ga ai.
7 Hpa majaw nga yang, anhte a asak hkrung ai lam gaw myi hte mu lu ai hta n re ai
sha makam masham hta she asak hkrung
nga ga ai.
8 Anhte gaw nden marai hte hpring nga ga ai rai nna, hkum hkrang nta hpe
kau da nna dai Madu hte rau nga nga
na hpe grau nna ra sharawng nga ga ai.
9 Dai rai nna anhte gaw, nang e nga ai hkum hkrang nta hta shanu nga yang
rai ti mung, htawra kaw shanu nga
yang rai ti mung, shi hpe sharawng
awng shangun na gaw kaga yawng
mayawng hta grau ahkyak ai amu rai
nga mali ai.
10 Hpa majaw nga yang, anhte nlang hte gaw tara daw dan ai hkrum na matu
Hkristu a tingnyang man de dawng pru
na rai ga ai. Dai shaloi e anhte
langai hte langai gaw, ndai hkum
hkrang nta e naw nga nga yang galaw
hkawm sa kau sai kaja ai amu, n kaja
ai amu a matu ang ai hte maren hkam
la shajang na ga ai.Ref 5:10: Rom 14:10;
Gal 6:7; Kol 3:24-25; Shr 22:12.
11 Anhte gaw dai Madu hpe hkrit kang ai ngu ai hpa rai nga ai hpe chye ga ai
majaw kaga masha ni hpe lau la lu na
matu shakut shaja ga ai. Karai Kasang
anhte a lam akri akrai chye nga ai,
nanhte mung nanhte a myit masin ni
hta nye a lam atsawm sha chye nga
myit dai ngu nna ngai myit mada nga
nngai.
12 Ning ngu nna tsun ai hta anhte gaw tinang a kaja ai lam hpe nanhte a
man e shagrau sha-a dan nga ga ai n
rai; anhte a ntsa e nanhte kabu
gumrawng shara lu la shangun na
matu she rai nga ai. Shaloi she
masha a arawn alai hpe n yu ai sha
shinggan nsam hpe sha yu nna gumrawng
chye ai ni hpe mahtai jaw lu na rai
myit dai.
13 Anhte kaja wa n gring mat saga ni? N gring nga ga yang gaw Karai Kasang
a matu mara n gring nga ga ai. Shing
n rai anhte gring nga ga ni? Gring
nga ga yang gaw nanhte a matu gring
nga ga ai.
14 Anhte hpe Hkristu a tsaw ra ai myit e up hkang da mi ai. Hpa majaw nga
yang, marai langai mi masha yawng
mayawng a matu mara si hkam sai hpe
anhte myit mu myit hkut saga ai. Dai
rai nna dai gaw shi a si hkam ai hta
yawng mayawng si hkam lawm sai ngu ai
lachyum rai nga ai.
15 Asak hkrung nga ai ni mung, shanhte a akyu a matu mara asak n hkrung ai
sha, shanhte a matu mara si hkam nna
bai hkrung rawt wa ai wa a matu chyu
sha hkrung nga mu ga, yawng mayawng
a matu mara shi si hkam sai.
16 Dai re ai majaw, anhte gaw ya kaw nna kadai hpe mung masha a madang ni hpe
hkan nna daw dan ai lam n galaw saga ai.
Shawng daw de Hkristu hpe masha madang
hku hkan nna sawn daw dan ai lam galaw
lai wa saga ai, rai ti mung ya dai hku
n galaw saga ai.
17 Kadai rai ti mung Hkristu hte langai sha tai mat ai shaloi shi gaw masha
ningnan tai wa sai, shawng na dingsa
hte gaw lai mat wa sai, yu mu yawng
mayawng ningnan tai wa sai.
18 Dai lam yawng mayawng hpe chyawm gaw Karai Kasang e galaw nu ai, Karai
Kasang gaw anhte hpe shi a hpyen ni
tai nga ai kaw nna shi a jinghku ni
tai wa na matu Hkristu Yesu a marang
e galai shai mat shangun mi ai hte,
kaga masha ni hpe mung shi a jinghku
ni tai wa shangun na matu anhte hpe
amu lit ap ya mani ai.
19 Anhte hkaw tsun ai mungga gaw, Karai Kasang gaw Hkristu hta e masha yawng
mayawng hpe shi a jinghku ni tai wa
shangun ai lam hte seng ai mungga
rai nga ai. Karai Kasang gaw masha a
yubak mara ni hpe n matsing da ya ai
hta n ga, shanhte hpe shi a jinghku
ni tai wa hkra gara hku galaw sai
lam tsun gawn dan ai mungga anhte
hpe jaw da mani ai.
20 Dai rai nna anhte gaw Hkristu a lam htinglet ya ai kasa ni tai let, Karai
Kasang shi nan anhte a n-gup aga
hku nna nanhte hpe lajin nga ai. Nanhte
gaw shi hpe hpyen ai ni tai nga ai kaw
nna shi a jinghku ni tai wa mu ngu,
Hkristu a malai anhte hpyi nem
nga ga ai.
21 Hkristu gaw yubak mara n kap ai wa rai nga ai, rai ti mung anhte gaw
Hkristu hte langai sha tai wa nna
Karai Kasang a ding hpring ai hpe
hkam la na matu, Karai Kasang gaw
Hkristu hpe anhte a matu mara anhte
zawn yubak lu ai wa shatai wu ai.