6
1 Nanhte gaw Karai Kasang a chyeju hkam la ai ni rai nga myit dai hte maren dai
chyeju hpe lahpawt lama n di kau myit
ga, anhte Karai Kasang a shingdep
shingtau ni hku nna nanhte hpe hpyi
lajin dat ga ai.
2 Madat mu, Karai Kasang gaw,
?Ngai nanhte hpe chyeju jaw na aten du ai shaloi,
nanhte a hpyi nem ai ga hpe ngai madat ya made ai;
ngai nanhte hpe hkye hkrang la na ninghtoi du ai shaloi,
nanhte hpe ngai karum made ai,? nga nna shi tsun nga ai.
Karai Kasang a chyeju hkam la na ya e pyi mai ang
ai aten rai nga ai; yu mu, ya e pyi
hkye hkrang la ai nhtoi rai nga ai.Ref 6:2: Esa 49:8.
3 Anhte galaw ai amu hte seng nna kadai wa mung shatan nhkan hte mara tam ai
lam n byin shangun mayu ga ai majaw,
anhte gaw kade a lam mung ahtu kataw
shara hpa n byin hkra shakut ga ai.
4 Ru yak jam jau lam ni, tsin-yam tsindam ni, yak hkak lam ni hpe myit galu kaba
hte hkam sharang nna anhte galaw ai lam
shagu hta anhte gaw Karai Kasang a
nchyang mayam ni rai nga ga ai lam she
madun dan ga ai.
5 Anhte gaw anu kayat ai, htawng bang ai, shawa masha ni kabring kabrawng re ai
hkrum ai, bungli galaw ai hta hkring
sa ten n lu nna yup n lu sha ai, lusha
n lu sha ai lam ni hkrum ga ai.Ref 6:5: 2Ko 11:23.
6 Myit masin san seng ai lam, chye chyang ai lam, hkam sharang ai lam, matsan dum
lama ai lam hku nna mung, chyoi pra ai
wenyi a chyeju lam hte n sawt ai tsaw
ra myit hku nna mung,
7 anhte hkaw tsun ai teng man ai mungga hte Karai Kasang a n-gun atsam hku nna mung,
anhte gaw Karai Kasang a shangun nchyang
ni rai nga ga ai lam shadan dan saga ai.
Anhte gaw wenyi lam hte seng ai majan
htim gasat na hte anhte a hkum hpe hkap
makawp maga na matu dai teng man ai lam
hpe anhte a laknak shatai nna lang ga
ai.
8 Anhte gaw shagrau sha-a ai mung, jahpoi asawng ai mung, shakawn kungdawn ai mung
hkrum ga ai. Anhte hpe masu hkalem sha
ai masha ni rai ma ai ngu nna shadu ma
ai, rai ti mung, anhte gaw teng man ai
ga tsun ga ai.
9 Anhte gaw gade e me n dum n chye ai ni zawn rai ga ti mung kajai gumhkawng ai
ni, masha jasi ni zawn rai ga ti mung
ya nanhte mu lu ai hte maren, anhte
ahkrung nga ga ai. Ari hkrum ga ai
rai ti mung, anhte sat kau ai n hkrum
ga ai.
10 Yawn hkyen hkrum ga ai rai ti mung, anhte tut nawng e akabu nga ga ai,
matsan mayan re ai ni zawn rai ga
ti mung, masha law law hpe shalu
jasu saga ai. Hpa n lu ai ni zawn
rai ga ti mung, anhte kaja wa
yawng mayawng hpe madu ai ni rai nga
ga ai.
11 Korinhtu mare na tsaw ra ai jinghku ni e, anhte gaw nanhte hpe hkrang
hkrang sha tsun saga ai; anhte gaw
anhte a myit masin chyinghka ni hpe
dam lada ai hku nanhte a matu hpaw
da saga ai.
12 Nanhte mahtang she anhte a tsaw ra myit hpe nanhte kaw n du hkra pat
da myit dai.
13 Nanhte a myit masin chyinghka ni hpe hpaw malang da nga mu! Ya ngai nanhte
hpe nye a kasha ni hpe zawn tsun shaga
nga nngai. Nanhte mung anhte hpe dai
hte bung ai hku myit ai lam ni madun
htang marit.
14 N kam n sham ai ni hte rau ginrun nna amu bungli hkum jawm gun hpai nga mu,
hpa majaw nga yang, rau ginrun nna
gun hpai na n mai byin ai. Jaw ai hte
shut ai gaw kaning rai nna rau ginrun
nga lu na rai ta? Nhtoi hte nsin gaw
kaning rai nna rau nga lu a ta?
15 Hkristu hte Satan kaning rai myit mang hkrum lu ma ta? Kam sham ai wa langai
mi gaw n kam n sham ai wa langai mi hte
kaning rai shabung nna nga lu na rai ta?
16 Karai Kasang a nawku htingnu gaw gawng-ngu sumla ni hte kaning di nna myit hkrum lu na rai ta? Hpa majaw nga yang,
anhte gaw ahkrung nga ai Karai Kasang
a nawku htingnu ni rai nga ga ai! Karai
Kasang shi nan,
?Ngai gaw nye a amyu masha ni hta nye a nta shatai nna,
shanhte hta shanu nga na nngai;
Ngai shanhte a Karai Kasang tai nga na nngai rai nna,
shanhte gaw nye a amyu masha ni tai na mara ai,? nga nna tsun ai.
Ref 6:16: Zeh 8:8; 1Ko 3:16; Ehp 2:21-22; Heb 3:6.
17 Dai rai nna Madu gaw,
?Nanhte gaw shanhte hpe tawn kau da lu na hte
shanhte kaw na kaga lak nanhte a hkum ni hpe garan jahka kau mu.
Awu asin re ai hpe hpa hkum hkra mu,
shaloi ngai nanhte hpe hkap la na made ai.Ref 6:17: 2Ko 7:1; Esa 52:11; Shr 18:4.
18 Nanhte a Kawa ngai tai na nngai,
rai nna nanhte gaw nye a shadang sha ni hte shayi sha ni tai na
marin dai,
nga nna chyahtum chyalai n-gun atsam rawng ai Madu gaw atsun nga
ai.?Ref 6:18: 2Sa 7:14; 1Hk 17:13;
Esa 43:6; Yer 31:1,9; Shr 21:7.