4
1 Karai Kasang gaw shi a matsan dum ai myit a jaw e, anhte hpe ndai magam gun
hpai na amu ap ya mani ai rai nna,
anhte hta myit daw n-gun yawm ai lam
n nga ai.
2 Anhte gaw makoi magap ip da ai kaya kahpa amu nlang hte hpe rap di
kau sagaw ai; anhte gaw hkalem hkalau
ai hku n galaw ga ai, Karai Kasang a
mungga hpe mung masu magaw gale galau
n tsun ga ai. Anhte gaw Karai Kasang
a man e dai teng man ai lam a nhtoi
hta asak hkrung shamu shamawt nna masha
hkum shagu a htauli htaula myit hte
htap htuk ai hku nga ga ai.
3 Lama wa anhte hkaw tsun dan ai Kabu Gara Shi ga hpe masha ni n chye na ai
rai yang dai wenyi hta sum hkrum ai
masha ni sha n chye na ma ai.
4 Ndai mungkan ga a n hkru n kaja ai karai wa ngu ai Nat Satan wa gaw shanhte a myit
ni hpe ningsin hte ka-up shamak tawn
kau ya manu ai majaw, shanhte n kam
n sham ma ai. Shi gaw dai Karai Kasang
a hkrang bung sumla nan rai nga ai.
Hkristu a hpung shingkang a lam dai
Kabu Gara Shiga kaw na pru ai nhtoi
hpe n mu lu shangun mu ai.
5 Hpa majaw nga yang, anhte gaw, anhte a lam hkaw dan ga ai n rai, Yesu
Hkristu gaw Madu rai nga ai lam,
anhte gaw Yesu a marang e nanhte
a shangun ma ni rai nga ga ai lam
hkaw dan ga ai.
6 Yesu Hkristu a myi man hta htoi tu ai hpung shingkang a lam nanhte chye
chyang u ga, anhte a myit masin hta
nhtoi jahtoi ya ai Karai Kasang gaw,
?Nsin hta na nhtoi htoi na ra ai,? nga
nna tsun ai Karai Kasang shi nan rai
nga ai.Ref 4:6: Nin 1:3; 1Pe 2:9; 2Pe 1:19.
7 Rai ti mung dai chyahtum chyalai re ai n-gun atsam chyawm gaw anhte kaw na
n rai, Karai Kasang kaw na rai nga
ai lam madun dan lu u ga, ndai wenyi
sutgan lu tawn ai anhte gaw, yu maya
ga di bu ni hte sha bung ga ai.
8 Anhte gaw ya sha ya sha ru yak jam jau hkrum ga ai. rai ti mung agrawp
kau hkrum ga ai n rai; kalang lang
ung ang mat ga ai, rai ti mung myit
htum mat ga ai n rai;
9 Anhte hpe hpyen ai ni law law nga ma ai. Rai ti mung jinghku langai
mi pyi n lu mat ai sha galoi n nga
yu ga ai; kalang lang grai machyi
hkrum ga ai, rai ti mung jahten
shaza kau hkrum ga ai n rai.
10 Madu Yesu gaw anhte a hkum hkrang hta asak hkrung shamu shamawt nga
ai lam dan dawng na matu anhte a
si chye ai hkum hkrang ni hta Yesu
hkam sha lai wa sai si hkrung si
htan nni nkri hpe tut nawng e hkam
mana sha nga ga ai.
11 Yesu a sak hkrung ai lam gaw anhte a si chye ai hkum hkrang hta dan
dawng mu lu u ga, anhte gaw anhte
a sak hkrung lam ting hte hta, aten
shagu Yesu a matu si hkam na lam hta
hkawm sa nga ga ai.
12 Ndai gaw anhte hta e si hkrung si htan tara gaw amu galaw nga ai. Rai ti mung
nanhte hta chyawm gaw asak hkrung ai
tara mahtang amu galaw nga ai.
13 Chyum Laika hta, ?Ngai kam sham nngai majaw ngai hkaw tsun nngai,? nga nna
tsun da nga ai hte maren, anhte mung
kam sham ai majaw hkaw tsun ga ai.Ref 4:13:
Shk 116:10; Rom 1:12; 2Pe 1:1.
14 Madu Yesu hpe si ai kaw na hkrung sharawt la ai Karai Kasang gaw anhte
hpe mung Madu Yesu hte rau hkrung
sharawt la na mi ai rai nna, nanhte
hte rau shi a man de woi la na mi
ai hpe anhte chye nga ga ai.
15 Ndai lam ni yawng hte gaw nanhte hta akyu ara byin tai wa na matu rai nga
ai; Karai Kasang a chyeju hpe hkam la
ai masha ni mung grau grau law wa ai
hte maren, Madu a hpung shingkang hpe
chyeju dum shakawn shagrau akyu hpyi
ai lam ni mung grau nna law htam wa na
ra ai.
16 Ndai lam ni a majaw anhte gaw galoi mung myit n hten, n-gun n yawm ga ai. Anhte
a shinggan lam hku myi hte mu lu nga ai
shinggyim hkrang gaw yat yat sha hten
run mat wa nga ai, rai ti mung kata na
wenyi hkrang gaw lani hte lani ningnan
bai galai lajang ai hpe hkam la nga ga
ai.
17 Bai anhte jahkring jahkra hkrum hkra nga ai tsin-yam tsindam kaji kajaw
mahtang gaw anhte hpe ruyak jam jau
hta grau kaba ai hte htani htana re
hpung shingkang hpe hkam la shangun
na ra ai.
18 Anhte gaw myi hte mu lu ai arai ni hpe yu azi majen nga ga ai n re ai
sha, myi hte n mu lu ai arai ni hpe
she yu azi majen nga ga ai. Hpa
majaw nga yang, myi hte mu lu ai
arai gaw jahkring jahkra sha nga
nna, myit hte n mu lu ai arai
mahtang gaw htani htana agrin nga
ai.