3
(Gen 6:5—8:22)
1 Ka dawtle hna, hihi nan sinah ka cakuat a voi hnihnak a si i a voi hnih tein nan i biataknak lungthin kha thawhter òhan awkah
2 a thiangmi profet hna nih an chimchungmi le lamkaltu hna sinin Khamhtu le Bawipa nawlbia kha kan theihter òhan hna.
3 A hmasa bik ah hihi nan hngalh awk a si. Caan hmanung ah cun anmah taksa duhnak zulh in serhsat hmangmi an ra lai i zeirel lo ngaiin.
4 “A rat òhannak an kamhmi hna cu khuazei ah dah a si kun? Kan pupa hna zong an thi cang i vawlei ser hramthawk in atu tiang zeizong vialte an sining in an si ko òung,” an ti lai.
5 Hlanliopi ah Pathian bia in van cu ser a si i ti le ti thawngin vawlei cu ser a si;
6 Cun kha lio vawlei kha ti nih a phum i a hrawh.
7 Cu bia òhiamòhiam cun atu ah a um komi van le vawlei hna i mei i rawh te awk le Pathian hngal lomi hna zong biaceih ni ah hrawh te awkin aa chiah, ti te hna kha zeiah an i relter duh lo.
8 Ka dawtle hna, hi thil hi cu i theihter loin um hlah u: Bawipa caah cun ni khat hi kum thong khat khan a si i kum thong khat cu ni khat khan a si.
9 Bawipa cu mi cheu hna ruah bantukin a biakammi kong ah a khul a nuar lo, nan cungah a lung a sau tu a si i ahohmanh lotlau loin an nun an òhinh nakhnga a hngah hna a si deuh.
10 Sihmanhsehlaw Bawipa ni cu mifir bantukin a ra lai i aw fakpi he van cu a liam lai. Van thil hna cu mei nih a hrawh dih hna lai i vawlei le a chungah a ummi vialte hna cu an kang dih lai.
11 Hi thil vialte hna hi cuti ralter dih an si lai caah cun nannih hi zei bantuk mi nan si awk dah a si lai?
12 Pathian Ni nan hngah i phanhter zokzok nan duh lioah hin mithiang le Pathian òihzahtu nan si awk a si. Cu ni ah cun van khi ral dih in a kang lai i van thil hna zong mei in duah i khangh dih an si lai;
13 Sihmanhsehlaw kannih cu a biakam ningin dinnak a lennak hmun van thar le vawlei thar cu kan hngak.
14 Cu a si caah cun ka dawtle hna, cucu a hngakmi nan si caah cun amah hmuh awkin thiangte le soi awk um lo le i remte i um awkah i zuam ko u.
15 Bawipa lungsaunak hi khamh nan si khawhnak caah ruat u. Kan dawtmi kan unau Paul zong nih khan fimnak pek a sining in
16 a cakuat dang vialte bantukin cu kong cu an kuat ko hna. A òialmi a cheu cu hngalh an har ko, a thiam lomi le a fekfuan lomi hna nih cun Cathiang dang an merh bantukin anmah rawhralnak ah an merh tawn.
17 Cu a si caah cun ka dawtle hna, a hlankan in nan rak hngalh chung caah phung zul lomi hna an palh tawn bantukin nan luan i nan dirhmun a fekmi kha nan tluk sual lo nakhnga i ralring ko u.
18 Kan Bawipa le kan khamhtu Jesuh Khrih hngalhnak le vel tu in òhang deuh u. Amah sinah cun sunparnak cu atu le nuncanghmunh ni tiangin um ko seh. Amen.