JOHAN
Cakuat Pakhatnak
1
(Jhn 1:1-5)
1 Nan sinah kan in thanhmi hna hi a hramthawk tein a rak um i kan theihmi le kan mit nih a hmuhmi, kan zoh i kan kut in kan tawnghmi nunnak bia kong a si.
2 Cu nunnak cu langhter a si, kan hmuh i kan hmuhnak kong cu kan phuan. Pa sin le a Fapa Jesuh Khrih sinah a ummi nuncanghmunhnak cu kan in thanh hna.
3 Nan sinah kan in thanhmi hna cu kan hmuhmi le kan hngalhmi a si, cucu kanmah he kan i hawikomh nakhnga caah a si, zeitintiah kannih zong Pa le a Fapa Jesuh Khrih le tiah aa hawikommi kan si.
4 Kan thanuamnak a tlam a tlin nakhnga hi thil kong hna cu ca in kan in kuat hna.
5 Amah sinin kan theihmi biacah nan sinah kan chim duhmi cu hihi a si. Pathian cu ceunak a si i amah ah cun muihnak a um hrimhrim lo.
6 Amah he kan i hawikom ko ti buin muihnak i kan tlon ko òung ahcun a dikmi kha kan tuah lo a si.
7 Amah cu ceunak a si bantukin ceunak ah a tlongmi kan si ahcun pakhat le pakhat zong kan i hawikomh i a Fapa Jesuh Khrih thi nih cun kan sualnak vialte khan a kan thianter.
8 Sualnak kan ngei lo kan ti ahcun kanmah le kanmah kan i hleng i kan chungah biatak a um lo.
9 Kan sualnak kan i phuan ahcun zumhtlak le a dikmi pa nih cun kan sualnak cu a kan ngaihthiam lai i kan din lonak vialte in a kan thianter lai.
10 Kan sual bal lo kan ti ahcun lih kan chimter a si i a bia cu kan chungah a um lo.