1 Nan lakah cawnpiaktu deu an um bantukin mi hna lakah profet deu zong an chuak lai i a thli tein rawhralnak zumhnak pial an rak phorh lai. A cawtu hna an Bawipa hmanh an al lai i khulrang in anmah le anmah i hrawhnak an tlunter lai. 2 Anmah duh paoh in an tlonnak fihnung cu mi tampi an in zulhter hna lai i cu hna ruangah cun biatak lam cu a thang a chia lai. 3 An hakkauh hlennak bia in an in hlenthawi hna lai, hlanlio pi in anmah hlawtnak rak khiahmi cu theihcia a si i an rawhralnak cu aa hngilh lo.

4 Zeitintiah vanmi hmanh an sual tikah Pathian nih a zuah hna lo i hell tu ah a thlak hna i biaceihnak Ni hngah awkin muihnak thuk bik chungah a hren hna; 5 Pathian a òih lomi hna cungah buanchukcho a tlunter lioah khan dinnak khua autu Noah cu midang pasarih he a khamh ko hna nain hlanlio vawlei kha a zuah lo i 6 Pathian a òih lomi hna caah a ra laimi zohchunh awkah Sodom le Gomorrah khualipi hna cu lo lakin vutcam ah canter dih in a hlawt hna i 7 duh paoh tlong, phungbuar nih fakpi in a lungsi an vanghtermi miding pa Lot cu a luatter ahcun 8 (an lakah ni khat hnu ni khat khua a sami miding pa kha a hmuh i a theihmi an phung buarnak nih khan a dingmi a nunnak cu a tuaitam) 9 Pathian a òihmi hna cu hneksaknak in a luatter i biaceihnak Ni a phanh hlan paoh miding lomi hna cu dantatnak tang i chiah awkin Bawipa nih a hngalh, 10 an hor diriamh duhnak in a nungmi le Pathian nawl ngaihnak zeiah a rel lomi hna chinchin cu dantatnak a hngalh chinchin.

An ral a òha, an i porhlaw i a sunglawimi pa thangchiat hmanh an òih lo. 11 Anmah nakin huham le òhawnnak in a ngan deuhmi vanmi hna hmanh nih an cungah Bawipa sinin thangchiatnak an chim lo. 12 Sihmanhsehlaw mah mi hna hi tlaih i thah ko dingin a chuakmi ruahnak ngei lo saram hrang bantuk an si. An hngalh lomi paoh an serhsat. Hi saram hna hi hrawh an si tikah annih zong hrawh an si ve lai. 13 An palhnak ruangah temhnak an ing lai. Chun i taksa duhnak riamhter kha nuamh bik ah an rel. Soisel awk le ningzah awktlak si buin nan sin i rawl an ei zongah khan an in hlen hnanak ah khan an tha a nuam i 14 sualpi dingmi mit lawng an au i an sual duhnak lung kha a riam kho lo, hakkauh in an khat, chiatserhnak fale an si. 15 Lam ding kha an kaltak i an pial cang; sualnak in miak a duhmi Beor fapa Balaam lam kha an zul; 16 sihmanhsehlaw aa buarsonak ruangah sik a ing; a Balaam profet nih a molhtamh buin tuah aa timhmi kha holh thiam lo a khacer nih minung holh in a kham.

17 Cu hna cu tikhor a kao cangmi le thlichia nih a choih cuahmahmi minmei bantuk an si i an caah a thuk bikmi muihnak hell kha chiahpiak an si. 18 Molhtamh le porhlawtnak bia puampuam an chim i palhnak in a luat kami hna kha thisa diriamhnak in an lemsoi hna. 19 Zalonnak an kamh hna, sihmanhsehlaw anmah lila kha rawhralnak ziaza sal an si; zeitintiah mi cu a kan teitu paoh sal kan si ko. 20 Zeitintiah kan Bawipa le kan khamhtu Jesuh Khrih hngalhnak in hi vawlei thurhnawmhnak a tei cangmi hna kha cu thil i an i hrolhpaih òhan i a tei hna ahcun a hmasa nak khan a hnu deuh umtuning kha a zual chinchin cang. 21 Zeitintiah cu hna caah cun dinnak lam rak hngal ko nain an sinah pek a simi a thiangmi nawlbia in i leet òhan nakcun rak hngal lo lawlaw kha an caah a òha deuh hnga. 22 “Uico nih a luak a ei òhan i kholhmi vok cu nawncek ah aa bual òhan,” timi phungthluk hi mah hna sining ah hin cun ahmaan taktak ko.