NAMBAR
Numbers
Nambar cauk chungah hin harnak an ton tikah an hnabei a dong lengmang ve tawn i Pathian le Pathian nih a thimmi Moses bia a ngai duh tawn lomi hna kong kha kan hmuh. Asinain Pathian tu cu, a mi hna kha cu bantukin zumhawktlak lo le nawl ngai loin um tawn hna hmanh seh law zumhawktlak a si zungzal i an zawn a ruattu a si zungzal ti kha a lang. Cun Moses zong kha voi khat voi hnih cu thin tawi in um tawn hmanh seh law Pathian a òanhnak le a miphun a dawt hnanak ah khan cun a fek zungzalmi a si.
1
Sinai Ah Israel Mi An Rel Hna
1 Bawipa nih Moses cu Sinai ramlak ah, tonnak thlam chungah cun, Izipt ram in an chuah hnu kum hnihnak kum thla hnihnak thla ni khatnak ni ah cun, a chawnh i hitin a ti: Ref 1.1-46: Nam 26.1-51
2 “Israel mibu vialte hna cu an milu rel tuah hna, a chungchung in, a phunphun in, an min zat ningin, pa paohpaoh, pakhat hnu pakhat;
3 kum kul ri in a cunglei, Israel mi chung i phawnam tlai kho vialte, a phu a phu in Aaron le nangmah nih nan rel hna lai.
4 Cun nan sinah phun khat chungin mi pakhat cio an um lai i cu hna cu an chung lak i a lu cio an si lai.
5 Mah hna hi nanmah an umpitu hna ding an min cu a si.
Reuben phun chungin, Shedeur fapa Elizur;
6 Simeon phun chungin, Zurishaddai fapa Shelumiel;
7 Judah phun chungin Amminadab fapa Nahshon;
8 Issakhar phun chungin, Zuar fapa Nethanel;
9 Zebulun phun chungin, Helon fapa Eliab;
10 Josef fapa hna chungin, Efraim chungin Ammihud fapa Elishama, cun Manasseh chungin Pedahzur fapa Gamaliel;
11 Benjamin phun chungin Gideoni fapa Abidan;
12 Dan phun chungin, Ammishaddai fapa Ahiezer:
13 Asher phun chungin Okhran fapa Pagiel;
14 Gad phun chungin, Deuel fapa Eliasaf;
15 Naftali phun chungin Enan fapa Ahira.”
16 Mah hna hi mibu chungin thimmi, an thawhkehnak phun hruaitu hna, Israel mi chung i miphun hna an lu cu an si.
17 Moses le Aaron nih minthlak a simi hna hi an lak hna i
18 Bawipa nih Moses cu nawl a pek bangin, thla hnihnak thla ni khatnak ni ah cun, a chungchung in, a phunphun in, kum kul ri in a cunglei an min zat ningin, pakhat hnu pakhat in, min aa thlami hna cu, Israel mibu cu a ning piin an pumh hna.
19 Cu bangin Sinai ramlak ah a rel hna.
20 Israel fapa upa bik Reuben mi hna cu, an tefa hna, an chungchung in, an phunphun in, an min zat ningin, pakhat hnu pakhat in, kum kul ri in a cunglei pa paohpaoh, phawnam tlai kho vialte:
21 Reuben phun mi cu 46-500 an si.
22 Simeon mi hna cu, an tefa hna, an chungchung in, an phunphun in, min thlakmi hna cu, an min zat ningin, pakhat hnu pakhat in, kum kul ri in a cunglei pa paohpaoh, phawnam tlai kho vialte:
23 Simeon phun mi cu 59-300 an si.
24 Gad mi hna cu, an tefa hna, an chungchung in an phunphun in, an min zat ningin, kum kul ri in a cunglei paohpaoh, phawnam tlai kho vialte:
25 Gad phun mi cu 45-650 an si.
26 Judah mi hna cu, an tefa hna, an chungchung in, an phunphun in, an min zat ningin, kum kul ri in a cunglei paohpaoh, phawnam tlai kho vialte:
27 Judah phun mi cu 74-600 an si.
28 Issakhar mi hna cu, an tefa hna, an chungchung in, an phunphun in, an min zat ningin, kum kul ri in a cunglei paohpaoh, phawnam tlai kho vialte:
29 Issakhar phun mi cu 54-400 an si.
30 Zebulun mi hna cu, an tefa hna, an chungchung in, an phunphun in, an min zat ning in, kum kul ri in a cunglei paohpaoh, phawnam tlai kho vialte:
31 Zebulun phun mi cu 57-400 an si.
32 Josef mi hna chungin Efraim mi hna cu, an tefa hna, an chungchung in, an phunphun in, an min zat ningin, kum kul ri in a cunglei paohpaoh, phawnam tlai kho vialte:
33 Efraim phun mi cu 40-500 an si.
34 Manasseh mi hna cu, an tefa hna, an chungchung in, an phunphun in, an min zat ningin, kum kul ri in a cunglei paohpaoh, phawnam tlai kho vialte:
35 Manasseh phun mi cu 32-200 an si.
36 Benjamin mi hna cu, an tefa hna, an chungchung in, an phunphun in, an min zat ningin, kum kul ri in a cunglei paohpaoh, phawnam tlai kho vialte:
37 Benjamin phun mi cu 35-400 an si.
38 Dan mi hna cu, an tefa hna, an chungchung in, an phunphun in, an min zat ning in, kum kul ri in a cunglei paohpaoh, phawnam tlai kho vialte:
39 Dan phun mi cu 62-700 an si.
40 Asher mi hna cu, an tefa hna, an chungchung in, an phunphun in, an min zat ningin, kum kul ri in a cunglei paohpaoh, phawnam tlai kho vialte:
41 Asher phun mi cu 41-500 an si.
42 Naftali mi hna cu, an tefa hna, an chungchung in, an phunphun in, an min zat ningin, kum kul ri in a cunglei paohpaoh, phawnam tlai kho vialte:
43 Naftali phun mi cu 53-400 an si.
44 Mah hna hi relmi cu an si, Moses le Aaron nih Israel mi hruitu hleihnih, anmah le an phun cio airawl hna he i bawmh in an relmi hna cu.
45 Cucaah Israel mi cu an ning piin, an phunphun in, kum kul ri in a cunglei paohpaoh, phawnam tlai kho vialte: §
46 an ning piin 603-550 an si.
Levi Mi Rian Peknak
47 Sihmanhsehlaw Levi mi hna cu an chuahkehnak phun in annih sinah relchih an si lo.
48 Zeicahtiah, Bawipa nih Moses sinah,
49 “Levi phun lawnglawng hi na rel hna lai lo i annih cu Israel mi hna lakah min relnak na tuah hna lai lo;
50 sihmanhsehlaw Levi mi cu hngalhternak puan biakinn le a thilthuam vialte le a chung i a ummi thil vialte zohkhenhtu ah na chiah hna lai; annih nih puan biakinn le a thilthuam vialte an put awk le an zohkhenh awk a si lai i puan biakinn velchum ah cun riah hmun an khuar lai.
51 Puan biakinn cu kalpi awk a si tikah Levi mi nih an òheh lai i puan biakinn cu bunh awk a si tikah Levi mi nih an bunh lai; midang ahohmanh nih a ra naih ahcun, amah cu thah a si lai.
52 Israel mi hna nih an thlam cu an bu ning cio ah an bunh hna lai, mi kip nih mah le bu cio ah, cun mah le hmelchunhnak cio ah;
53 sihmanhsehlaw Levi mi hna cu hngalhternak puan biakinn velchum ah riahhmun an khuar lai, Israel mi an bu cungah thinhunnak a um nakhnga lo; cun Levi mi nih hngalhternak puan biakinn cu an zohkhenh lai,” a ti.
54 Cu bangin Israel mi nih an tuah; Bawipa nih Moses nawl a pekmi dihlak bang khan an tuah.