27
Pathian Sinah Pekchanhnak Phunglam Hna
1 Bawipa nih Moses cu a chawnh i,
2 “Israel mi cu hi bangin va chim hna. Mipa pakhatkhat cu a hleikhun in Bawipa sinah tuahmi biakamnak ruangah Bawipa sinah pek a si ahcun,
3 na tuakning man in cu pa cu luatter a si lai: kum 20 in 60 tiangah ngun shekel 50, biakinn shekel in thlaimi a si lai.
4 Cun mi cu nu a si ahcun a man i na tuakmi cu shekel 30 a si lai.
5 Cun kum nga in kum kul tiangah pa a si ahcun a man na tuakmi cu shekel 20 a si lai i nu a si ahcun shekel 10 a si lai.
6 Cun thla khat in kum nga tiangah, a man na tuakning cu pa caah ngun shekel 5, cun a man na tuakning cu nu caah shekel 3 a si lai.
7 Cun kum 60 in a cunglei a si ahcun, a man na tuakning cu pa caah shekel 15 a si lai i nu caah shekel 10 a si lai.
8 Cun a man na tuakmi cu pakhatkhat nih a si a fah tuk caah a pek khawh lo ahcun, a minung cu tlangbawi hmaiah a chuahpi lai i tlangbawi nih cun a man cu a tuak lai; biakamnak a sertu nih a ti khawhning khan in tlangbawi nih a man cu a tuak lai.
9 “Cu bantuk pekchanhnak caah Bawipa sin i mi nih an pekchanhmi cu saram a si ahcun, mi zeihmanh nih Bawipa sinah an pekmi cu a thiangmi a si.
10 Zeihmanh a airawl ah a hmang lai lo, a thlen zong a thleng lai lo, a òha cu a chia ah, a chia cu a òha ah an thleng lai lo; cun saram cu saram in a thlen ahcun, a thlennak le a thlenmi cu an pahnih in a thiangmi thil ah an cang lai.
11 Cun a thiang lomi saram, Bawipa sinah thawinak ca i pekchanh tawn lomi a si ahcun, mipa nih cun saram cu tlangbawi hmaiah a rak put lai i
12 tlangbawi nih a òha ah maw a chia ah dik a rak tuak lai; tlangbawi nih a tuakning in, cu bang cun a si lai.
13 Sihmanhsehlaw tlanh a duh ahcun a man tuakmi cungah cheu nga cheu khat a chap lai.
14 “Mi pakhatkhat nih a inn cu Bawipa ca i thianh awkah a pekchanh ahcun, tlangbawi nih a òha ah maw a chia ah dik a tuak lai; tlangbawi nih a tuakning in, cu bang cun a si lai.
15 Cun a pechantu nih a inn cu tlanh a duh ahcun, a man tuakmi cungah tangka in cheu nga cheu khat a chonh lai i amah ta a si lai.
16 “Mi pakhatkhat nih roconak in amah ta a simi ram a cheubang cu Bawipa sinah a pekchanh ahcun, a man na tuakning cu a chung i thlaici tuhmi zat ning in a si lai; barli c barli § changvut bantuk rawl phun khat a si; homerd homer § nuphor hra tluk pakhat tuhnak cu ngun shekel 50 ah tuak a si lai.
17 Jubili kum in a pekchanhnak cu a si ahcun, nangmah nih a man na tuakning bantuk cun a hmun lai;
18 sihmanhsehlaw a lo cu jubili hnuah pekchanh a si ahcun, tangka in a man cu, jubili kum òhan hlantiang a tangmi kum zat ning in tlangbawi nih a tuak lai i nangmah nih a man na tuakmi chungin òhumhnak a um te lai.
19 Cun a pechantu nih a lo cu tlanh a duh ahcun, a man tuakmi cheu nga cheu khat cu tangka in a man ah cun a chonh lai i amah ta in a hmun lai.
20 Sihmanhsehlaw lo cu tlanh a duh lo ah siseh, lo cu midang sin i a zuar cang ah siseh, tlanh a si ti lai lo;
21 sihmanhsehlaw mah lo cu jubili i luatter a si tikah Bawipa caah a thiangmi ah, ulh-amh awk i sermi lo bantuk ah a cang lai; tlangbawi ta ah a si lai.
22 Roconak in a comi si loin a cawk in a cawkmi lo kha Bawipa sinah a pekchanh ahcun,
23 tlangbawi nih a man cu jubili kum tiangah zeizat dah a si ti kha a tuak lai i a tuakmi zat ning cun cu pa nih cun Bawipa ca i a thiangmi thil ah, cu ni ah cun a pek lai.
24 Jubili kum ah cun a cawknak pa, roconak in a rak cotupa sinah khan, lo cu a kir òhan lai.
25 Man tuaknak paohpaoh cu biaknak inn shekel ning in a si lai: shekel pakhat ah gerah pakul a si lai.
26 “Sihmanhsehlaw later fa paohpaoh cu, Bawipa ta an si caah, ahohmanh nih an pekchanh awk a si lo; cawtum siseh, tuu siseh, Bawipa ta a si.
27 Cun a thiang lomi saram a si ahcun, nangmah nih a man na tuak ning in a cawk òhan lai i cheu nga cheu khat a chap lai; a tlanh lo ahcun a man tuakning ah zuar a si lai.
28 “Sihmanhsehlaw ulh-amhmi thil, Bawipa sinah mi pakhatkhat nih a pekchanhmi paohpaoh cu, a ngeihmi chungin zeihmanh siseh, minung a si ah, saram a si ah, ro i a comi a lo a si ah, zuarh awk zong a si lai lo i tlanh awk zong a si lai lo; ulh-amhmi thil paohpaoh cu Bawipa caah a thiang bik a si. Ref 27.28: Nam 18.14
29 Ulh amhmi minung cu ahohmanh a si ah, mi sinin hrawh cikcek hngami paohpaoh cu tlanh a si lai lo; thah a si ko lai.
30 “Ram chung thil, cheuhra cheukhat vialte cu, ram chung i thlakmi thlaici a si ah, thingkung hna theitlai a si ah, Bawipa ta a si; Bawipa ca i a thiangmi a si. Ref 27.30-33: Nam 18.21; Deu 14.22-29
31 Ahohmanh nih a cheuhra cheukhat azeihmanh kha tlanh a duh ahcun cheu nga cheu khat a bet lai.
32 Cun tuurun chungin siseh, cawrun chungin siseh, cheuhra cheukhat paohpaoh cu, saòil khaltu òhiangòhunh toi i a lanmi saòil a pahranak paohpaoh cu, Bawipa ca i a thiangmi an si lai.
33 Ahohmanh nih a òhat a chiat kha a dothlat lai lo; a thlen zong a thleng lai lo; a thlen a si ahcun a thlennak le a thlenmi kha an pahnih in a thiangmi ah an cang lai; tlanh khawh a si lai lo,” tiah a ti.
34 Mah hihi Sinai Tlang ah Bawipa nih Israel mi hna caah Moses a pekmi nawlbia cu an si.