2
Nineveh Cu A Ral Nih An Tei
1 Na kulhnak ralhau i ralvennak
hrawhnak ding caah
ralhau chimhnak kha chiahhnawh
na si cang,
Na ralhau kha veng hna.
Lam kha hei zoh law tuk awk i tim.
Na thazang dihlak in chuah.
2 ( Bawipa nih Jakob sunparnak le
Israel rumra cu a pek òhan lio a si;
ramhtu nih khan an rak ramh hna i
an nge kha an rak phet dih ko nain).
3 An ralkap hna phaw cu a sen in
an sen,
An ralkap hna cu a sen lawng tein
an i thuam;
An rangleng hna cu artlang in
an chiah hna tikah meizik
bantuk an si.
4 Raltuknak rang hna nih cun
a bubu in khualipi cu
an hun nam lulhmalh;
Khua pawngri ah cun pakhat le
pakhat kha an i eng,
Meifar tom lekmi bantuk khi an si;
5 An hruitu hna nih khan
an ralòhatnak kha an langhter,
Nimtlau bantukin a kenkip ah
a choi in an choi;
Khulrang in vampang ah khan
an hei tli i
raltuknak phaw kha
an va chon hna.
6 Tiva luannak phihnak kha
an phongh hna i
siangpahrang inn cu a tlu.
7 Siangpahrangnu kha an tlaih i
A sal ngaknu hna cu an kalpi hna i
òhuro bangin hram lengmang in
an òang kha an i cum;
8 Cun Nineveh cu tidil bantuk ah
a cang,
A velchum i a ummi ti a zor
lengmangmi bantuk kha
a si cang.
“Dir tuah, dir tuah,” tiah an au,
sihmanhsehlaw pakhat hmanh
9 Hranchaw cu an lak hna,
ngun le sui hranchaw hna cu;
Thil an rak khonmi cu dongh
a thiam lo,
minung nih an duhmi thil
man fak bikbik nih a phak lomi
rothil an si.
10 An ramh hna, an rok hna,
an hlih cikcek hna!
An ralòhatnak cu ti bantuk ah
a cang i an khuk cu a ther dih,
An kutke cu a tom dih hna i
an hmai cu a daang dih.
11 Khuazei ah dah atu cu
chiandeih kua kha a um?
Chiandeih fa an bawhnak
lungkua kha khuazei ah dah
a um?
Chiandeih a pa le a pi le an fale rual,
òihnak zeihmanh ngei loin an i
chawh thluaimai tawnnak
hmun kha khuazei ah dah a um?
12 Kha chiandeih nih khan
a fale caah khan sa cu a seh i
Chiandeih pi caah khan sa cu
a thleh a bauh i
A kua cu hranchaw le a sehmi
13 Nangmah cu kaan ralchanh, tiah
Bawipa nih a ti.
Naa porhlawtnak cu meikhu bangin
dih lakin ka chuahter lai i
Vainam nih na fale cu a thah hna lai.
Vawlei cungah hin sa seh awk
kan nganhpiak ti lai lo i
Na rawl ei thawng cu theih
a si ti lai lo.