3
Hrial Khawh Lomi Rawknak
1 Aa! thisen aa nehmi khuapi, hlennak
in aa ciahmi, ramhnak in a khat i
sa sehmi cialo in a ngei zungzalmi!
2 Rang tuknak fung thawng cu
ngai hmanh,
Rangleng kekual an i mer thawng le
rangtum an ke khawn thawng cu
ngai hna hmanh.
3 Rangleng hna cu an choi cutmat,
rangcung ralkap hna nih cun
an hun nam cutmat,
An vainam cu a tleu in an tleu,
an fei cu a cer in an cer!
Mithi cu rel cawk an si lo,
an ruak cu a pon in aa pong;
a rel in rel cawk an si lo,
mi nih ruak cu
i pah lulhmalh an si ko.
4 Mah vialte hi hlawhhlangnu
hlawhhlannak ruangah a si,
aa dawh i eih a thiammi
bawinu ruangah a si,
Miphun hna le mi hna kha
a hlawhhlannak le a eihthiamnak
in a hlen dih hna.
5 Nangmah cu kaan ralchanh, tiah
Ralkapbu Bawipa nih a ti,
Na hni cu na hmai tiangin
kan hlim lai i
Na pumlawng cu miphun kip kha
ka hmuhter hna lai i
na ningzahnak cu pennak kip sinah
ka phozar lai.
6 Nangmah cu fihnung hmunthur in
kan khuh lai i na ning kan zahter
lai i ek bantuk ah kan rel lai.
7 Khi tikah nangmah cu aan hmutu
vialte nih an in hrial lai i,
“Nineveh cu a rawk cang, aho nih
dah a hnemh ti lai,” an ti lai.
Nangmah hnemtu ah ahodah
ka hmuh khawh hna lai?
8 No-amon khua nakin
na òha deuh lai maw?
No-amon khua cu Nail tiva i
a vate hna pawngah a um i
ti nih a kulhmi a si;
A ralhau cu Nail tiva kha a si i
a vampang cu ti kha a si.
9 Kush le Izipt kha a thazang an si i
a thazang cu dongh a hngal lo,
Put le Libia nih bawmhnak kha
an pek.
10 No-amon zong cu ral ah a tang i
sal cannak chungah an kalpi;
Lam òe ka kip ah khan
a fano tete hna cu an den dih hna i
a bawi hna cu camcawhfung
zuh in an i òhen hna i
a mingan vialte hna cu cikcin in
an khih hna.
11 Nangmah Nineveh zong
an in kulh ve lai i an in tei lai;
Na ral hna kut chungin himnak ding
kha na nawl a herh ve lai.
12 Na ralhau hna cu a hminmi
theipi bantuk an si ko,
Hninh an si tikah a eitu hna
kaa chungah khan an tla.
13 Nan lak i a ummi ralkap hna cu
nu bu men a si;
Nan ram kutka hna cu nan ral hna
hmaiah an i hung ko i
An hrenhnak thingthluan hna kha
mei nih a kangh dih hna.
14 Ral nih an in hren hna lai caah
ti i than ong u,
Nan ralhau cu fehter hna u;
Tlak kha nawng u law thung kha
lamh chih u, tlakrawh kha
remh hna u.
15 Khi ti nan tuah hmanh ah mei nih
an kangh òhiamòhiam hna lai i
vainam nih an sam òhiam hna lai.
Khaubok tluk tam ah i ser tuah u,
buòit tluk tam ah i ser tuah u,
16 An thla a samh i a zuangmi buòit
khaubok bu ah cun i ser tuah u.
17 Van i arfi zat in
nan mingiatu hna cu an tam;
a thli tein nan i chiahmi hna cu
khaubok zat an si,
Nan ralbawi hna cu, khua kih ni i
vampang i aa dormi
khaubok zat an si;
Sihmanhsehlaw ni a hung
chuah tikah an zuang i
khuazei ah dah an loh kha
ahohmanh nih an hngal lo.
18 Maw Assiria siangpahrang,
na tuukhal hna cu an i hngilh,
Na saòil run cawngtu hna cu an it,
Na ralkap hna cu tlang kip ah
an i òhek dih i
ahohmanh nih an pum hna lo.
19 Na hma cu damh khawh an si lo,
naa hliamnak cu thih phu a si;
Nangmah na sicannak thawng a rak
theimi vialte nih lunglawmhnak in
an kut an bengh.
A dongh in a dong lomi
na puarhrannak nih,
a tongh lomi aho tal
an um maw?