10
(Mar 3:13-19; Luk 6:12-16)
1 A hnuzul hleihnih a auh hna i thlarau thurhnawm òhawl khawhnak le zawtnak le fahnak damter khawhnak nawl a pek hna.
2 Lamkaltu hleihnih hna min cu:
3 A hmasa bik ah Simon timi Peter le a nau Andru, Zebedi fapa Jeim le a nau Johan,
4 Filip le a nau Bartholomew; Thomas le ngunkhuai khawltu Matthai; Alfeas fapa Jeim le Thaddaius; Kanan mi Simon le Jesuh rawitu Judas Iskariot an si.
Lamkaltu Hleihnih Thlahnak
(Mar 6.6b-13; Luk 9.1-6)
5 Jesuh nih hi a hnuzul hleihnih hna hi a thlah hna i bia a cahmi hna cu, “Jentail mi kha va pal hna hlah u; Samaria mi umnak khua zong va tlawng hna hlah u.
6 Israel tuu tlau hna sin tu ah khan va kal u;
7 nan tlawnnak paoh ah ‘Vancung pennak a phan deng cang’ tiah va chim u.
8 Mizaw va damter hna u law mithi kha va nunter òhan hna u. Mithinghmui kha va thianter hna u law khuachia kha va chuah hna u. A lak in nan hmuh i a lak in pe ve hna u.
9 Nan zal ah sui siseh, ngun siseh, dar tangka siseh i ken hlah u;
10 Khualtlawnnak ah zal siseh, angki khethuan siseh, kedan siseh, òhiangòhunh siseh i phorh fawn hlah u. A òuantu cu ei ding a hmuh awk a si ko.
11 Khuapi he khuate he nan phanhnak paoh ah tluninn an onhmi hna kha va kawl u law nan kal hlan paoh cu cu pa sinah cun va um ko u.
12 Inn pakhat khat i nan luh tikah an kut va tlai hna u.
13 Lunglawm thanuam tein an in cohlan hna ahcun nan daihnak cu an cungah tlung ko seh, cuti a si lo ahcun nan sinah kir òhan seh.
14 Ahopaoh nih tluninn an in onh hna lo i nan bia zong an ngaih duh lo ahcun, cu inn chungin maw, cu khua cun maw, nan chuah tikah nan ke i leidip kha va khawng ta u.
15 Biangaite kan chimh hna, biaceih ni ah cun cu hna khua temhin ding nakcun Sodom le Gomorrah temhinnak kha a zia deuh lai.
(Mar 13:9-13; Luk 21:12-17)
16 “Ngai hmanh u, cenghngia rual lak i tuu thlahmi bangin kan thlah hna. Cucaah rul bangin fim u law òhuro bangin nan nun va nem u.
17 Va ralring ko u; zeitintiah an in tlaih hna lai i zung ah an in chuahpi hna lai; pumhnak inn ah an in tuk hna lai.
18 Keimah ruangah uktu bawi le siangpahrang hna hmaiah an in hnuh hna lai; cucu annih le Jentail mi hna nih ka thawngòha an theih khawh nakhnga caah a si.
19 Cuti an in chuahpi hna tikah cun zeidah ka chim lai i zeitindah ka chim lai tiah nan lung re va thei hlah u, nan chim hngami cu a caan a phak tikah hngalhter nan si ko lai.
20 Zeitintiah a chimtu ding cu nanmah nan si lai lo, nan chungah a ummi nan Pa Thlarau a si lai.
21 Cun u le nau an i that lai i a pa zong nih a fa kha a thahter lai. Fale zong nih an nu le an pa kha an ralchanh hna lai i an thahter hna lai;
22 Keimah min ruangah mi zapi nih an in huat hna lai, sihmanhsehlaw a dongh tiangin a ing khomi cu khamh an si lai.
23 Khua khat ah an in hrem hna ahcun khua dang ah va zam u. Biatakte kan chimh hna, Mi Fapa a rat hlanah Israel khua dihlak nan tlawng manh lai lo.
24 A cawng liomi cu cawnpiaktu cungah a um bal lo; sal zong a bawi cungah a um bal lo.
25 A cawng liomi cu cawnpiaktu bantuk a si ahcun a za i a sal zong a bawipa bantuk a si ahcun a za ko. Inn ngeitu hmanh Beelzebul an ti ahcun a inn chungkhar hna chinchin cu zeitluk min chia in dah an auh hna hnga.
(Luk 12:2-7)
26 “Cucaah cu hna cu va òih hna hlah u; lang loin khuh khawhmi zeihmanh a um lo i, hngalh loin thuh khawhmi zong zeihmanh a um fawn lo.
27 Mui lak i kan chimhmi hna hi ceu ah va chim chin u. A thli i nan hngalhmi hi inn cungin va aupi u.
28 Pum a that kho i thlarau a that kho lomi cu va òih hlah u. Hell chungah pum he thlarau he a that khotu khi va òih deuh u.
29 Pithlung pahnih cu phaisa sen pakhat ah an zuar tawn lo maw? Asinain khi pithlung pakhat hmanh khi nan Pa nawl loin vawlei ah a tla lo.
30 Nan lu cung samfa hmanh kha a rel dih hna. Cucaah òih hlah u;
31 pithlung tampi nakin nan sung deuh,” tiah a ti.
(Luk 12:8-9)
32 “Cucaah mi hmai i a ka òanhtu paoh cu kei zong nih vancung ka Pa hmaiah ka òanh ve lai.
33 Sihmanhsehlaw mi hmaiah a ka hlawmi paoh cu vancung ka Pa hmai zongah ka hlawt ve lai.
34 “Vawlei ah remnak a rak phorh tiah ka ruat hlah u, remnak si loin vainam tu ka rak phorh.
35 Ka ratnak chan cu fapa nih a pa, fanu nih a nu le mo nih a ni kha ralchanhter awkah a si.
36 Nan ral cu nanmah innchungkhar mi lila an si lai.
37 A nu maw a pa maw keimah nakin a daw deuhmi cu ka mi si awk a tlak lo; a fanu maw a fapa maw keimah nakin a daw deuhmi cu ka mi si awk a tlak lo.
38 Mah vailam put in a ka zul lomi cu ka mi si awk a tlak lo.
39 Mah nunnak a humhak mi cu a nunnak a sung lai i keimah ruangah a nunnak a sungmi nih cun a nunnak a hmuh lai.
(Mar 9:41)
40 “An cohlangtu hna paoh cu keimah a ka cohlangtu an si ve.
41 Keimah a ka cohlangtu paoh cu a ka thlahtu kha a cohlan a si; profet cu profet a si ruangah a cohlangtu hna nih profet lawmhman laksawng an hmuh lai; miding cu miding a si ruangah a cohlangtu paoh cu miding lawmhman laksawng an hmuh lai.
42 A ka zultu a si ruangah nauta bik te hmanh kha tikik hrai khat a suahtu paoh cu a hmuh hngami lawmhman laksawng cu a sung bal lai lo,” a ti.