11
1 Jesuh nih a hnuzul hleihnih kha bia a chimh dih hna hnu cun aa thawh i cuka hrawng khua hna ah cun cawnpiak awk le phung chim dingin a kal.
(Luk 7:18-35)
2 Johan nih Khrih rianòuannak kong cu thong chungin a rak theih tikah a zultu a hei thlah hna i,
3 “A ra hngami cu na si maw, midang dah kan hngah rih lai?” tiah a halter hna.
4 Jesuh nih a thawh hna i, “Va kal u law Johan cu nan hmuhmi le nan theihmi hi va chim u.
5 Mitcaw khua an hmu, kebei an kal i thinghmui an thiang, hnachet khua an thei, mithi an tho òhan i misifak sinah thawngòha chim a si cang.
6 Ka cungah lung òaiòelhnak a ngei lomi cu mithluachuak an si,” a ti hna.
(Luk 7:24-35)
7 An kal hnuah Johan kong kha mi zapi sinah a chim. “Thetse ram ah khan zei hmuh duh ah dah nan va kal, thli nih a hninhmi phaikung zoh duh ah maw?
8 Zei ah dah nan kal? Thilpuan nem dawhdawh in aa thuammi hna zoh ah maw? Thilpual nem aa aihmi hna cu siangpahrang inn ah dahkaw an um.
9 Zei ah dah nan kal kun? Profet zoh ah maw? A si, biangaite ka chim, hihi profet nakin dahkaw a ngan deuh.
10 Amah kong ah hitihin an rak òial: ‘Ngai hmanh, ka lamkaltu na hmaiah ka fial, na hmaiah na lam a sial lai,’ a ti.
11 Biatakte ka chim, nu hrin lakah cun Johan tluk ngan hi an chuak rih lo, sihmanhsehlaw vancung pennak chung i a hme bik hmanh kha anih nakcun a ngan deuh.
12 Baptisma petu Johan a rat thawk in atu tiang, vancung pennak cu fak piin a tem i tonghmanglo in a nungmi hna nih zei ruat loin derh an timh.
13 Johan phanh tiang phung le profet hna nih an chim chungmi kha a si;
14 nan cohlan duh ahcun a ra hngami Elijah cu amah hi a si.
15 Theihnak hna a ngeimi nih cun thei ko u.
16 Asinain atu chan mi hna hi zei he dah ka tahchunh hna hnga? Chawdawr tlang ah ngakchia an òhu i an hawile sinah,
17 ‘Thanglawi kan in tumh hna i nan lam lo,
kan òaphram nain nan ngaih a chia fawn lo,’
an ti hna bantuk kha a si.
18 Johan cu a ra i a ei a ding lo, ‘Khuachia aa hrolh,’ an ti.
19 Mi Fapa a ra, a ei a ding ve i, ‘Zohhmanh u, mi orkhu le mizuram, ngunkhuai khawltu le misual hna hawikom a si khi,’ an ti. Asinain fimnak cu a tuahsernak nih thiam a coh ko,” tiah a ti.
(Luk 10:13-15)
20 An nun an òhinh duh lo caah khuaruahhar tam bik a tuahnak khua hna cu a mawhchiat hna.
21 “Khorazin, bialo na si; Bethsaida, nang zong bialo na si; nan sin i khuaruahharnak tuahmi vialte kha Tair le Sidon ah tuah rak si seh law buri khuh le vutcam phulh in an nun an òhinh cang hnga.
22 Cucaah kan chimh hna, biaceih ni ah cun nan temhinmi nakin Tair le Sidon temhinmi cu a zia deuh lai.
23 Nang zong Kapernaum,
van ah maw naa hlerh?
Mithi khua ah hlonh na si te lai.
Na chung i khuaruahharnak tuahmi hna kha Sodom ah tuah rak si seh law atu tiang hin a hmun ko rih hnga.
24 Sihmanhsehlaw kan chimh, biaceih ni ah cun na temhinmi nakcun Sodom temhinmi cu a zia deuh lai,” tiah a ti.
(Luk 10:21-22)
25 Cu caan ah cun Jesuh nih, “Maw ka Pa, lei le van Bawipa, mifim hna le mithiam hna sinin na thuhmi kha a thiam lomi hna sinah na phuan caah kan thangòhat.
26 A si, ka Pa, cucu a sunglawimi na duhnak a si.
27 Ka Pa nih zeizong vialte hi a ka kenter dih cang; Pa ti lo nih cun Fapa hi ahohmanh nih an hngal lo; Pa zong cu Fapa le an sin i phuan awkah Fapa nih a thimmi hna dah ti lo nih cun an hngal ve lo.
28 Retheimi le thilritmi vialte hna ka sinah ra u law nan i din lai.
29 Ka seihnam i bei u law ka nun hi cawng tuah u; kei cu nunnem le toidormi ka si caah nan nun duh a dim lai.
30 Zeicahtiah ka seihnam cu bei a nuam i ka thil cu a zang,” a ti.