9
1 Jesuh cu lawng chungah a lut i khatlei ral ah a kal i amah khua cu a va phan.
(Mar 2:1-12; Luk 5:17-26)
2 Mizeng pakhat a ihphah he an run zawnh. An zumhning kha a hmuh tikah mizengpa sinah cun, “Ka fa, na lung dong hlah, na sualnak cu ngaihthiam a si cang,” tiah a ti.
3 Phung cawnpiaktu hna cu anmah le anmah an i ceih i, “Hi pa hi Pathian serhsat in bia a chim,” an ti.
4 Jesuh nih an ruahnak kha a hngalh hna i, “Zeicahdah thil òha lo ah nan ruah?
5 ‘Na sual ngaihthiam a si,’ ti maw a fawi deuh, ‘Tho law kal,’ ti dah a fawi deuh?
6 Vawlei ah hin Mi Fapa nih sual ngaihthiamnak nawl a ngei ti nan hngalh khawh naklai,”—a ti i mizeng pa cu, “Tho, na ihphah kha i lak law va òin,” tiah a ti.
7 A tho i a òin.
8 Cucu zapi nih an hmuh tikah an khuaruah a har; an òih i minung sin i cu bantuk nawlngeihnak a petu Pathian kha an thangòhat.
(Mar 2:13-17; Luk 5:27-32)
9 Cuka cun Jesuh cu a chuak i a kalpah ah ngunkhuai khawlhnak zung i a òhu komi Matthai kha a hmuh i, “Rak ka zul,” tiah a ti. Matthai nih cun a tho i a zulh.
10 Jesuh le a hnuzul hna cu inn i rawl an ei òi lioah ngunkhuai khawltu le misual tampi an ra i rawl an rak dumpi hna.
11 Farasi hna nih cucu an hmuh tikah a hnuzul hna sinah, “Zeitindah nan cawnpiaktu hi misual hna le ngunkhuai khawltu hna he hin rawl an ei òi,” tiah an hal hna.
12 Jesuh nih a theih i, “A dammi nih sibawi an herh lo, a zawmi lawng nih an herh.
13 ‘Thawinak nakcun zaangfahnak ka duh deuh,’ timi sullam hi va ruat tuah u. Miding mi hna auh awkah ka ra lo, misual mi hna auh awk tu ah ka ra,” tiah a ti.
(Mar 2:18-22; Luk 5:33-39)
14 Johan zultu hna kha a sinah an ra i, “Zeicahdah kannih le Farasi hna nih hin rawl kan ulh i na hnuzul hna nih hin an ulh ve lo?” tiah an hal.
15 Jesuh nih cun, “Òhitumnak puai i sawmmi hna cu nupi òhitu tlangval anmah he a um chung ahcun zeitindah an ngaih cu a chiat hnga? Nupi òhitu kha an sinin lak caan a phan te lai i cu tikah cun rawl cu an ul ve te ko lai,” a ti hna.
16 Thilpuan hlun kha ahohmanh nih ti khat tla lo puan thar in an belh bal lo; an belh ahcun an belhnak puan nih khan a thleh chin lai i a awng kha a kau chin lai.
17 Saphawcua hlun chungah mitsurhang hrim an rawn bal lo, an rawn ahcun saphawcua kha a kek lai i mitsur zong cu a tle lai i saphawcua zong cu a rawk lai. Mitsurhang hriim cu saphawcua thar ah an rawn tawn i an pahnih in an him veve,” a ti hna.
(Mar 6:21-43; Luk 8:40-56)
18 Cu bia a chimh lio hna ah cun bawi pakhat a ra i khukbil in, “Atu te ah khan ka fanu a thi, asinain ra law a lu cungah na kut chuang law a nung òhan ko hnga,” a ra ti.
19 Jesuh cu a tho i a zulh, a hnuzul hna zong nih an zulh ve hna.
20 Cu lioah cun thi chuah in kum hleihnih a ngor cangmi nu nih a hnulei in a puanki a hun tawngh.
21 A puan tal ka tawngh ahcun ka dam ko lai tiah a lung chungin a ruah.
22 Jesuh cu hnulei ah a hun i her i minu cu a hmuh. “Ka fanu, na lung dong hlah! Na zumhnak nih an damter cang,” tiah a ti. Cu caan thawk cun minu cu a dam colh.
23 Bawi inn cu a va phanh tikah tingtang tummi le ri ur in a ummi kha a hmuh hna i,
24 Jesuh nih, “Kiang dih u, ngakchianu hi a thi lo, aa hngilh a si,” tiah a ti. Mi hna nih amah cu an nihsawh.
25 Zapi òhawl an si dih cun a va lut i ngakchianu kut cu a hun lak i ngakchianu cu a tho.
26 Cu thawng nih cun cu ram vialte cu a cul dih.
27 Cuka cun a chuah tikah mitcaw pahnih nih an zulh i, “David Fapa, rak kan zaangfah ko,” tiah an au.
28 Jesuh nih, “Cucu ka tuah khawh ti nan zumh maw?” a ti hna.
29 Annih nih, “Kan zumh, Bawipa,” an ti. An mit cu a tawngh hna i, “Nan zumh bantukin nan cungah tuah si ko seh,” a ti.
30 Cuticun an mit cu an au i khua an hmu. “Ahohmanh hngalhter hna hlah uh,” tiah bia a beuh hna.
31 Sihmanhsehlaw an chuak i cu ram vialte ah cun a thawng cu an thanh dih.
32 Mibupi an òian curmar lioah khan khuachia tuah ruangah a holh kho lomi pakhat Jesuh sinah an ratpi.
33 Khuachia a chuahter cangka in mipa cu a holh i mi vialte an khuaruah a har dih. “Hi bantuk hi Israel mi lakah kan hmu bal lo,” an ti.
34 Farasi hna tu nih cun, “Khuachia a chuahternak hi khuachia bawi thawngin a si lai,” tiah an ti.
35 Pennak thawngòha chim le a zaw fakmi kip damter in khuapi he khuate he a tlawng i sinakok zongah a cawnpiak hna.
36 Mizapi kha a hmuh hna tikah, khaltu ngei lo tuu bantukin awlokchong le riangvai in an um caah a zaangfah tuk hna.
37 A hnuzul hna sinah cun, “Rawl òuan awk a tam nain a òuantu an tlawm.
38 Cucaah rawl òuan awkah rianòuantu a thlahnak hna hnga rawl tuantu bawi sinah thlacam u,” tiah a ti hna.