9
1 “Biangaite ka chim, Pathian pennak cu a huham he a rat tikah, hika i a dir komi lakah hin a thi lo ding an um,” tiah a ti hna.
(Mat 17:1-13; Luk 9:28-36)
2 Cun ni ruk hnuah Jesuh nih Peter, Jeim le Johan hna cu anmah lawngin tlang sangpi ah a kaipi hna i an hmuh hngan te ah a mui a thleng i
3 a hnipuan cu a tleu dih i aho thilsu hmanh nih an ranter khawh lo ding tiang khin a rang.
4 Elijah le Moses an rung lang i Jesuh he cun bia an i ruah.
5 Peter nih Jesuh cu a thawh i, “Cawnpiaktu, hika i kan um hi a òha hringhran; thlam pathum in sa u sih, nangmah caah pakhat, Moses caah pakhat, Elijah caah pakhat,” a ti.
6 Zeitintiah an òih tuk caah chim awk a hngalh lo bia khi a si.
7 Cun minmei nih a zelh hna i minmei chung cun aw nih, “Hihi ka dawt cikcekmi ka Fapa a si, a bia ngai u,” a run ti.
8 Cun an hun i mer zokzok i an zoh tikah Jesuh ti lo cu ahohmanh an sinah cun an hmu ti hna lo.
Elijah Ratnak
(Mat 17:9-13)
9 Tlang in an rung òum pah ah, an hmuhmi thil hna kha Mi Fapa thihnak in a thawhòhan hlan cu ahohmanh chimh lo dingin bia a beoh hna.
10 Cu kong cu an lung te ah an chiah i ‘thihnak in thawhòhan’ ti cu zeidah a chim duhmi a si hnga, tiah anmah le anmah an i ceih.”
11 “Zeicahdah phung cawnpiaktu hna nih Elijah a ra hmasa lai an ti?” tiah an hal.
12 Hitihin a leh hna, “Elijah cu zeizong vialte rak remh chung dingin a ra ding hrimhrim a si. Zeitintiah Mi Fapa cu temhnak tampi le mi huathaihnak tampi ing ding a si, tiah rak òial a si hnga?
13 Asinain biangaite kan chim hna, Elijah cu a ra ko cang i a kong òial a rak si bantuk te khan a cungah an duhduh in an tuah ko,” a ti hna.
(Mat 17:21; Luk 9:37-43)
14 A hnuzul hna sin an va phan òhan i mi nih an rak but lulhmalh hna i phung cawnpiaktu he an i al len ko kha an hmuh hna.
15 Zapi nih Jesuh kha an hmuh cangka an khuaruah a har, an le i an va don.
16 Jesuh nih, “Mah hna he khan zeidah nan i al,” tiah a hal hna.
17 Zapi lak i a telmi pakhat nih, “Cawmpiaktu, khuachia nih holh thiam lo in a tuahmi ka fapa na sinah ka ratpi;
18 a tuah caan paoh ah a thluk, a leh a thal, a buanbara a tawh, a hacang a rial i a òhom dih tawn; na hnuzul hna kha a òhawl ka fial hna i an òhawl kho lo,” tiah a ti.
19 Jesuh nih “Maw atu chan zumhnak ngei lomi hna, zei can dah nan sinah ka um a herh rih lai i zei can dah kan in ko rih hna lai? Ka sinah ratpi tuah u,” a ti hna.
20 Cun ngakchiapa cu a va hruai, khuachia nih Jesuh a hmuh cangka cun ngakchiapa cu a tuaitam; vawlei ah a thluk, a let i a buanbara a tawh.
21 Jesuh nih a pa cu “Hihi zei can dah a ngeih cang?” tiah a hal. “A hmet tein a si ko,
22 mei le ti chungah atu le atu a paih tawn i a thi hrulh tawn, zeital na ti khawh ahcun kan zaangfah law kan bawm hram ko,” tiah a ti.
23 Jesuh nih, “Na ti khawh ahcun na ti maw? A zummi caah cun zeipaoh a si kho ko,” a ti.
24 Cu cangka cun ngakchiapa a pa nih, “Ka zumh, ka zumh lonak cu rak ka bawm,” tiah a au.
25 Zapi nih an hun fuh lulhmalh hna kha Jesuh nih a hmuh cun Jesuh nih thlarau thur cu, “Nangmah thlarau holhthiam lo le hnachet, nawl kan pek, kha pa chung khan chuak law lut òhan ti hlah,” a ti.
26 Fakpi in a au i a tuaitam thlirhthlerh tak hnuah a chuak; ngakchiapa cu a thi bantukin a um i mi kip nih, “A thi,” an ti.
27 Sihmanhsehlaw Jesuh nih cun a kut in a tlaih, a hun hnuh i a tho.
28 Inn i a hung luh ah a hnuzul hna nih anmah lawngte an um lioah, “Zeicahdah kannih nih kan chuahter khawh lo,” tiah an hal.
29 Jesuh nih, “Hi bantuk hi cu thlacamnak ti lo nih cun zeihmanh nih a chuahter kho lo,” a ti hna.
(Mat 17:22-23; Luk 9:43-45)
30 Cuka cun an chuak i Galilee an hei òol pah. Ahohmanh hngalhter a duh hna lo;
31 zeitintiah a hnuzul hna kha cawnpiak pah a duh hna i hitihin a ti hna, “Mi Fapa cu mi kut ah chanh a si lai i an thah lai; an thah tikah ni thum hnuah a tho òhan lai,” a ti.
32 Sihmanhsehlaw a chimmi cu an theithiam lo nain an hal ngam fawn lo.
(Mat 18:1-5; Luk 9:46:48)
33 Kapernaum an va phan i innchung a luh hnuah, “Lampi ah khan zeidah nan i al?” tiah a hal hna.
34 An dihlak tein an dai dep ko. Zeitintiah lam ah khan ahodah a ngan bik hnga tiah an i ceih.
35 A òhut hnuah hleihnih hna kha a auh hna i, “Ahopaoh a hmasa bik si a duhmi cu a hmanung bik a si lai i mi vialte miòhi a si lai,” tiah a ti hna.
36 Cun ngakchia pakhat a cawi i an lakah a dirter i a kuh pah khin,
37 “Ahopaoh ka min in hi ngakchia bantuk a conglawmmi cu keimah a ka conglawmh a si, ahopaoh keimah a ka conglawmmi cu keimah si loin a ka thlahtu a conglawmh a si,” a ti hna.
(Luk 19:49-50)
38 Johan nih, “Cawnpiaktu, na min in khuachia a òhawlmi pakhat kan hmuh i kan thlauh, zeitintiah kan mi a si lo,” a ti.
39 Jesuh nih “Va thlauh hlah u, zeitintiah ka min in thil pipa a tuahmi nih a tuah dih cangka in ka min a chiatter colh kho bal lai lo.
40 Zeitintiah a kan ralchanh lomi cu kan mi a si.
41 Biangaite in ka chim, Khrih min na put ruangah din awk ti hrai khat an suahtu paoh cu a lawmhman laksawng cu a sung lai lo.
(Mat 18:6-9; Luk 17:1-2)
42 “Hi a ka zummi lak i a hme bik ngakchia te hmanh a sualtertu cu a hngawng ah facang rialnak lungtum thlaih i rili chung thlak kha an caah a òha deuh hnga.
43 Na kut nih an sualter ahcun tan law hlonh ko; kut pahnih he hell mitlomei chung tlak nakcun kut bul in nunnak chung luh cu na caah a òha deuh,+ 9.43 kut in òialmi Cathiang a òha bik ah a hme 44 aa tel lo.\xq \xv 44 \xv*Cuka ah cun an tholung khan an thih ti lo i mei kha a mit ti lo.\x*
45 na ke nih an sualter ahcun tan law hlonh ko; ke pahnih he hell tlak nakcun kebei in nunnak luh cu a òha deuh.
46 Na mit zong nih an sualter ahcun khoih law hlonh ko;
47 Mit pahnih he tholung a thih bal lonak, mei zong a mih bal lonak mitlomei chung i tlaknak cun mit pakhat he Pathian pennak chung luh a òha deuh.
48 Cuka ah cun an tholung kha an thi ti lo i mei kha a mit ti lo.
49 A mi kip cite bang mei in alter an si lai.
50 Cite cu a òha, sihmanhsehlaw a alnak kha a ziamh ahcun zeitindah na alter òhan khawh lai? Nan chungah cite kha i ngeih u law, pakhat le pakhat rem tein um u,” a ti hna.