8
(Mat 15:32-39)
1 Cu caan lio hrawngah cun mi tampi an chuak òhan i ei awk zeihmanh an ngeih lo tikah a hnuzul hna kha a auh hna i,
2 “Hi mi zapi hna hi ka zaang an fak ko, ni thum chung ka sinah an um cang i ei awk zong an ngei ti lo.
3 Micheu cu lam hlapi in a rami an si fawn,” tiah a ti.
4 A hnuzul hna nih, “Hi ram lakah hin aho nih dah mi hi vialte ei khim awk rawl cu kan hmuh khawh lai?” tiah an leh.
5 “Changreu hlum zeizat dah nan ngeih?” tiah a hal hna.
6 “Hlum sarih,” an ti. Mizapi cu vawlei ah òhut a fial hna; changreu hlum sarih cu a lak i lunglawmhnak thla a cam hnuah a cheu, zapi hmai i hun awkah a hnuzul hna cu a pek hna i zapi cu an hunh hna.
7 Nga tenek tlawmte zong an ngei i thluachuahnak a pek hnuah zapi hmai i hunh awk a fial hna.
8 An ei i an khim dih, an ei hlei cu an khawmh i sei sarih a ti.
9 Mi cu thong li hrawng an si.
10 A tlunter dih hna hnuah a hnuzul hna he lawng chungah an lut colh i Dalmanutha peng ah an kal.
(Mat 16:1-4)
11 Farasi hna an ra i bia an ra al. Amah hneksak duh ah van in hmelchunhnak khuaruahhar tuah an fial.
12 Fakpi in a thaw a chuah i, “Zeicahdah atu chanmi nih hin hmelchunhnak an kawl? Biangaite kan chimh hna, atu chanmi hi hmelchunhnak pek an si lai lo,” a ti.
13 A kaltak hna, lawng ah a cuang òhan i khatlei ral ah a kal.
(Mat 16:5-12)
14 Changreu phorh an philh i lawng chungah cun changreu tlang khat lawng an ngei.
15 “Farasi mi le Herod thilnu in i veng u,” tiah ralrin a pek hna.
16 Pakhat le pakhat an i ceih i, “Changreu kan ngeih òung lo,” an ti.
17 Jesuh nih an ruahmi cu a hngalh caah, “Zeiahhen nan changreu ngeih lo ko cu nan i ceih len ko? Nan hngalthiam bal rih lo mu? Nan lung a khawng dahra?
18 Mit ngei ko òung in nan hmu lo maw? Hna nan ngei ko nain nan thei rih lo maw? Nan cing ti lo maw?
19 Changreu tlang nga in mi thong nga ka dangh lio hna ah khan a hlei sei zeizat dah nan khawmh kha?” a ti hna. “Sei hleihnih,” tiah an leh.
20 Hlum sarih in thong li dangh ah khan tah a hlei sei zeizat dah nan khawmh? a ti òhan. “Sei sarih,” an ti.
21 Jesuh nih, “Cuti bu cun maw nan hngalhthiam hlei lo?” a ti hna.
22 Bethsaida khua an phan. Mitcaw pakhat an ratpi i a mit tawngh awkin an nawl.
23 Mitcaw cu a kut in a hruai i khua hau lengah a chuahpi. A mit ah cil a chak i a tawngh tikah “Zeital na hmu maw?” tiah a hal.
24 Khua a zoh i “Mi ka hmuh hna, asinain thingkung a kalmi ko an lo,” a ti.
25 A mit cu a tawngh òhan; a mit a hun rengh i khua a hmu òhan; zeizong vialte fiang tein a hmuh cang.
26 A inn ah a òinter i, “Khuachung hmanh ah va lut hlah,” a ti.
(Mat 16:13-20; Luk 9:18-21)
27 Jesuh cu a hnuzul hna he Sisaria Filipi tlawn ah an kal i kal pah ah a hnuzul hna cu, “Mi nih aho a si an ka ti dah?” tiah a hal hna.
28 An thawh i, “Baptisma petu Johan, a cheu nih, Elijah, cun midang nih, profet pakhatkhat an in ti,” an ti.
29 “A si ah nannih nih tah aho a si nan ka ti dah?” tiah a hal òhan hna. Peter nih, “Khrih na si,” a ti.
30 Cuticun a kong kha ahohmanh chimh lo dingah bia a beoh hna.
(Mat 16:12-28; Luk 9:2-27)
31 Cun Mi Fapa nih temhnak a in lainak le khua upa hna le tlangbawi upa hna nih an duh lonak ding le an thahnak ding le ni thum hnu i a thawhòhan lainak ding cawnpiak hram aa thawk. Cucu hlangfang tein a chim.
32 Peter nih hmundang deuh ah a kalpi i a mawhchiat.
33 Aa mer i a hnuzul hna a hmuh hna tikah, “Satan, i thawn! Pathian ruahning in na ruat lo i minung ruahning tu in na ruah,” tiah Peter kha a sik.
34 Mi zapi cu a hnuzul hna he a auh hna i, “Aho paoh zulh a ka duhmi cu amah i hlaw seh law a vailam put in ra ka zul seh.
35 Mah nunnak humhak a duhmi cu a nunnak kha a sung lai i keimah le thawngòha ruangah a nunnak a sungmi paoh nih nunnak a hmuh lai.
36 Zeitintiah vawlei pumpi a comi nih a nunnak sung òung seh law a caah zeidah a òhahnem?
37 Zeicahtiah a nunnak cu zei tal in a kan kho hnga maw?
38 Keimah le ka bia kha hi hlawhhlang le sual chan ah hin a ka zahpimi cu Mi Fapa zong nih a Pa sunparnak in a van mithiang hna he a rat tikah a zahpi ve hna lai.