14
(Mat 26:1-5; Luk 22:1-2; Jhn 11:45-53)
1 Lanhtak Puai le Thilnu Phulhlo Changreu puai cu ni hnih lawng a duh cang. Tlangbawi upa hna le phung cawnpiaktu upa hna nih ngaihthlem in Jesuh kha tlaih i thahnak khua an khang.
2 “Puai chungah cun si hlah seh, zeitintiah mi zapi hna an hnawk sual hnga,” an ti.
(Mat 26:6-13; Jhn 12:1-8)
3 Bethani khua mithinghmui Simon inn i rawl a ei lioah minu pakhat, phun òha bikmi alabaster zihmui, man fak ngaimi thawl khat i put in a ra; a thawl cu a khuai i Jesuh lu ah a toih.
4 Cuka i a ummi cheukhat hna cu an ing a puang i, “Zeicahdah hitihin a pamhhmaih?
5 Hi zihmui hi danari zathum renglo ah zuar i misifak pek deuh awk a si,” tiah pakhat le pakhat an i ti. Mi nu cu an mawhchiat.
6 Sihmanhsehlaw Jesuh nih a thawh hna i, “Amah um khan um ko seh, zeicahdah hna nan hnawh? Ka cung i a tuahmi hi thil dawh ngai a si.
7 Zeitintiah misifak cu nan sinah an um thluangthluan ko lai. An cungah a òhami tuah nan duhmi paoh cu nan tuah khawh ko lai, sihmanhsehlaw kei cu nan sin i a um zungzal ding ka si lo.
8 Mah nu nih hin a tuah khawhmi a tuah; zihmui ka takpum i a thuhmi hi ka ruak vui awkah a ka timhtuah chung a si.
9 Biangaite kan chimh hna, vawlei cung hmunkip i thawngòha an chimnak paoh ah hi nu tuahmi kong hi amah hngalh zungzalnak ah an run chim lengmang te lai,” a ti hna.
(Mat 26:14-16; Luk 22:3-6)
10 Cu hnu cun hleihnih lak i pakhat, Judas Iskariot cu tlangbawi hna sinah Jesuh rawi awkin a kal.
11 Cucu an theih tikah an lung a lawm i tangka pek awk an kamh. Cu caan thawk cun Jesuh tlaihternak caan rem kha kawl hram a thawk.
(Mat 26:17-25; Luk 22:7-14, 21-23; Jhn 13:21-30)
12 Thilnu phulh lo Changreu puai a ni hmasa bik, Lanhtak Puai tuufa thah ni ah khan a hnuzul hna nih, “Khuazei ah dah lanhtak puai rawl ei ding cu in tuahpiak u si law na duh?” tiah an hal.
13 A hnuzul pahnih a thlah hna i, “Khuapi chungah va kal u law ralca in ti a phormi pa nih an don hna lai i amah cu va zul u.
14 A luhnak inntekpa kha, ‘Cawnpiaktu nih, ka hnuzul hna he Lanhtak rawl kan dumnak ding khan cu khuazei ah dah a si a ti? va ti u,’ a ti hna.
15 Cungdot ah zeizong timhciami khan nganpi an hmuhsak hna lai i cuka ah cun va tim u,” a ti hna.
16 A hnuzul hna cu an chuak i khuapi ah cun an va kal; a chimh hna ning te khan an va hmuh i Lanhtak rawl cu an va timh tuah.
17 Zanlei a hung si i hleihnih hna he khan an ra.
18 Rawl an dum i an ei lioah khan Jesuh nih, “Fiang tein ka chim, nanmah lak i pakhat, keimah he a ei òimi nih hin a ka rawi lai,” a ti.
19 An ngaih a chia ngaingai i pakhat hnu pakhat in, “Kei cu ka si hlah i?” an ti cio.
20 A thawh hna i, “Hleihnih lak i pakhat, keimah he kheng khat i chang a hnim òimi hi a si,” a ti.
21 Zeitintiah Mi Fapa cu amah kong aa òialning khan a si ko lai, sihmanhsehlaw Mi Fapa a rawitu cu bialo a si ko; cu pa cu hrin rak si hlah seh law a caah a òha deuh hnga,” a ti.
(Mat 24:24-30; Luk 22:15-20; I Kor 11:23-25)
22 An ei lioah khan Jesuh nih changreu kha a lak i thla a cam hnuah a cheu i a hnuzul hna kha a pek hna, “I lak u, hihi ka pum a si,” a ti.
23 Hrai pakhat zong kha a lak i thla a cam hnuah a pek hna i an dihlakin an din.
24 A thawh hna i, “Hihi mi tampi caah biahrennak thletmi ka thi a si. Hihi kan chimh hna.
25 Pathian pennak ah a thar in ka din òhan caan a phanh hlan cu mitsurhang hi ka ding ti lai lo,” a ti hna.
26 Hla pakhat an sak hnu in Oliv tlang ah an kai.
(Mat 26:31-35; Luk 22:31-34; Jhn 13:36-38)
27 Jesuh nih a thawh hna i, “Cathiang nih, ‘Tuukhal kha ka thah lai i tuurun cu an i òhek dih lai’ a ti bantuk khan nan dihlakin nan ka hlawt lai.+ 14:27 Zek 13:7
28 Sihmanhsehlaw thawhter ka si hnuah Galilee ah nan hmaiah ka rak kal chung lai,” a ti hna.
29 Peter nih, “An dihlak in an in hlawt hmanh ah kei cu kan hlaw lai lo,” a ti.
30 Jesuh nih biatak tein kan chimh, “Tuzan hrimhrim ah ar voi hnih khuan hlanah voi thum tiang na ka hlawt lai,” a ti.
31 “Na sin i thih ve a herh hmanh ah kan hlaw lai lo,” tiah Peter nih a ti. An dihlak in cuticun an ti cio.
(Mat 26:36-46; Luk 22: 39-46)
32 Gethsemane dum an timi hmun pakhat ah an kal i a hnuzul hna cu “Hika ah hin rak òhu u, thla ka va cam lai,” a ti hna.
33 Peter, Jeim le Johan a kalpi hna i lungrethei le awlokchong in a um.
34 An sinah, “Thihpi awk tlakin ka lungre a thei, hika ah hin rak um u law rak ka hngak u,” a ti.
35 Hmailei deuhah a va kal i, a si khawh ahcun cu caan nih cun a liamtak nakhnga bawh buin thla a cam.
36 “Aba, ka Pa, zeipaoh na tuah khawh ko, hi hrai hi rak ka òhialpiak ko, sihmanhsehlaw keimah duhning cu si loin nangmah duhning in si ko seh,” a ti.
37 A ra kir i an rak i hngilh ko kha a hmuh hna i Peter sinah, “Peter, na hngilh maw? Suimilam pakhat chung te hmanh nan hngak kho lo mu?
38 Tukforhnak ah nan luh nakhnga lo hriphrio tein thlacam u; thlarau nih cun a duh ko nain taksa nih a celh lo,” a ti.
39 A kal òhan i a chim bon òhiamòhiam in thla a cam òhan.
40 A ra kir i an ih ko kha a hmuh òhan hna, an mitkuh an celh lo; zeiti chawnh awk an hngal lo.
41 A voi thumnak a ra kir òhan i “Nan i hngilh i nan i din ko rih mu? A za cang, a caan a phan cang; Mi Fapa cu an rawi i misual hna kut ah chanh a si cang.
42 Tho u, kal u sih; zohhmanh u, a ka rawitu cu a phan deng cang,” a ti hna.
(Mat 26:47-56; Luk 22:47-53)
43 A chim cuahmah ko lioah cun hleihnih lak i pakhat Judas kha a ra. A sinah tlangbawi upa hna le phung cawnpiaktu le khua upa hna nih an thlahmi hna kha nam le tanbo he mi tampi an ra ve.
44 Rawitu nih cun chingchiahnak a pek hna i, “Ka hnamhmipa kha a si lai i tlai te u law a cawngtu hna he kalpi te u,” a ti hna.
45 Cuticun Jesuh cu a hei fuh colh i, “Cawnpiaktu” a ti i a hnamh.
46 Jesuh cu an tlaih i an khih colh.
47 Sihmanhsehlaw cuka i a rak ummi pakhat nih khan a nam a zuh i tlangbawi miòhi pakhat a hnakhaw pet ko in a sah.
48 Jesuh nih a thawh hna i, “Mifir va si ning law cu bang, keimah tlaih awkah nam le tanbo he maw nan rat?
49 Biakinn ah ni khat hnu ni khat cawnpiak in ka òhu ko nain nan ka tlai lo. Sihmanhsehlaw Cathiang a tlinnak ah a si,” a ti.
50 An dihlak in an tli i an kaltak.
51 Puan lap khat telawng aa aihmi tlangvalpa nih a zulh.
52 An tlaih nain a puan a lektak i a tak lawng tein a zam.
(Mat 26:57-68; Luk 22:54-55, 63; Jhn 18:13-14, 19-24)
53 Jesuh cu tlangbawi zik sinah an chuahpi; tlangbawi upa le phung cawnpiaktu upa vialte an i pum dih.
54 Peter nih hla nawn khin tlangbawi zik inntual tiang a hei zulh. Ralveng hna sinah a òhu i mei a to.
55 Tlangbawi upa hna le biaceihtu upa vialte hna nih Jesuh kha thah khawh awkin lihbia an kawl nain zeihmanh an hmu lo.
56 Biatheitu deu tampi zong an chuak nain an chimmi aa lo lo.
57 Mi cheu nih dir riangmang in lih an chim,
58 “Kut in sakmi biakinn cu ka hrawh lai i ni thum chungah kut in ser lomi, a dang pakhat ka sak lai,” a ti, an ti.
59 Cuti bu hmanh cun an chimning a khat lo. Zapi lakah tlangbawi zik a dir i Jesuh cu bia a hal.
60 “Bia leh awk zeihmanh na ngei lo maw? Mah hna nih sual an in phawtmi hi zeitindah a si?” a ti.
61 Asinain Jesuh cu dai tein a um i bia a let hna lo. Tlangbawi zik nih a hal òhan, “Nangmah cu thangòhatmi Pathian i Fapa, Khrih cu na si maw?” a ti.
62 Jesuh nih, “Ka si, Mi Fapa cu lianhngannak orhlei ah a òhu lai i vanrang cungin a rat kha nan hmuh lai,” a ti.
63 Cu cangka cun tlangbawi zik nih a angki fualpi cu a thleh i “Zei biatheitu dah kan herh ti?
64 Pathian min a thangchiat cu nan theih ko. Nan bia khiahnak zeidah a si?” a ti. Thih awk a tlak tiah an dihlak in sual an phawt.
65 Cuticun a cheu nih cil an chak. A hmai an huh i an thongh, “Ahodah an thong, chim tuah?” an ti. Ralveng hna nih an kalpi i an bengh pah.
(Mat 26:69-75; Luk 22:56-62; Jhn 18:15-18, 25-27)
66 Peter cu tual i a um ko lioah khan tlangbawi sinum ngaknu pakhat a ra i mei a toh kha a hmuh, a zoh i,
67 “Nangmah zong Nazareth mi Jesuh sinum kha na si ko,” a ti.
68 Na chim duhmi cu ka hngal lo, a ruah awk hrim ka thei fawn lo,” tiah aa pheh i a leh, cun inn lengah a va chuak i ar a khuang colh.
69 Ngaknu nih khan a hmuh i a pawng i a ummi sinah cun, “Hi pa hi an sin i a ummi kha a si ko,” a ti òhan.
70 Sihmanhsehlaw a pheh òhan. Cun a tlawmpal ah a pawng i a dirmi hna nih cun Peter cu “Anmah sin mi na si hrimhrim ko, Galilee ram mi na si fawn,” an ti.
71 “Na chim lengmangmi pa hi ka hngal hrimhrim lo,” tiah al hram a thawk ah khin,
72 A voi hnihnak ar a khuang colh, cu tikah Peter cu Jesuh nih, “Ar voi hnih a khuan hlanah voi thum na ka hlawt lai,” a timi kha a lung ah a hung pem. Cun sum khawh loin aa òah sek len ko.