15
(Mat 27:1-2, 11-14; Luk 23:1-5; Jhn 18:28-38)
1 Khua a dei cangka tein tlangbawi hna cu upa hna le caòialtu hna le biaceihtu vialte hna he an i ceih i Jesuh cu an khih i Pilat sinah an kalpi colh.
2 Cun Pilat nih cun, “Judas siangpahrang cu na si maw?” tiah a hal, Jesuh nih, “Na chim ko cu ta,” tiah a leh.
3 Cun tlangbawi upa hna nih cun lam tampi in sual an phawt.
4 Pilat nih cun, “Na let hna lai lo maw? Sual an in puhmi vialte hi zohhmanh,” a ti.
5 Jesuh nih zeihmanh a leh hna lo tikah Pilat cu a ar ko.
(Mat 27:15-26; Luk 23:13-25; Jhn 18:39—19:16)
6 Lanhtak Puai paoh ah an duhmi thongtla pakhatkhat kha a chuahpiak tawn hna.
7 Thong chungah ral thawh lio i mi a thattu, ral a thomi pakhat a um i a min ah Barabbas ti a si.
8 Cun misualpa Barabbas kha voi dang tawn bantuk cun chuahpiak dingin mi zapi nih Pilat cu an hal.
9 Pilat nih, “Judas siangpahrang hi chuahpiak nan duh lo maw?” a ti hna.
10 Nahchuah ruangah tlangbawi upa hna nih an run chuahpi ti cu a hngalh ko.
11 Sihmanhsehlaw tlangbawi upa hna nih khan mi zapi cu Barabbas tu chuahter awk i chim dingin an rak forh hna.
12 Pilat nih cun, “Judah siangpahrang nan timi hi ta zeitindah ka tuah kun lai?” a ti òhan hna.
13 Annih nih, “Vailam ah tah ko,” tiah an auh khak.
14 Pilat nih cun, “Zei ah hen, zei sualnak hen a tuah?” a ti hna. Mi zapi nih cun, “Vailam ah tah ko,” tiah an au chinchin.
15 Pilat nih mi zapi lung awiter a duh caah Barabbas tu cu a chuahpiak hna. Cun Jesuh cu a tukter hna hnuah vailam i tah dingin a pek hna.
(Mat 27:27-31; Jhn 19:2-3)
16 Cun ralkap nih praetorium an timi kulh chungah khan an luhpi i thong khat ralkapbu kha an ning piin an pumh dih hna.
17 Puan sendung an hruk i hling in luchin an tah i an chinh.
18 Cun, “Judah siangpahrangpa,” tiah salaam an chawnh.
19 Cu hnuah cil an chak i a lu ah fung in an tuk i khukbil in an biak.
20 Capo nihchuak saihnak ah an hman hnu in a puan sendung kha an hlih i amah puan kha an aihter òhan hnuah vailam i tah awkin an kalpi.
(Mat 27:32-44; Luk 23:26-43; Jhn 19:17-27)
21 Cun mi chawklet pakhat, khuate lei in a rami Sairin khuami Simon kha a vailamtung putpiak dingin an tlaih, amah cu Alekzandar le Rufas pa a si.
22 Cun Jesuh cu Golgotha timi hmun ah an kalpi (Cucu luruh hmun tinak a si).
23 Cun zuthor mura he cawhmi an tarh i a ding duh lo.
24 Cu hnu cun vailam ah an tah i a hnipuan kha zei cio dah kan tin lai tiah camcawhfung zuh in an i phaw.
25 Vailam an tah cu zinglei suimilam pakua ah a si.
26 Sual an phawtnak cu, “Judah Siangpahrang” tiah ca in an òial.
27 Cun amah sinah cun rokhmang pahnih an khenhchih hna, a orhlei ah pakhat, a kehlei ah pakhat an tah ve hna.
28 Cun Cathiang nih, “Mi sual hna sinah telhchih a si,” a timi cu a tling.
29 Aa chokvakmi paoh nih khan an lu an thin hnawh i, “Aw! Jerusalem biakinn òheh i ni thum i sa òhan khotu pa,
30 i khamh law vailamcung khan hung òum ngat!” tiah an ti hram.
31 Cu bantuk òhiamòhiam cun tlangbawi hna zong nih phungthiammi hna he khan pakhat le pakhat sinah midang hmanh a khamh hna; amah le amah cu aa khamh kho òung lo hi ta!
32 Kan mit in kan hmuh i kan zumh khawh ve nakhnga, Israel Siangpahrang Bawi Khrih, atu hrimhrim ah hin vailamcung cun hung òum ngat seh,” an ti i an nihsawh. Amah sin i vailam ah an khenhchihmi hna pahnih zong nih khan an serhsat ve.
(Mat 27:45-56; Luk 23:44-49; Jhn 19:28-30)
33 Cun chun suimilam pahleihnih in zanlei suimilam pathum tiang vawlei pumpuluk in a mui dih.
34 Suimilam pathum a ti tikah Jesuh nih aw thangpi in, “Eloi, Eloi, lema sabakthani?” tiah a au, a sullam cu, “Ka Pathian, Ka Pathian, zeicahdah na ka kaltak?” ti a si).
35 Cun a pawng i a dirmi hna nih cucu an theih tikah, “Ngai hmanh u, Elijah a auh cuh,” an ti.
36 Cun mi pakhat a va le i puanchia kha mitsur thur chungah a hnim hnuah fung par ah a òem i a hun tuh pah in, “Um rih uh, amah la dingin Elijah a rat le rat lo zoh rih u si,” a ti.
37 Cun Jesuh cu fakpi in a ai i a cat.
38 Cu tikah biakinn puanzar cu a cunglei in a toilei tiang cheu hnih ah aa cheu.
39 A hmai i ral bawipa a dir komi nih cun a ai i a cah kha a hmuh tikah, “Mah mipa hi Pathian Fapa a si taktak ko,” a ti.
40 Cun nu hna zong nih khan hla nawn in an cuanh, cu hna lakah Mary Magdalene, Mary a no deuh Jeim le Joses nu le Salome te hna an i tel.
41 Cu hna cu Galilee ram i an um lio i a zulkhaltu le a bultawltu hna kha an si. Cu lengah Jerusalem tiang a rak zulmi nu zong tampi an um fawn.
(Mat 27:57-61; Luk 23:50-56; Jhn 20:1-10)
42 Zanlei a hung si i timhtuah ni a si caah (cucu sabbath ni a nizan kha a si) tlai nawn ah cun Arimathea khuami, biaceihtu chungtel an upat ngaimi,
43 Pathian pennak a ruahchih vemi pakhat Josef kha a ra phan, Pilat sinah ral òha ngai in Jesuh ruak kha a va hal.
44 Pilat nih Jesuh a thih cang kha a zumh lo caah ral bawipa kha a auh i a thih taktak cang le thih taktak lo kha a hal.
45 Cun ralbawipa nih a thi cang tiah a chimmi a theih hnuah Jesuh ruak cu Josef kha a pek.
46 Puan hmangòhia a cawk hnuah Jesuh ruak cu a lak i puan cun a zual hnuah an vihmi lungkua thlan ah a vui i lung in a khar.
47 Mary Magdalene le Josef nu Mary zong nih cun an phumnak hmun cu an hmuh ve ko.