13
(Mat 24:1-2; Luk 21:5-6)
1 Biakinn in a ra chuah ah khan hnuzul pakhat nih, “Cawnpiaktu, Zohhmanh, hi tluk khuaruahhar lung le inn hna hi!” a ti.
2 Jesuh nih a thawh i, “Hi tluk inn ngan hi na hmu ko lo mei? Hi tluk lung rualmi le tianmi hi an chimh lomi a um te lai lo,” a ti.
3 Biakinn zawn Oliv tlang i a òhut ko lioah Peter, Jeim, Johan le Andru nih anmah lawng tein bia an hal.
4 “Cucu zeitik ah dah a si lai i cu bantuk thil hna a phanh lai hmelchunhnak ah zeidah a um lai? rak kan chim,” an ti.
5 Jesuh nih cun a thawh hna i, “Ahohmanh nih an in hlen hna nakhnga lo ralring tein um ko u.
6 Mi tampi cu ka min in an ra lai i, ‘Keimah hi Amah cu ka si,’ tiah tampi an in hlen hna lai.
7 Raldohnak le ral thawngpang nan theih tikah lau hlah u, zeitintiah cucu a um ding hrimhrim a si ko; sihmanhsehlaw a donghnak cu a si rih lo.
8 Ram khat nih ram khat an doh hna lai i pennak pakhat nih pennak pakhat a doh lai, hmunkip ah li aa hnin lai i mangòam a tlung lai; cucu nau nganfah hramthawknak lawng a si ko rih.
(Mat 24:3-14; Luk 21:7-19)
9 “Nannih cu i ralring ko u; biaceihtu sinah an in chuahpi hna lai i sinakok ah an in velh hna lai. Keimah ruangah ukbawi le siangpahrang hmaiah ka kong an theih nakhnga, an in dirter hna lai.
10 Thawngòha hi miphun vialte sinah chim hmasa a si lai.
11 An in tlaih hna i biaceih awkah an in chuahpi hna tikah zeidah ka chim lai tiah nan lungre thei hlah u; cu caan i nan sinah pek a simi paoh kha nan chim ko lai, zeitintiah a chimtu cu nanmah nan si lai lo, Thiang Thlarau a si lai.
12 Cun a unau nih a unau thah awkin a rawi lai i a pa nih a fa a rawi lai, fale nih an nule an pa an doh hna lai i thahnak tiang an huahter hna lai.
13 Keimah ruangah mi kip nih an in huat hna lai. Asinain a dongh tiangin a ing khomi cu khamh an si lai.
(Mat 24:15-28; Luk 21:20-24)
14 “Fihnung òeifiak cu a um lonak ding hmun i nan hmuh tikah cun (a relmi paoh nih hngal ko hna seh) Judea ram i a ummi hna cu tlang ah zam hna seh;
15 inncung i a ummi hna cu thil lak awkin òum hna hlah seh law innchung zongah lut hna hlah seh.
16 Lo i a ummi hna zong hnipuan lak awkah tlung hna hlah seh.
17 Fapawi le hnuktlai lio nu hna caah cun a har ko lai.
18 Khuasik caan ah a si nakhnga lo thlacam u.
19 Zeitintiah vawlei hramthawk in atu tiang zongah a um bal lomi, hmailei zongah a um ti lai lomi, a si lai.
20 Cu caan cu Bawipa nih rak tawiter hlah seh law ahohmanh an luat hnga lo; sihmanhsehlaw a mi thim hna caah a ni kha a tawiter.
21 Cun, ‘Zohhmanh, Khrih cu hika ah hin a um, khika ah khin a um,’ tiah ahohmanh nih an in ti hna hmanh ah va zum hlah u.
22 Khrih deu le profet deu an chuak lai, si kho seh law cu, thimmi hna kha tlukter awkah hmelchunhnak le khuaruahhar pipi an tuah lai.
23 Ralring tein um ko u; a hlankan in zeizong vialte kan chimh chung hna.
(Mat 24:29-31; Luk 21:25-28)
24 “Sihmanhsehlaw cu temhinnak a dih cangka cun ni a mui lai i thlapa a tlang lai lo.
25 Van arfi an tla lai i van lianhngannak a hnin lai.
26 Mi Fapa cu lianhngannak le sunparnak he vanrang cungin a òum kha an hmuh lai.
27 Cun a vanmi hna kha a thlah hna lai i a mithim hna kha vawlei kil li in le vanrang toi khua zakip in a pumh hna lai.
(Mat 24:32-35; Luk 21:29-33)
28 “Theipi in zohchunh awk nan ngei; a nge in hnah no a hung corh tikah òhal caan a nai cang kha nan hngalh.
29 Cu bantuk òhiamòhiam cun hi thil vialte hna hi nan hmuh tikah Mi Fapa cu kutka hramah a phan cang ti nan hngalh lai.
30 Biangaite kan chimh hna, atu chan a liam hlanah hin hi thil vialte hi a tlung lai.
31 Van le vawlei a rawk lai nain ka bia cu an hmun lai.
(Mat 24:36-44)
32 “Sihmanhsehlaw a ni le a caan cu ahohmanh nih an hngal lo, vanmi zong nih an hngal lo; Mi Fapa hmanh nih a hngal lo. Pa lawng nih a hngalh.
33 I ralring u law hngak ko u; zeitintiah cu caan cu zei tikah a phanh lai nan hngal lo.
34 Khualtlawn aa timmi pa nih aa thawh lai ah a miòhi hna kha anmah rian cio a chimhtak hna i innka cawngtupa kha ralring tein cawngh dingin a chimhtak hnuah a kalmi bantuk a si.
35 Cucaah ralring tein ot ko u, zeitintiah inntekpa kha, zanlei ah maw zanòim ah maw, arkhuang ah maw zinglei ah dik a rat lai kha nan hngal lo;
36 philhseuh ah ra seh law nan ih karah an tanh sual hna hnga.
37 Nan dihlak ca in ka chim; hngak ko u.”