12
1 Bianabia in a chimh hna. “Mi pakhat nih mitsur dum a ngeih, hau in a kulh, mitsur nennak khor a cawh i parthlam a sak; a man in mi a hlanh hna i ramdang ah a kal diam.
2 A tlai lawh a cut tikah a covo va hal dingin miòhi pakhat a thlah.
3 An rak tlaih, an velh i kutro in an kirter.
4 Miòhi dang a kalter òhan i a lu ah hma an rak banh i ningzak ngai in an rak tuah.
5 A dang pakhat a thlah òhan i cu pa hawi cu an rak thah; cuticun mi dang tampi zong a cheu an velh hna i a cheu an thah hna.
6 A dang pakhat a um rih, a dawt cikcekmi a fapa a hnu bik ah cun a hei thlah ve i, ‘Ka fapa cu a hmai an rak zah lai,’ a ti.
7 Sihmanhsehlaw dum hlangtu hna cu anmah le anmah an i ceih i, ‘Hihi rocotu fapa a si; ra u, that u si law a ro hi kanmah ta a si lai,’ an ti.
8 An tlaih i an thah, dum lengah an hlonh.
9 Mitsur dum ngeitu nih zeitindah a tuah hna hnga? A ra lai i dum hlangtu hna kha a thah hna lai i midang a pek hna lai.
10 Cathiang ah:
‘Inn satu nih an hlawt cangmi lung theng kha,
Tukki lung santlai bik ah a cang.
11 Cucu Bawipa tuahmi a si i
Kan hmuh tikah kan khuaruah a har,’ a timi kha nan rel bal lo maw?”
a ti hna.
12 Cu bianabia cu kanmah a kan ti hnawhchan tiah an ruah caah tlaih an tim nain mirun kha an òih hna caah an kaltak diam.
(Mat 22:5-22; Luk 20:20-26)
13 Farasi cheukhat hna le Herod mi hna kha bia in foih awkah an hei thlah hna.
14 An va kal i, “Cawnpiaktu, nang cu midik na si i aho hmai hmanh na zoh lo; Pathian duhning kha hman tein na cawnpiak ti kan hngalh. Cucaah Sizar siangpahrang hi ngunkhuai kan pek awk a si maw si lo?
15 Kan pe hnga maw pe lo dah?” an ti. Sihmanhsehlaw an ziathiam ning kha a hngalh caah, “Zeicahdah nan ka hneksak? Ngun tangka phar khat in rak ka pe tuah u, ka zoh hnek lai,” a ti hna.
16 Phar khat cu an ra pek. A thawh hna i, “Aho mui le min dah a cuang?” a ti.
17 Annih nih, “Sizar siangpahrang,” an ti. Jesuh nih, “Sizar ta cu Sizar pe u law, Pathian ta cu Pathian pe u,” a ti hna. An ar òhup ko.
(Mat 22:22-23; Luk 20:27-40)
18 Thawhòhannak a um lo, a timi Sadusi hna zong a sinah an ra ve i bia an hal.
19 “Cawnpiaktu, Moses nih a kan òialpiakmi ah cun mi pakhat cu fa hring loin a thih i nupi a roh ah cun a nau pakhat nih a upa kha fa a ngeihpiak nakhnga nupi ah a òhit lai,” ti a si.
20 Unau rual pasarih an um; upa bik nih nupi a òhit i fa hring loin a thi;
21 pahnihnak nih a co ve i fa hring loin a thi ve, a pathumnak zong cuti òhiamòhiam cun a si;
22 an pasarih tiangin fa an thlau lo. A hnu bik ah nu zong cu a thi ve.
23 Thawhòhannak ah aho nupi dah a si lai? Zeitintiah an pasarih in nupi ah an i ser,” an ti.
24 Jesuh nih, “Cathiang le Pathian lianngannak nan hngalh lo caah hin dahkaw nan palh tawn hi a si cu, a si lo maw?
25 Thihnak in an thawhòhan tikah cun an i òhi an i um ti lai lo; zeitintiah vancung khua i vanmi bantuk an si.
26 Mithi thawhternak kong ah cun Moses cauk chung i burbuk kong ah khan, ‘Kei cu Abraham Pathian, Isak Pathian, Jakob Pathian ka si,’ a timi kha nan rel bal lo maw?
27 Mithi Pathian a si lo i a nungmi Pathian a si. Nan palh diam ko,” a ti hna.
(Mat 22:34-40; Luk 10:25-28)
28 Phung cawnpiaktu pakhat a ra i an bia ceihmaimi kha a ngaih hna i òhalo tein a leh hna kha a hmuh tikah, “Nawlbia ah hin a zei hi dah a biapi bik?” tiah a hal.
29 Jesuh nih a thawh i, “A biapi bikmi cu hihi a si, ‘Maw Israel, ngaihmanh, Bawipa kan Pathian lawng hi Bawipa a si;
30 Bawipa na Pathian cu na lungthin dihlak le na nunnak dihlak le na ruahnak dihlak le na òhawnnak dihlakin na dawt lai.
31 A changtu cu ‘Nangmah naa dawt bangin na innpa kha daw ve hna.’+ 12.31; Deut. 6:4-5 Hi nakin a biapi deuhmi nawlbia a um ti lo,” tiah a leh.
32 Cun phung cawnpiaktu pa nih cun, “A dik, Cawnpiaktu; Bawipa lawng hi Pathian a si i amah dah ti lo cu a dang ahohmanh an um lo;
33 amah lawng hi lungthin dihlak le ruahnak dihlak le òhawnnak dihlakin dawt awk a si i innpa hna cu mah i dawt bantukin dawt ve hi pum khangh pekchanhnak le thawinak nakin a òha deuh, na timi cu a dik hringhran,” a ti.
34 Ruah cikcek tein a ka leh, ti kha Jesuh nih a hngalh caah, “Pathian pennak he na hlat lo,” a ti. Cu hnu cun ahohmanh nih zeihmanh an hal ngam ti lo.
(Mat 22:41-46; Luk 20:41-42)
35 Jesuh nih biakinn ah a cawnpiak hna i, “Zeitindah phung cawnpiaktu hna nih, Khrih cu David fapa a si an ti khawh?
36 Amah David hrimhrim nih Thiang Thlarau hruainak in:
‘Bawipa nih ka Bawipa sinah,
Na ral hna cu na ke tangah
Ka chiah hna hlantiang,
Ka orhlei kamah ra òhu tuah,’ a rak ti.
37 Amah David nih ‘Bawipa’ a ti ahcun zeitindah a fapa cu a si kun?” a ti. Mi bupi nih cun a bia cu lunghmui ngai in an ngaih.
(Mat 23:1-36; Luk 20:45-47)
38 A chimh len ko hna i, “Angki fualpi he i chawh i dawrthluan ah upat pek a duhmi phung cawnpiaktu hna hin i ralring u.
39 Sinakok ah hmaisuang bik òhutnak le rawldanghnak ah òhutdan sang a ngiami hna khan i ralring u.
40 Nuhmei inn le lo eihmuartu le mi hmuh ah sau pipi in thlacam a hmangmi hna hi fak khun in hrem an ing te lai,” a ti hna.
(Luk 21:1-4)
41 Thawhlawm kuang hoih ah a òhu i mirun nih tangka an thlak kha a rak ngiat. Mirum tampi nih tam pipi in an thlak.
42 Nuhmei sifakmi a ra ve i phaisa sen pahnih a thlak ve.
43 A hnuzul hna kha a auh hna i, “Biangaite kan chimh hna, tangka kuang ah a thlami midang vialte nakin nuhmei sifaknu nih hin tam deuh a thlak.
44 Midang nih cun an ngeihmi tampi chungin an thlak; anih tu cu a chambau na tein, a nunnak ca i a ngeihchunte kha a dihlak in a thlak,” a ti hna.