11
(Mat 21:1-11; Luk 19:28-40; Jhn 12:12-19)
1 Jerusalem khua an hei naih i Bethfeih le Bethani khua pawng Oliv tlang an phanh tikah a hnuzul pahnih hna kha,
2 “Nan hmai khua ah khin va kal u law khua nan va luh kate ah ahohmanh cit rih lomi laa fate an hren ko kha nan hmuh lai; phoih u law hun hruai u.
3 Pakhat khat nih, ‘Zeicahdah khakha nan tuah?’ an in ti hna ahcun, ‘Bawipa nih a herh i kan rak in pek òhan zau hna lai,’ nan ti lai,” a ti hna.
4 An va kal i laa fate, inntung ah a hreng i lamka ah a rak dir komi cu an va hmuh i a hri cu an phoih.
5 Cuka i a rak dir komi hna nih khan an rak hmuh hna i, “Zeicahdah mah laa fate kha a hri nan phoih?” an ti hna.
6 Jesuh nih a chimh hna bantuk khan an chim, cun i hruaihnak nawl an pek hna.
7 Laa fate cu Jesuh sinah an ratpi. An puan an danh i aa cit.
8 Mi tampi nih lam ah an puan an phah; micheu nih ramlak i an sammi hnahchawl an phah.
9 Cun hmai i a kalmi he hnu in a hun zulmi hna he, “Hosanna, Bawipa min in a rami cu a thang òha ko seh!
10 A ra laimi kan pa David pennak cungah thluachuahnak um ko seh! Cungnung bik ah Hosanna,” tiah an au.
11 Jerusalem ah a phan i biakinn chungah a lut; zeizong vialte a zoh dih. Khua a hnut cang caah hleihnih hna he cun Bethani khua kal awkin an chuak òhan.
(Mat 21:18-19)
12 A thaizing Bethani khua in a ra kir tikah khan Jesuh cu a rawl a òam.
13 Lam hla nawn ah khin theipi kung, a hnah a mimdul komi a hmuh i a tlai a um hnga maw tiah a hei fuh. A hei phanh tikah cun a hnah lawngpi a si i a tlai zeihmanh a um lo kha a hmuh, zeitintiah a tlai caan a si lo.
14 A thawh i, “Na tlai hi ahohmanh nih in ei ti hna hlah seh,” a ti. Cucu a hnuzul hna zong nih an theih dih.
(Mat 21:12-17; Luk 19:45-48; Jhn 2:13-22)
15 Jerusalem ah an hung. Biakinn chungah a lut i thil zuar le thil caw vialte a òhawl dih hna; tangka a thlengmi hna an cabuai le laileng zuartu òhutdan vialte a leh dih;
16 biakinn chung tan in zei thil phorh hmanh a sianh hna lo.
17 A cawnpiak hna i hitihin a chimh hna, “ ‘Ka inn cu miphun vialte caah thlacamnak inn a si lai,’ ti in aa òial lo maw kha? Sihmanhsehlaw mifir kua ah nan ser,” a ti hna.
18 Tlangbawi upa hna le phung cawnpiaktu hna nih an theih tikah an òih i thah awkah khua an khang; zeitintiah a chimmi nih khan zapi lung a hmeh tuk hna.
19 Zanlei a hung si i khuapi cun an chuak.
(Mat 21:20-22)
20 A thaizing an kal pah ah theipi kung cu a hram tiangin a rak car dih kha an hmuh.
21 Peter a lung a hung pem i, “Cawnpiaktu, theipi kung chiat na serhmi kha a car dih,” a ti.
22 Jesuh nih a leh i, “Pathian cu zum ko.
23 Biatakte kan chimh, ahopaoh nih hi tlang hi ‘I òhial law rili ah i paih,’ a ti i a chim ningte khan a si ko lai tiah lung awòawm lo tein a zumh i a ti ahcun, tuahpiak a si ko lai.
24 Cu a si caah thlacam in nan halmi paoh cu kan hmuh cang, ti zum u law nan hmuh ko lai kan ti hna.
25 Cun thlacam in nan dir tikah, ahopaoh cung i lungfahnak nan ngeihmi cu va ngaithiam hna u; cuticun van i nan Pa zong nih nan buarsonak kha an ngaihthiam ve hna lai,” a ti.+ 11.25 kut in òialmi Cathiang a òha bik ah cang 26 nak aa tel lo.\xq \xv 26 \xv* Asinain na ngaihthiam lo ahcun, vancung khua i a um na Pa nih na sualnak an ngaithiam ve lai lo.\x*
(Mat 21:23-27; Luk 20:1-8)
27 Jerusalem an phan òhan, biakinn chung i a kal lioah khan tlangbawi upa le phung cawnpiaktu hna le khua upa nih an hun fuh i,
28 “Zei nawl ngeihnak in dah hi thil hna hi na tuah, asiloah, hi tuahnak nawl hi aho nih dah an pek?” tiah an hal.
29 Jesuh nih a thawh hna i “Bia pakhat tein kan hal hna lai i rak ka let u law zei nawlngeihnak in dah hi thil hna hi ka tuah ti cu kan chimh ve hna lai.
30 Johan baptisma kha van in maw a si minung sinin dah? Ka let tuah u,” a ti hna.
31 Pakhat le pakhat an i al i, “ ‘Van in,’ kan ti ahcun, ‘Zeicahdah nan zumh kun lo,” a kan ti lai.
32 ‘Minung sinin,’ kan ti hnga maw?” —an ti tikah mirun kha an òih fawn hna, zeitintiah mi kip nih Johan cu profet taktak a si an ti.
33 Cucaah, “Kan hngal lo,” tiin Jesuh cu an leh. Jesuh nih, “Hi thil hna hi zei nawlngeihnak in dah ka tuah ti cu kan chim ve hna lai lo,” a ti hna.