18
Um Sertu le Tlak Kong
1 Mah hihi Bawipa sinin Jeremiah sinah a rami bia a si;
2 “Tho law umsertu inn ah vung kal law khika ah ka bia kha kan chimh lai,” a ti.
3 Cucaah umsertu inn ah cun ka vung kal i a lengke kual i rian a rak òuan len ko kha ka vung hmuh.
4 Voi khat voi hnih cu a sermi um cu a òha in a chuah lo tikah a hrawh òhan tawn i a duhning in um dang ah a ser òhan tawn.
5 Khi tikah Bawipa bia cu ka sinah a ra i,
6 “Maw Israel innchungkhar hna, umsertu nih tlak kha a duhduh in a tuah bantuk hin kaan tuah kho hna lo maw? A kut chung i a ummi tlak bantuk khi ka kut chungah hin nan si.
7 Zeitik caan paoh ah, miphun pakhatkhat si hna seh, ram pakhatkhat si hna seh, ka phawi lai, ka òheh lai, ka hrawh lai, tiah ka tlerh ko hnga,
8 sihmanhsehlaw cu ka tlerhmi miphun nih cun a òhat lonak kha a mertak ahcun a cung i thil òhalo ka tuah lai ka timi kha a òhat deuhnak in ka ruah òhan lai.
9 Cun voi khatkhat cu miphun pakhat siseh, ram pakhat siseh, ka sak lai i ka phun lai, tiah ka ti ko hnga.
10 Sihmanhsehlaw ka mithmuh ah thil òhalo kha a tuah i ka bia a ngaih lo ahcun, a ca i thil òha tuah kaa timhmi kha ka ruah òhan a herh fawn ko lai.
11 Cucaah va kal law, Judah ram mi hna le Jerusalem mi hna cu, mah hihi Bawipa bia a si tiah va chim hna: Keimah cu umsertu ka si. Nan cung i a tlung dingah thil òhalo kha ka tim lio i nanmah dantatnak ding lam kha ka tuak lio. Lam òhalo nan zulhmi kha nan dihlak in kirtak cio u; nan ziaza le nan tuahnak kha i remh cio u, a ti.
12 Sihmanhsehlaw annih nih an in thawh lai i, ‘Zeicahdah kan i remh len ko lai? Kan duhning cio paoh in kan tuah cio ko lai i kan lung chungin a chuakmi ning cio paoh in kan um ko lai,’ tiah an in leh lai.
Mizapi Nih Bawipa An Hlawt
13 Cucaah Bawipa bia cu hi bangin a si na ti lai:
Miphun hna kha va hal tuah hna u,
hi bantuk hi aho tal nih
an thei bal maw?
Ngaknu thiang Israel nih
thil òhalo cem bik a tuah ko.
14 Lebanon tlang par lungpang
lakah khan hawhra nih tlak
a ngol lai maw?
A tlangpang i a luangmi
tiva hna cu
an reu ko hnga maw?
15 Reu hlah, sihmanhsehlaw
ka mi hna nih cun an ka philh;
Annih nih siasal menmen hna sinah
khan raithawinak an khangh,
Annih nih an zulh awk hnga lam
a simi ah khan an ril i
hlan lam kha an zul ti hna lo;
Lam hleng le ser lomi
lam tu ah khan an i mer.
16 Anmah nih an ram cu
pakpalawng ah an ser i
Zungzal in mi nih an nihsawh lai.
A pawng i a kalmi paoh cu
an thla a hlauh hna lai i
an lu an i thin sek len lai.
17 Nichuahlei thli bantukin
annih cu an ral hna hmaiah
ka òhek dih hna lai,
An òumchuk ni ah ka hmailei
chit loin
ka hnulei tu ka chit hna lai, a ti.
Jeremiah Thlacamnak
18 “Ra tuah u, Jeremiah hi zeitindah kan tuah lai, i ceih tuah u sih,” an ti. “Kannih lam a kan hruaitu ah tlangbawi an um òhiamòhiam ko lai, fim a kan chimtu ah mifim an um òhiamòhiam ko lai i Pathian bia a chimtu ah profet an um òhiamòhiam ko lai. Ra u law, a cungah bia kawl tuah u sih, a bia cu zeihmanh ah rel hlah u sih,” an ti.
19 Sihmanhsehlaw a ka raltu hna nih
ka cungah an chimmi bia cu
ka ruahpiak law ka theihpiak ko.
20 Òhatnak hi òhat lonak in maw
lehrulh a si lai?
Na thinhunnak kha an sinin
aa òhial khawh nakhnga
anmah aiawh in nangmah cu
kan nawl i na hmai i
ka dir kha philh sawh hlah.
21 Cucaah an fale hna cu
mangòam tonter hna,
Vainam sinah khan kaltak
men ko hna.
An nupile hna cu fa ngei lo le
nuhmei siter ko hna,
an pale hna cu thihnak nih
kalpi ko hna seh,
An tlangval hna cu raltuknak
hmun ah vainam in thi hna seh.
22 Ralrinnak pek hmasa loin
an cungah ramhtu kha
tlunter hna,
An inn chungin kiaonak le
ainak thawng kha
thang hna seh,
Zeicahtiah ka tlaknak ding caah
khor an cawh i
Kaa foihnak ding caah
rap an chiah.
23 Asi, Maw Bawipa, nangmah nih
keimah thahnak ding caah
an timhmi vialte cu
na hngalh dih ko;
An òhat lonak kha hlohpiak hna
hlah law, an sualnak kha
hnawhpiak hna hlah.
Ril cuahmah in na hmaiah
chuahpi an si tikah,
Na thinhun ni ah an cungah cun
òuan ko.