17
Judah Mi Lung Cungah Sualnak Aa Khenhchih
1 Judah sualnak cu thir cafung in òial a si; an lungthin lungtlap cungah cun daimon zum in khenh a si i an biakòheng ki hna ah cun anmah sual phawtu dingah suai an si.
2 An biakòheng le an tung thiang hna cu thingkung hring kip toiah tlang ram fing le tlang kip cungah cun an dir.
3 Nan ram chung dihlak i nan sualnak ruangah nan chawva cu hranchaw ah mi ka pek hna lai i nan rochaw cu man loin ka pek hna lai.
4 Kan pekmi hna nan ro kha nan sung lai. Nan hngalh lomi ram chungah nan ral kha nan rianh hna lai, zeicahtiah ka thinhunnak cu a alhmi mei a si i zungzal in a alh ko lai.
5 Bawipa nih hi bangin a ti:
“Minung kha a bochan i minung kha
aa hngatchanmi ah aa serh i
Bawipa kha a mertakmi cu
a cungah chiat tlung ko seh!
6 Amah cu thetse ram i
a ummi burbuk bantuk a si,
Òhat lonak a rat tikah
zeihmanh a hmu lai lo.
Ramlak i lungtamnak hmun ah cun
khua a sa lai,
ahohmanh an um khawh lonak
cite ram ah cun, a um lai.
7 Sihmanhsehlaw keimah kha
a ka bochan i a ka hngatchanmi cu
thluachuahnak ka pek lai.
8 Amah cu tikam phunmi
thingkung bantuk, tiva kam i
hram a zammi bantuk a si.
Vaupi ni a chuah tikah, òih awk
zeihmanh a ngei lo,
A hnah cu hring dildel in
an um zungzal ko.
Khuakhen kum a tlun tikah a zei
a poi lo i a thei zong a dong lo. Ref 17.8: Slm 1.3
9 Lungthin hi zeizong vialte nakin
a zer bik,
Aho nih dah minung lungthin hi
a hngalh khawh lai?
Damh khawh ti lo tiangin
a zaw cang.
10 Bawipa nih minung ruahnak cu
ka dah dih i an lungthin cu ka zet dih,
An tuahnak nih a phut ningin le
an ziaza ning cio in ka cham hna. Ref 17.10: Slm 62.12; Biat 2.23
11 Dinlonak in chawva a ngei
luaimaimi cu
amah ti a si lomi ti
a bu chungah a tlummi
vaking bantuk a si,
A chan òim hlanah a chawva cu
a kaltak ko hna lai i
a donghnak ah cun mihrut a si kha
amah nih a langhter ko lai.
12 Kan Biakinn cu sunparnak
bawiòhutdan bantuk a si.
A hramthawk in tlangsang cungah
a dirmi bantuk kha a si.
13 Maw Bawipa, nangmah cu
Israel mi nih an i hngatchanmi na si,
Nangmah an hlawtu vialte cu
ningzahnak an phan lai;
Bawipa, nangmah cu
nunnak cerhti na si i
Nangmah an hlawmi vialte cu
leidip lak i min òialmi bangin
an lo lai.
Jeremiah Nih Bawipa Bawmhnak A Hal
14 Ka damter law, Maw Bawipa,
òha tein ka dam lai,
Ka khamh law him tein ka um lai;
Zeicahtiah ka thangòhatmi cu
nangmah na si.
15 Mi nih an ka thawh i, “ Bawipa nih
a kan hronak bia cu khuazei
ah dah an si?
An rat khawh ahcun atu ah
ra hna ngat seh!” an ti.
16 Sihmanhsehlaw Maw Bawipa,
an cungah òhat lonak tlunter kha
kan fial bal lo i
An ca i harnak caan tlun kha
ka duhmi a si bal lo.
Nangmah nih ka ka in a chuakmi
bia vialte cu na hngalh dih,
Ka chimmi bia vialte cu na
hnatlakmi an si ko.
17 Ka caah òihnung si sawh hlah,
Rawhralnak ni ah nangmah
lawnglawng hi ka himnak na si.
18 A ka hremtu kha ningzahnak
phakter ko hna,
sihmanhsehlaw kei cu
ka luatter ko,
Annih cu therphang in
umter ko hna,
sihmanhsehlaw kei cu
ka thin ka phanter hlah.
An cungah rawhralnak ni kha
tlunter law hrawk cikcek
ko hna, a ti.
Sabbath Ni Thiang Tein Ulh Awk
19 Bawipa nih a ka thawh i, “Va kal law, Judah siangpahrang hna an luh an chuahnak Benjamin Kutka ah khan le Jerusalem i kutka dang vialte hna ah khan va dir tuah.
20 Cun Bawipa bia cu thei tuah u, nannih Judah siangpahrang hna le Judah ram mi vialte le hi kutka in a lutmi Jerusalem khuami vialte hna, va ti.
21 Hitihin Bawipa nih a ti: Nannih nih sabbath ni ah thil nan phorh nakhnga lo le Jerusalem kutka hna zongah hin nan luhpi hna nakhnga lo, òha tein i ralring u. Ref 17.21: Neh 13.15-22
22 Sabbath ni ah nan inn chungin thil zeihmanh nan chuahpi hna lai lo i rian zong nan òuan lai lo, sihmanhsehlaw nan pupa hna nawl ka pek hna bang khan sabbath ni cu thiang tein nan ulh lai. Ref 17.22: Exo 20.8-10; Deu 5.12-14
23 Asinain annih nih an ngai lo i zei zongah an rel lo, cawnpiaknak cu theih le ngaih an duh hrimhrim lo.
24 Sihmanhsehlaw nannih cu ka bia nan ngaih i sabbath ni ah hi khuapi kutka hna chungah hin zei thil hmanh nan luhpi hna lo i khi ni cu thiang tein ul in rian nan òuan lo ahcun,
25 hi khuapi kutka hna chungah hin David bawiòhutdan ah a òhu dingmi siangpahrang hna kha an lut lai. Annih nih rangleng hna le rangtum hna kha an i cit hna lai i an ralbawi hna le Judah ram mi hna le Jerusalem khuami hna nih an cawngh hna lai: cun hi khua cu zungzal in a hmun lai, tiah Bawipa nih a ti.
26 Cun Judah ram khua hna le Jerusalem khua kiangkap khua hna le Benjamin ram le Shefelah tlangram le Negeb in mi kha an ra lai i khangh thawinak le raithawinak le changvut thawinak le frankinsen zihmui kha an rak put hna lai i Bawipa inn ah lawmhnak thawinak kha an rak put fawn hna lai.
27 Sihmanhsehlaw sabbath ni kha thiang tein ulh awk le sabbath ni ah thil phorh lo le Jerusalem kutka ah luhpi lo awk i ka bia kha nan ngaih lo ahcun, hi kutka hna cu mei in ka khangh hna lai; Jerusalem khua i siangpahrang inn hna kha a kangh hna lai i a mit lai lo,” tiah a ti.