14
Ruah Sur Lonak Ding Kong
1 Khua a khen kong ah Bawipa bia
Jeremiah sinah a phanmi:
2 “Judah cu a uai i a khua hna cu
zeihmanh tuah zuam loin an um,
A mi hna cu vawlei ah an pil i
Jerusalem òahnak cu a kai.
3 A saòil bawi hna nih khan
an sinum hna cu
ti kawl awkah an thlah hna;
Tili ah khan an va kal,
sihmanhsehlaw ti an hmu lo,
An tithawl ro he an kir.
4 Ruah a um lo caah vawlei in
theitlai zeihmanh a chuak lo,
Lothlo pawl cu an hnabei a dong,
An ngaih a chiat caah
an luchin kha an i phongh.
5 Ram lakah sazuk nih fa a hrin,
Sihmanhsehlaw ram a um lo caah
a fate cu a kaltak;
6 Rambir a um lo caah
ramlak laa hna cu tlangpar
hmunkawng ah khan an dir i
Cenghngia bangin an lei
an i chak i an thaw a ha i
an mit a mui.
7 Kan òhat lonak nih sual
kan phaw hmanh seh law,
Maw Bawipa, na min ruangah
kan bawm ko;
Zumhtlak kan si lonak cu a tam ko,
nangmah cungah kan sual ko.
8 Maw nang, Israel mi nih
an i ruahchanmi,
harnak caan i a khamhtu hna,
Kan ram chungah hin
khual bantukin
maw na um ko lai?
Zan khat riak khualtlawng bantuk
maw na si ko lai?
9 Chikkhatte i teimi bantuk maw
na si ko hnga?
Amah le amah aa khamh kho lomi
bantuk maw na si ko lai?
Maw Bawipa, nang cu
kan lakah na um i
Kannih cu, Ka ta nan si,
tiah na kan ti;
10 Bawipa nih hi mi hna kong ah hi bangin a chim: Annih hi ka lam in tlau a duhmi an si i an duhnak paoh ah an vak. Cucaah an cungah lawmhnak a ngei ti lo; an òhat lonak kha a philh lo i an sualnak kha dan a tat hna.
11 Cun Bawipa nih a ka thawh i, “Hi mi hna òhatnak caah hin thlacam hlah.
12 Annih nih rawl an ulh tikah an aunak kha ka ngaihpiak hna lai lo; khangh thawinak le changvut thawinak kha an pekchanh tikah ka cohlanpiak hna lai lo. Vainam le mangòam le rai tu in ka thah hna lai,” tiah a ti.
13 Cun kei nih kaa thawh i, “Maw Bawipa Pathian, profet nih an thawh hna i, ‘Vainam nan tong lai lo, mangòam zong nan ing lai lo, hi hmun ah hin daihnak cu kan pek hrimhrim hna lai,’ a ti, tiah an ti hna,” ka ti.
14 Cun Bawipa nih a ka thawh i, “Profet hna nih keimah min in lihbia kha an chim; keimah nih ka thlah hna lo, nawl zong ka pe hna lo, a chawnh zong ka chawn hna lo. Annih nih annih cu lih a simi langhnak le santlailo bong le anmah lung chung ruahnak menmen kha an chimh hna.
15 Cucaah, vainam le mangòam cu hi ram ah hin a tlung lai lo,” a titu profet hna, ka thlah hna naloin ka min in bia an chimmi kong ah cun, Bawipa nih hi bangin a ti: Cu profet hna cu vainam le mangòam in an thi lai.
16 Cun annih nih an chimhmi hna zong cu an nupile he an fapale hna he an fanule hna he; vainam le mangòam ruangah cun phumtu hmanh ngei loin Jerusalem khua chung lam hna ah cun hlonh an si lai. An hmuh awk hnga a simi òhat lonak kha an cungah ka toih hna lai.
17 Cucaah annih na chimh ding hna
bia cu mah hihi a si:
Chun zan in ka mitthli cu
hul loin luang camcin ko seh,
Zeicahtiah ka mi hna
ngaknu thiang cu
kuai cikcek in den a si i
fak piin hma a ing.
18 Lo i ka va chuah tikah
vainam nih a thahmi hna
an rilh liangluang ko kha
ka hmuh hna;
Khua chung i ka va luh ah,
mangòam in a thi cuahmahmi kha
ka va hmuh hna;
Profet hna le tlangbawi hna cu
rawl hal in ram chungah
an vak lengmang i
dinh mui an hmu lo.
Mizapi Nih Bawipa An Nawl
19 Judah cu na hlawt hrimhrim ko
cang maw?
Zion cu na fih ko cang maw?
Kan caah damnak a um khawh ti lo
tiangin zeicahdah na kan tuk?
Zeicahdah caan òha deuh cu
na kan ruahchanter òung,
zeihmanh òhami
kan hmuh òung lo,
Zeicahdah damnak caan cu
na kan ruahchanter òung i
rawknak lawnglawng a si òung?
20 Kan òhat lonak le kan pupa hna
sualnak kha na sinah
kan phuan ko,
Maw Bawipa, na cungah
kan sual ko.
21 Na min a umnak kha
zeirello in um hlah law
A sungmi na bawiòhutdan cung
zongah nihsawhnak
phakter hlah.
Kan sin i na biakam cu
philh hlah law
pakpalawng ah ser sawh hlah.
22 Miphun dang pathian,
pathian deu a simi hna lakah
ruah surter kho an um maw?
Asiloah, van hna nih khin
ruahpi an surter kho maw?
Nangmah cu kan in bochan
nakhnga,
Pathian na si lo maw, Maw Bawipa?
Hi thil vialte hna a tuahtu hi
nangmah lawnglawng na si.