15
Judah Cung Pathian Thinhunnak
1 Cun Bawipa nih a ka thawh i, “Moses le Samuel hmanh kha ka hmaiah dir hna seh law, hi mi hna hi ka zaangfah hlei hna lai lo. Ka hmaika in dawi hna law kal ko hna seh. Ref 15.1: Exo 32.11-14; Nam 14.13-19; 1Sam 7.5-9
2 Cun annih nih, ‘Khuazei ah dah kan kal lai?’ tiah an in hal tikah, annih cu na thawh hna lai i, ‘Hi bangin Bawipa nih a ti:
“Rai ca i a simi cu rai sinah,
Vainam ca i a simi cu
vainam sinah;
Mangòam ca i a simi cu
mangòam sinah,
Saltannak ca i a simi cu
saltannak ah,” tiah
na ti hna lai,’ a ti. Ref 15.2: Biat 13.10
3 “An cungah hrawktu phun li ka chiah lai, tiah Bawipa nih a ti: thattu ah vainam, sehtu ah uico, eitu ah van i a zuangmi va hna le hrawktu ah vawlei i a kalmi saram hna.
4 Cun Judah siangpahrang Hezekiah fapa Manasseh nih Jerusalem khua chung i a tuahmi sualnak ruangah annih cu vawleicung ram vialte hna sinah tuksum ah ka ser hna lai. Ref 15.4: 2Sia 21.1-16; 2Cha 33.1-9
5 Aho nih dah na cungah
zaangfahnak a ngeih lai,
Maw Jerusalem?
Aho nih dah an in hnemh lai?
Zeitindah na ningcang a si,
ti hal awkah aho nih dah
an in pialhnawh lai i
na cungah òhatnak tlung ko seh,
an in ti lai?
6 Nang nih cun na ka hlawt cang i
hnulei na ka chit cang,
tiah Bawipa nih a ti;
Cucaah nangmah cu
ka kut kan samhhnawh i
kan hrawh ko,
I dinhdorh lengmang hi
ka ing kho ti lo.
7 Ka vamh hna i ram chung
khua kip ah khan ka òhek hna;
Annih nih an lam kha an hlawt
duh lo caah an cungah
ngaihchiatnak ka tlunter i
ka mi cu ka hrawh hna.
8 An lakah nuhmei hna cu
rili thetse nakin
ka tamter deuh hna;
Chun lingcing ah an cungah
ramhtu kha
ka tlunter ukmak hna.
Ral i run chim lai òihnung kha
an cungah ka tlunter.
9 Fapa pasarih a ngeimi nu kha
thlalau in mah hngal loin
a ril ko,
Chun a si ko rih lioah
a ceunak cu a mit cang;
Ningzak le hmaichia in a ril ko.
Cun annih lak i a tang rihmi vialte
hna cu vainam in thih awkah
an ral hna kut chungah
ka pek cang hna,”
tiah Bawipa nih a ti.
10 Aize, aize, ka nu, zeicahhen
na rak ka hrin ngelcel!
Hnahnawhnak chung i
a um ding le
vawlei pumpi he
aa ralchanh dingmi minung pei
ka rak si ko hi.
Aho sin hmanh in tangka
ka cawi hna lo i
Ahohmanh zong ka cawih
fawn hna lo,
Sihmanhsehlaw mi kip nih
an ka thangchiat.
Bawipa Nih Jeremiah A Hnemh
11 Bawipa nih a leh i,
Sihmanhsehlaw fak piin
kan òhawnter lai;
Harnak caan le vanchiatnak
caan ah na ral cu
na ke tangah ka chiah hna lai.
12 Thir nih chaklei in a rami
kahpathir cu a khiah khawh maw?
13 Bawipa nih a ka thawh i,
“Ka mi hna nih ram chung
a dihlak ah hin sualnak
an tuah caah
hi sualnak ruangah hin
dan ka tat hna lai,
an chawva le an rothil vialte
kalpi awkah ral kha ka rak
thlahhnawh hna lai.
14 Annih cu an hngalh bal hrimhrim
lomi ram ah khan
an ral hna kha ka rianhter hna lai,
zeicahtiah ka thinhunnak cu
mei bantuk a si i
zungzal in a alh ko lai,” tiah a ti.
15 Bawipa nangmah nih na hngalh;
Bawipa, ka philh hlah law
ra ka leng tuah,
Keimah a ka hremtu hna cungah
ka phu ka hlampiak ko.
Ka cungah na thin fual ko sawh
law ka la sawh hlah,
Nangmah ca i nihsawhnak
ka inmi cu hmu ko sawh.
16 Na bia zei ah a rel lomi cu
ka in hna a hau,
Na bia cu kei ka caah cun
lawmhnak le thanuamnak a si;
Zeicahtiah nangmah nih
keimah cu na ta si awkah
min na ka bunh cang,
Maw Bawipa, Ralkapbu Pathian.
17 Aa nuam huahmahmi hna sinah
khan ka òhu ka um bal lo i
An sin zongah kaa nuam bal lo;
Nangmah nih rian na ka pekmi
ruangah keimah lawng tein
ka um i
Nangmah nih thinhunnak in
na ka khahter.
18 Zeicahdah ka fahnak hi
a dongh kun lo?
Zeicahdah ka hma hi
hnabei dong a si i
a dam duh lo?
Nangmah cu ka caah,
a ti a car tawnmi tivate,
bochan awk a tlak lomi
19 Cun Bawipa nih hi bangin a leh;
Ka sinah na kir òhan ahcun kan lak
òhan lai i ka hmaiah na dir lai.
Bia òha chim kha na thiam i
bia chia kha na hlawt ahcun,
Ka bia chimtu na si lai.
20 Nangmah cu an caah
pemh khawh lomi dar
vampang ah kan ser lai,
An in doh lai, sihmanhsehlaw
an in tei lai lo,
Zeicahtiah nangmah kha
huhphenh awk le khamh awkah
keimah cu na sinah ka um,
21 Miòhalo mi hna kut chung khan
kan chuah lai i,
Thlachiat ruat lomi hna
kut chung khan kan khamh lai,”
tiah Bawipa nih a ti.