13
Biar Chia Tahchunhnak In Cawnpiaknak
1 Bawipa nih a ka thawh i, “Va kal law puan biar vaa cawk law na tai ah i kaih, sihmanhsehlaw ti tawnghter hlah,” a ti.
2 Cucaah Bawipa bia bang cun kaa cawk i ka tai ah kaa kaih.
3 Cun Bawipa bia cu a voi hnihnak ka sinah a ra òhan i,
4 “Tho law Zufrates tiva ah va kal tuah. Khika ah na tai i naa kaihmi na biar kha lungkak chungah va thup tuah,” a ti.
5 Cucaah ka tho i Bawipa nih nawl a ka pek bangin Zufrates tiva pawngah ka va thuh.
6 Cun caan saupi hnuah khin Bawipa nih a ka thawh i, “Tho law, Zufrates tiva ah khan va kal tuah, cun khika ah va thup tiah nawl ka rak in pekmi biar kha va la,” tiah a ti.
7 Cun Zufrates tiva ah cun ka va kal i ka thuhnak hmun kha ka va zoh, sihmanhsehlaw ka vun lak tikah, biar cu a rawk dih cang, zeihmanh ah a òha ti lo.
8 Cun Bawipa nih cun a ka chawnh òhan i a bia cu hi bangin a si:
9 Hi bantuk hin Judah aa porhlawtnak a nganmi le Jerusalem aa porhlawtnak a nganmi kha ka hrawh lai.
10 Hi miòhalo hna nih hin ka bia ngaih kha an duh lo; pathian dang kha an zulh hna i an rian an òuan hna i an kunhnawh hna. Cucaah annih cu, zeihmanh ah a òha ti lomi biar bantuk hi an si lai.
11 Biar cu tai ah hren chih a si bantukin Israel mi vialte hna le Judah mi vialte hna cu an ning piin keimah ah kaa hren chih hna. Zeicahdah mahtin ka tuah ti ahcun, annih kha ka mi an si i ka caah min òhatnak le sunparnak an chuahpi nakhnga, ti caah a si; sihmanhsehlaw ka bia cu ngaih an duh lo.
A Khatmi Thawl Tahchunhnak
12 Annih cu hi bia hi na va chimh hna lai; “Hi bangin Bawipa, Israel Pathian nih a ti, ‘Ralca vialte cu mitsur hang in an khat lai,’ va ti. Cun annih nih an in thawh lai i, ‘Ralca vialte cu mitsur hang in an khat lai ti kha kan hngalh ko pei,’ an ti lai.
13 Khi tikah na thawh hna lai i, ‘Hi bangin Bawipa nih a ti: Hi ram chung i a ummi vialte hna hi an rit hlan tiang, mitsur hang in ka khahter hna lai § bawiòhutdan ah a òhumi siangpahrang David tefa hna, tlangbawi hna le profet hna le Jerusalem i a ummi vialte hna hi ka ritter hna lai.
14 Cun ralca pakhat le pakhat an i khawn bantukin annih cu ka den cikcek hna lai, pale zong hual lo, fapa hna zong hual loin. An cungah zaangfahnak siseh, velngeihnak siseh, nemnak siseh, ka ngei lai lo; annih hrawh kha kaa sum hrimhrim lai lo,” tiah Bawipa nih a ti.
Judah Cu Aa Ngaihchih Lo Caah Sal Ah A Kal Lai
15 Ngai u law nan hna chi tuah u,
nan lung puam hlah u,
Zeicahtiah bia a chimtu hi
Bawipa a si.
16 Bawipa nan Pathian cu
sunparnak pe tuah u,
Khua a muih hlan le
huaphap lawngin a ceumi
tlang pang i nan ke
a nal hlan le
Nannih nih nan kawlmi
ceunak cu mui padap i
a ser hlanah hin.
17 Cu bantukin a thukmi muihnak
chung i nan um hmanh i
nan ngaih duh lo ahcun,
Lungthin fah tuk ah a òah lawng
ka òap lai i ka mitthli lawng
a tla ko lai;
Zeicahtiah Bawipa tuurun cu
sal ah kalpi an si cang.
18 Siangpahrang le a nu sinah cun,
“Nan i porhlawtnak
nan bawiluchin cu
nan lu cungin an tlak cang caah
òhutdan niam ah òhu tuah u,” va ti.
19 Negeb ram khua cu kulh
an si dih cang,
Ahohmanh nih
an chanh kho hna lo;
Judah ram mi vialte cu
sal ah hruai an si cang,
An ning piin kalpi an si cang.
20 Jerusalem khuami hna,
hei cuan u law chaklei in
a rami khi hei zoh tuah hna u,
Nanmah an in pekmi hna tuurun
kha khuazei ah dah a si?
Naa porhlawt ngaimi tuurun kha?
21 Ka hawikom an si tiah na ruahmi
hna kha na cung i uktu ah
chiah an si tikah
zeidah na chim lai?
Nau nganfah a ingmi nu bantukin
nganfahnak kha na in lai.
22 “Zeicahdah mah thil hi ka cungah
a tlun hnga?” tiah na ti ahcun,
Na sualnak a tam ruangah
na hni cu phoih na si i
Na ke cu langhter an si.
23 Ethiopia mi nih a cuar kha
aa thlen khawh maw?
Cakei nih tah a òial kha
aa thlen khawh maw?
I thleng kho hna seh law cu,
nannih òhat lonak dah ti lo
zeidang tuah a thiam lomi
zong nih hin
òhatnak kha nan tuah ve hnga.
24 Cucaah thetse ram thli nih
a choihmi favai bantukin
nannih cu kan òhek hna lai.
25 Nannih nih keimah kha
nan ka hlawt i pathian deu kha
nan i bochan hna caah
Mah hihi nan covo, ral thawh
hmangmi hna covo,
Keimah nih kan tahpiakmi hna cu
a si, tiah Bawipa nih a ti.
26 Cucaah keimah hrimhrim nih
nan hni kha kan phoih hna i
Nan ningzahnak kha ka langhter.
27 Va cungin pa nan i duhnak,
hor au in nan aunak,
nan thurhnawmhnak hna hi
ka huat hna.
Tlang cungah le ram lakah thil òhalo
nan tuahmi kha ka hmuh hna.
Aize, Jerusalem, nang cu khua
thurhnawm na si ai!
Zei can dah, zei can dah
na rauh rih lai?