12
Jeremiah Òahnak le Pathian Nih A Lehnak
1 Maw Bawipa, nangmah cu
na din caah bia kan al lai,
Na hmaiah ka bia cu
ka rak chuahpi ko lai.
Zeicahdah mi òhalo hna cu
khuaawng an ton i
hlen hmangmi hna cu nuam tein
khua an sak?
2 Nangmah nih na phun hna i
hram an thla,
An òhang i thei an tlai.
An hmur ah cun na cuang
lengmang ko,
Asinain an lung cu nangmah he
aa hlat ko.
3 Sihmanhsehlaw maw Bawipa,
nangmah nih na ka hngalh i
ka tuahmi cu na hmuh ko,
Zeitluk in dah kan dawt kha
nangmah nih fiang tein
na hngalh ko.
Hi mi òhalo hna hi, thah awkah
kalpimi tuu hna bantukin
kalpi hna law
Thah ni caah a dang in chia ko hna.
4 Zei can dah kan ram hi
car remrum in a um lai i
A ram hring hna hi rocar in
an um lai?
A chung mi hna kha
an òhat lo tuk ca le,
‘Kan tuahmi kha Pathian nih
a hmu lai lo,’ tiah an ti caah,
Va si hna seh, saram si hna seh,
a tangmi zeihmanh an um lo.
5 Cun Bawipa nih Jeremiah cu
a thawh i,
Mi he tlik nan i zuam hmanh i
na bat a si ahcun,
zeitindah rangtum cu
na zuam khawh hna lai?
A fawinak ram ah na rilh ahcun,
zeitindah Jordan kuam ramhnok
lakah cun naa tuah kun lai?
6 Na unau,
nangmah innchungkhar chung mi
hrimhrim hmanh nih
an in rawi cang;
Nangmah tuk awkah khan
an i thawh cio.
Na sinah bia òhaòha
an chim hmanh ah
zum hna hlah,” tiah a ti.
7 Israel innchungkhar cu
ka hlawt cang hna,
Ka mi cu ka hlonh cang hna.
Ka dawt ngaingaimi cu a ral hna
kut chungah ka chanh cang.
8 Tupi chung i chiandeih bantukin
ka mi hna hrimhrim nih
an ka zuanhnawh i
an ka awnhhnawh;
Cucaah anmah cu ka huat hna.
9 Ka thimmi ka mi hna hi mupi,
a ka kip in mupi dang nih
an sanhmi bantuk a si.
Ra u, nannih sahrang hna,
ra u nan dihlak in,
Rawl danghnak ah hin ra ei cio u.
10 Tuukhal tampi nih
ka mitsur dum kha an hrawh i
ka lo kha an naan dih,
Ka lo a òhami te kha
thetse ram ah an ser dih,
11 Òiaotakmi hmun,
ram pakpalawng le
ti um lonak hmun ah an ser i
ka ngaih a chia.
Ram cu a ning piin
thetse ram ah a cang cang,
sihmanhsehlaw ahohmanh
an zei a poi lo.
12 Ramlak tlangsang hmun kawng ah khan ramhtu an ra phan lulhmalh cang, cu hna cu ram kha khattelei kam in khattelei kam tiang a eitu Bawipa vainam kha an si; dai tein a um khomi zeihmanh an um lo.
13 Ka mi hna nih changvut
an cin i hling an zun,
Thaba ngaiin an òuan,
sihmanhsehlaw rawl fang
zeihmanh an hmu lo.
Bawipa kha a thin a hun caah
an kumvui cu a òha hrimhrim lo.
14 Bawipa nih, “Ka mi Israel mi ka pekmi hna ram a hrawk dihtu an innpa miòhalo hna kongah chim awk ka ngei,” tiah a ti. “Hi mi hna hi, a hram in phawimi thingkung bangin, an ram in hmun dang ah ka kalpi hna lai i an sin khan Judah cu ka khamh lai.
15 Sihmanhsehlaw ka lak hna hnuah cun, an cungah zaangfahnak ka ngei òhan lai i an ti le an ram cio ah khan ka kirpi òhan hna lai.
16 Cun ka mi hna cu Baal min in chiatser an rak cawnpiak hna bantuk khan, annih zong nih ka mi hna biaknak kha an lungthin dihumnak in an i lak ve i, ‘ Bawipa a nun bangin,’ tiin chiat an ser ve ahcun, ka mi hna lakah telh chihmi innchungkhar an si ve lai.
17 Sihmanhsehlaw ka bia a ngai lomi miphun cu ahohmanh an si ah an hram in ka bongh hna lai i ka hrawh hna lai,” tiah Bawipa nih a ti.