26
Job Nih Pathian Cu Uktu A Sinak Kha A Chim
1 Cun Job nih a leh i:
2 “Òhawnnak a ngei lomi cu
na hei ka bawmh thiam dah!
Thazang a ngei lomi cu na hei
ka luatter thiam dah!
3 Zei ti awk a hngal ti lomi cu na hei
ka fimter thiam dah,
Na ruahnak cheuhmi cu mihrut mi
caah a hei òha thiam dah!
4 Aho nih dah mah bantuk bia chim cu
an forh i
Na chimmi bia ah cun aho thlarau dah
a lang?
5 Tanglei vawlei ah cun thladem hna cu
a ther in an ther i
Ti le a chung i a ummi thil vialte hna
cu an thin a phang.
6 Sheol cu Pathian hmaiah cun
taklawng in a um i
Abaddon cu a khuhnak a chin kha
hun a si.
7 Pathian nih van puan cu pakpalawng
cungah khin a zam i
Vawlei cu zeihmanhlo chungah
a thlai.
8 A chahmi khuadawm chungah ti cu
a fun hna i a rit nain khuadawm cu
an i cheu lo.
9 Thlapa hmai cu a huh i a cungah cun
a khuadawm kha a zamter.
10 Ti cungah khan, ceu le mui ramri ah
khan, a bial in a rin.
11 Van tung hna cu an ther, a sik hna i
ar koin an um.
12 A òhawnnak in rili rulpi kha a cheu,
a thiamnak in Rahab kha a thah.
13 A thaw in van kha a thianter
i a zammi rulpi cu
a kut in a chunh.
14 Zohhmanh, mah hihi a òhawnnak
tlangri ceo an si rih,
Amah kong kan theihmi cu zeitluk
in dah a tlawm!
A òhawnnak khuari chinchin cu
aho nih dah a hngalh khawh lai?”
tiah a ti.